الموضوع: نقيب .. ملتحي

المشاركة الأصلية كتبت بواسطة أشرف العدوي

الموضوع مش بالشكل
و لو كان بالشكل فأنا كمسلم ملتزم لا أثق في أحد ملتحي لأاسباب و تجارب شخصية بنسبة 100% من ما قابلتهم من ملتحين
أخر موقف :-
قريب لي ذو مركز مرموق و ممكن يكون معروف لاي حد تعامل في شركة كبرى من شركات السمسرة في الاوراق المالية و ملتحي و حافظ القرآن و كل كلامة لازم قال الله و قال الرسول
الراجل ده سرقني و كان عايز يمضيني على ورق مقابل انه يرجعلي الي سرقه مني
فوجئت انه بتاريخ 6/9/2010 اي يوم 27 رمضان
ذهب لقسم شرطة و عملي محضر اني روحت ضربته في بيته و كسرتله الشقة و جاب تقرير طبي من مستشفى بأنه فيه اصابات و كان عامل المحضر الساعة 6 الصبح علشان ما اقولش اني كنت في الشغل ( حتة ذكية منه )
و انا جبت شهادة من الشغل اني كنت موجود الساعة 9 الصبح في الشركة ( و هو الحقيقة ) و انا شغلي في ابو رواش فمش معقول هتسحر و اروح ارتكب جريمة و بعدين اكون في الشغل في ميعادي

و عملتله محضر بلاغ كاذب
المهم الموضع أتحكم في في أول درجة علينا احنا الاتنين بالحبس شهر و 1000 جنيه كفالة لكل منا ( القاضي حكم كدة علشان ما رضيناش نتصالح في مهلة كان محددها القاضي نفسه )الموضوع ده كان عاملي ازمة نفسية حادة بدرجة فظيعة .
لدرجة ان المحامي بتاعي بيقولي نقبل الصلح انا بعمل الي عليا لكن مش عارف حكم القاضي
قولتله لو هتحبس مش هتنازل عن حقي و لو الحكم جه ضدي تبقى نعمة من عند ربنا
و في الاستئناف خدنا براءة احنا الاتنين يو 30/4/2011 و الحكم ده بعد حوالي 8 جلسات مرة تأجيل و مرة القاضي يطلبني لوحدي اني احضر و مرة هو لوحدة و مرة استشعار الحرج علشان القاضي كان هزء المحامي بتاعه علشان تطاول عليا في مرافعته
و على فكرة حتى الأان لم أحصل على حقي منه
و هلم جرة
واحد كان مأجر عندي محل و قعد 6 شهور ما يدفعش و في الاخر نكتشف انه نصاب
واحد تاني كان مأجر عندي شقة ( و دخل المعتقل لمدة 6 سنوات ) و في الفترة دي كنت باخد الإيجار من زوجته لو هي بعتته لو ما بعتتش ما كنتش بسأل و أكتشفت بعد كدة انه بيتكلم عليا و بيتبلى عليا في حاجات اقسم بالله أني ما فكرت اعملها اصلاً في يوم من الأايام و لا حتى دخلت العمارة الي هو فيها و كل تعاملاتي من خلال البواب
و هكذا
فلذلك نظرتي لأي ملتحي هي عدم الثقة إلى ان يثبت العكس
و باقي الناس عادي
انا خايف كلامي ده يجرح حد بس اعذروني دي تجاربي الشخصية مش عن سمع
انا والدي الله يرحمه حج 14 مرة و عمل عمرات لا عدد لها و كان حافظ للقرآن و كان غير ملتحي

اللحية ليس دليل على الأاحترام و إنما المعاملة
الدين معامله

كلامك مش يجرح والله بس ده واقع حاصل كل مجتمع فيه الكويس والوحش انا ركبت مرة مع حرامى فى الميكروباص بدقن ومسكناه واخد علقة موت وانا كنت معاهم بديله معنى كده ان كل الملتحين وحشين طبعا لأ لازم المعاملة هيا اللى تخلينى احكم على الشخص ده ملتزم اصلا بدينه ولا لأ انا وصلت لنقطة المقياس الصح

(الدين المعاملة)

بسم الله الرحمن الرحيم
فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ (159)

المشاركة الأصلية كتبت بواسطة أشرف العدوي

الموضوع مش بالشكل
و لو كان بالشكل فأنا كمسلم ملتزم لا أثق في أحد ملتحي لأاسباب و تجارب شخصية بنسبة 100% من ما قابلتهم من ملتحين


فلذلك نظرتي لأي ملتحي هي عدم الثقة إلى ان يثبت العكس
و باقي الناس عادي


اللحية ليس دليل على الأاحترام و إنما المعاملة
الدين معامله

مع احترامى لحضرتك و يمكن دى اول مره اشترك مع حضرتك فى موضوع


هو انا كمسلم و بصلى مش ممكن اعصى ربنا فى اى معصية .....

آه ممكن طبعا ...

طب لو عصيت ربنا فى ذنب معين و اطعته فى كل شىء ... مش ربنا هيحاسبنى على المعصية و آخد سيئات بقدر المعصية ,,, و هيحاسبنى على الطاعة و يدينى حسنات ....

ايوه متفقين ...

طيب ازاى اكون مسلم و بحب ربنا و اعصيه و اعمل ذنب معين ...... سبحان الله خلق الله الانسان ضعيفا و حبب اليه الشهوات .... و ربنا قدر لنا ان نعصيه باختيارنا و بعلمه سبحانه و تعالى لندعوه و يمن علينا بالتوبه و الرحمة و المغفرة ....... و المائكه فقط هم الخلق الذين لا يعصون الله ما أمرهم ...


نيجى للاخ الملتحى احتمال يكون حاجة من اتنين

الاول يكون نصاب و متستر باسم الدين و دا كأى نصاب فى الدنيا يتنكر ليحقق اغراضه من السرقة و النصب

الاحتمال التانى ان يكون ملتحى عملا بسنه النبى و امتثالا لامره باعفاء اللحية ...

بس زى اى بشر بيعصى ربنا و نفسه ضعيفة امام الشهوات

فهل نطالب من الملتحى ان يصبح كالملائكة و لا يعصى الله و لا يغش احد ( نتمنى ذلك و لكنه غير واقعى .........)

و ربنا هيجزيه بالحسنات عن اعمال الخير و منها اطلاق اللحية عملا بأمر النبى و هيجازيه بالسيئات عن المعاصى و المنكرات و النصب على البشر !!!

طيب نطلب منه يحلق لحيته علشان يعجب الناس ( يعنى واحد بيسرق و يصلى اقوله متصليش و خليك تسرق علشان تبقى حرامى صح ....!!!!!!!!! )


الاشكالية الوحيده هى كون الملتحى قدوة و المتوقع منه ان يكون مثالا لهدى النبى صلى الله عليه و سلم فى الشكل و فى المعامله

و المشكله الاكبر ان الملتحى بيكون تحت ميكروسكوب البشر و معمول عليه زوووم كبير قوى يعنى لو غلط غلطة بسيطة لا تغتفر ... يعنى الموقف اللى الاستاذ اشرف حكى عليه لو من شخص غير ملتحى كان سيتم سرده عادى خالص و ليس فيه تنفير من المصريين عموما او من المسلمين خصوصا و كونه شخص نصاب كغيره من النصابين .....

و لكن كونه ملتحى قد اثار حفيظة الاستاذ اشرف و شككه فى جميع الملتحين و كون ما يسمى بال stereotype او بالنمط ( اى ان كل الملتحين نصابين ) او تعميم ظاهرة النصب و الغش و الخداع على الملتحين عموما

و المشكله الاكبر زى موضوع الدال على الخير كفاعله و الدال على الشر اشد من فاعله ..... لانه كملتحى نصاب قد حقق نفورا شديدا من امثاله الملتحين و عقابه عند الله اظنه اشد من واحد مش ملتحى ... لانه سيعاقب على غشه للناس ( نصب او خديعة ) و سيعاقب على كونه قدوة منفرة لاهل الدين

و قلبت الحقيقة لتكون الاصل فى الملتحين هى الغش و الخديعة بدلا من كون الاصل ان دا شخص ملتحى عارف ربنا سيتقى الله و يصدق فى معاملته و يكون بتدينه قدوة و مثال للمسلم الملتزم




اقدر موقف الاستاذ اشرف و لكن اقول اللحية من الدين و ليست كل الدين من اعفاها سيجزى بنيته ( الاتباع طبعا ) لان فيه واحد مكسل يحلق و شايف شكله روش باللحية ...

و من اعفاها هو فى الاول و الآخر بشر يذنب و يطلب التوبه و المغفره من الله

و من اساء صورة الملتحين قطعا عقابه اكثر

و الله اسأل ان يحسن لنا اخلاقنا و ان نكون قدوة للمسلمين و ان يستر علينا فى الدنيا و الآخرة