يا ساتر ربنا يحمينا
بس بلاش تمشي بالعربية بعد الساعة 10 بليل في مكان مقطوع الا للاهمية القصوي ؟؟
يا ساتر ربنا يحمينا
بس بلاش تمشي بالعربية بعد الساعة 10 بليل في مكان مقطوع الا للاهمية القصوي ؟؟
أولاً الأحتياط واجب
* بلاش نمشي ف الطرق المقطوعة بدون داع وبالذات بالليل ؛ يعني خلينا ف الزحمة أرحم
* نقفل السنتر قبل ما نتحرك
* بلاش نفتح الزجاج ؛ كفاية 2 سم لو مش هنشغل التكييف
*بلاش نقف ف الشوارع الضلمة بدون داع
* بلاش نجاري الناس في الأستفزاز ونخلينا هاديين علشان نعرف نتصرف
* نحاول نمشي في خط مستقيم بقدر الأمكان وبسرعة مناسبة للطريق
*لو أضطرينا للمناورة لازم نتحكم ف الدركسيون بأدينا الأثنين
*لو مسافرين مصيف ولا علي طريق سريع يبقي ف النور أحسن ؛ وعلي فكرة ف المصيف اللمة حلوة يعني نسافر في عربيتين مع بعض ممكن
ثانياً: شدة الحذر لا تمنع القدر يعني اللي ربنا كاتبه علينا هانشوفة أكيد
قبل ما نخرج نعقلها ونتوكل ؛ ورددوا دائما عند الخروج
""حسبي الله لا إله إلا هو علية توكلت وهو رب العرش العظيم ""
""فالله خير حافظ وهو أرحم الرحمين ""
"" ورحمة ربك خيرٌ مما يجمعون ""
***** ربنا يحفظنا جميعاً من شر شياطين الأنس والجن أجمعين *****
ايه هو فيه كده ولله حاسس ان انا بتفرج علي فيلم اجنبي
استرها معنا يا رب
ده انا سمعت بقى كمان حكاية غريبة جدا عن تشكيل عصابى كان بيقف بالليل على طريق فى حتة شبه خالية من السكان بين بلدين و بيعمل كأنه لجنة شرطة و بيلبسو ميرى باظبط كده زى فيلم اوعى وشك و اللى ياخده منه فلوس عشان يسيبوه و اللى يقلبوه تماما و كده الطريف فى القصة انهم فى مرة قلبوا عضو مجلس الشعب بتاع الدايرة و استمر الموضوع شهور لحد ما فى يوم ظابط المباحث بتاع المنطقة كان راجع من عزا بالليل و وقفوه و طبعا كانت النهاية طب قوللى لو فوجئت بلجنة و شكيت فى امرها تعمل ايه ؟
ما تقفش ............
اللجنه بتبقي شكلها باين
يعني قراطيس فسفوري
بوكس او اتنين
امين شرطه واقف و جنبه اتنين عساكر.
يعني مثلا الموقف اللي انا حكيته لما كنت علي الطريق و عربيه هجمت عليا
العربيه عليها كبود زي الشرطه بالضبط
و اللي نازلين منه شكلهم عساكر و لابسين كاكي
بس قولت اهرب
و فعلا هربت و لو كانو شرطه بجد كانو بلغوا عني اول كمين ثابت علي الطريق
طب لو كانوا شرطة بجد و بلغوا عنك مانتا كنت هاتقع فى مشكلة بردو
مشكله ايه
اولا انا مش مقبوض عليا و لافيه اذن نيابه علشان يتصرف كده
و ثانيا دا مش كمين ثابت علشان يتقال هرب من الكمين