السلام عليكم
أنا معايا رينو لوجان اوتوماتيك روماني موديل 2011 ماشي بيها 3500 كيلو لحد دلوقتي في الامارات
الفرق بينها وبين مصر ان بتاعتي فيها Alloy Wheels 15" & Fog Lights & Front Driver Air Bag بس الكاسيت أوديو ومفهاش Multi Function ذي البلاك لين في مصر
العربيه أشترتها بــ 38 الف درهم
لما أشتريت العربية كان كل تفكيري أن أشتري أرخص عربية أوتوماتيك لماركة موثوق فيها وينفع بعد كده أنزلها مصر وأخترت اللوجان بعد ما قرأت كل اللي مكتوب عنها وكمان أخويه في مصر معاه منها المانيوال وماشي بيها 30000 الف كيلو وبيشكر فيها جدا جدا
وفعلا كان أختيار سليم جدا وربنا وفقني فيه لأن العربية ممتازه جدا في اطارها السعري رغم أن كل العيوب اللي قرأتها في المنتدى لاقيتها زي الصفارة والسخونة بتاعت الدوسات بس طالما كلها مشاكل ثانوية وليها حل يبقى مفيش مشاكل أصلا
العربية فعلا بعد الــ 3000 كيلو أدئها أتغير تماما وبقى أكتر من ممتاز برضه في اطارها السعري
أستهلاك البنزين متوسط 9.5 لتر لكل 100 كيلو والتكيف لسه مستني الصيف عشان أحكم عليه صح بس أعتقد أه هايكون أقل من العربيات اليباني المواصفات الخليجية وعلى فكرة مفيش حاجة اسمها رينو موصافات خليجي لأن بالمنطق العربية ملهاش سوق في الخليج فطبيعي ان المصنع مش هايعمل خط انتاج مخصوص للخليج ذي الماركات الياباني
المفضلات