اقتباس المشاركة الأصلية كتبت بواسطة gebreel مشاهدة المشاركة
المشاكل اللي مقابلاني السخونة بتاعة التابلوه و ان شاء الله اركبلها العازل و تتحل ان شاء الله
جبريل باشا، أنا بحاول أحصر موضوع السخونيه ده من مده لآن هو الحاجة الوحيده إللي شاغله تفكيري وعايز أظبطها، هي مش مديقاني قوي بس لو ليها حل سهل وفعال وبأقل لعب في العربية يبقى ليه لأ، أنا أكتر حاجة بتدايقني الحر.

دلوقت أنا تقريبا توصلت للآتي:
- فيه حراره بسيطة جايه من الأرضيه في المنتصف بطول العربيه، ودي مصدرها الشكمان. أنا شايف إنها مش مستاهله شغل ولو حبيت لما العربيه تقدم معايا شويه ممكن أركب عازل تحت الموكيت وأعتقد هيقضي على الموضوع ده.

- مفيش حراره جايه من صدر العربية نفسه، من الموتور يعني.

- كل الشغل في الحته بتاعت التابلوه وراء الكاسيت والأزرار، يعني الماسورتين إياهم وسربنتينة السخن نفسها. أنا كنت ناوي على موضوع إلغاء السخن، بس الت،كيل في إسكندرية معطل الموضوع وأنا برضه إن جيت للحق مش عايز ألعب في العربيه قوي كده، وبصراحه كمان شايف أداء التكيف ممتاز ومرضي جدا من غير موضوع إلغاء السخن ده. ففكرت ليه محاولش أفك الفبره الفضي في التابلوه وأحط عازل يفصل بين مصدر السخونيه وظهر الفبره، ومش عارف هل هو ده إللي حضرتك تقصده ولا إنت قصدك حاجة تانيه وهل هتعمل ده بنفسك ولا التوكيل هيعمله؟؟؟؟

طولت عليك جدا بس أنا لوحليت سخونة التابلوه دي هرتاح جدا!!!