الموضوع: خريطة الخطين الثالث والرابع لمترو الانفاق. بجد انا استغربت

المشاركة الأصلية كتبت بواسطة aly_hosny

ايادي مصرية !!!!!!!!!!!!
انا قاري على صفحة المترو ان جاي من المانيا تقريبا " مش فاكر بالظبط"
و بعدين احنا معملناش موتور عربية هنعمل قاطرة ؟

الايادى المصريه ان شاء الله فى المرحله التانيه من الخط الثالث زى ما الوزير اعلن بالنسبه للمرحله الاولى من الخط الثالث القطارات كله توريد اليابان متسوبيشى

المشاركة الأصلية كتبت بواسطة kondor

أهم حاجة سرعة التنفيذ و الكفاءة و الصيانة بعد كده
فى دراسة كانت من 10 15 سنة لشركة يابانية كانت بتقول مصر محتاجة 6 خطوط مترو للقضاء على الزحام فى القاهرة الكبري و 3 خطوط فى الاسكندرية و الكلام ده فى ال 90 على ما اتذكر و لسه لحد دلوقتى فى المرحلة الاولى من الخط ال3 الى كانت المفروض تتسلم من 6 شهور تقريبا
ان شاء الله بكرة احسن :)

المرحله الاولى من الخط الثالث هتتفتح النهارده ان شاء الله وهى كانت جاهزه للافتتاح من نوفمير 2011 وتم التاجيل لتتزامن مع احتفالات ثوره يناير المجيده بالنسبه للمرحله الثانيه من الخط الثالث متوقع افتتاحها ان شاء الله فى 2014 , المرحله الثالثه والرابعه كانوا فى مرحله الطرح قبل الثوره وحصل اللى حصل ومافيش فلوس لاستكمالهم بس جارى ان شاء الله طرحهم على الشركات العالميه الكبرى فى صوره مناقصه عالميه

المشاركة الأصلية كتبت بواسطة sniperwolf

الخط الرابع الى هيجى مدينة نصر دة هيبقى حاجة اسمها سوبر ترام تقريبا علشان مينفعش يمشى تحت الارض.... والاخبار الى بتقول المترو متصنع هنا لا الكلام دة غلط المترو دة يابانى بالتعاقد الحكومة المصرية مع شركة خاصة باعمال صيانة وتركيب القطارات بتوريد عدد 20 قاطرة تقريبا من اليابان وبالمنسبة الخط الثالث والرابع دة مساهمة من كلا الحكومة اليابانية والحكومة الفرنسية والحكومة المصرية (اقل نسبة مساهمة)

تصحيح بسيط هى مش مساهمه دى قروض ومش ببلاش بيجيبوا شركاتهم تاخد الشغل بالامر المباشر

المشاركة الأصلية كتبت بواسطة ecybrarian

دي خريطة المترو. بصوا بصة على الخطين الثالث والرابع كدا! الرابع من ميدان الرماية لبعد مكرم عبيد في مدينة نصر..ودا كان محط استغرابي!!!! والخط الثالث هايروح الحرفيين..يعني ماليكش عذر تروح تعمل شغل هناك :-)))



ودي صورة عربيات الخط الثالث المكيفة في محطة جديدة ودا بمناسبة الافتتاح

الصوره بتاع خطوط المترو اللى فوق دى مش دقيقه اوى الصوره اللى حاططها الحاج احمد ادق بكتير , والصوره دى من محطه العتبه

المشاركة الأصلية كتبت بواسطة mailo

وياترى ربنا يدينا ويديك طول العمر يعني
عارف التنفيذ هيخلص سنة كام ؟

الخط الثالث متقسم اربع مراحل المرحله الاولى هتتفتح النهارده ان شاء الله , المرحله الثانيه متوقع افتتاحها فى 2014 بالنسبه للمرحله الثالثه والرابعه مافيش اى معلومات عنهم بس تنفيذ المرحله بياخد حوالى 4 سنين يعنى قدامنا مش اقل من 5-6 سنين على ما الخط الثالث يخلص .
بالنسبه للخط الرابع المفروض انه هيبتدى السنه دى بس لسه مافيش اى معلومات عن تاريخ نهايته

ازاي المترو هيدخل ويخرج ؟؟؟؟؟؟؟؟؟؟؟؟ ازاي عاملين حرف t

]ده رسم كروكى للمسار ، بس فعليا الدوران بيبقى نصف قطر كبيرا جدا لدرجة انك ما بتحش انك بتلف وانت قاعد فى المترو

ايام التمانينات والتسعيناتب بتسمى ايام الرخص

لو مصر فى الوقت ده كانت خلصت كل شبكات مترو الانفاق المطلوبة

كنا زماننا مرتاحين لان اصلا المترو متخطط له من ايام الستينات

تكلفة خط واحد مترو دلوقتى كانت تعمل الشبكة كلها ايام الرخص

منه.. لوه.. وحسبى الله ونعم الوكيل