لا هو الموضوع له فايدة ، إنك تقفل السنتر لوك وتاخد بالك أوى وأنت ماشى كأنك ماشى فى غرزة بالظبط.
لا هو الموضوع له فايدة ، إنك تقفل السنتر لوك وتاخد بالك أوى وأنت ماشى كأنك ماشى فى غرزة بالظبط.
منا مش معترض عالموضوع بالعكس هو مفيد جداَ
بس ال scene السودوي ده و الحال اللي وصلناله بقي حاجة صعبة اوي
ربنا يسترها علينا
يا قاتل يا مقتول
تدوسهم بحرفنه .... تيجي في اخر جزء من الموتوسيكل من علي الجنب .. جنب العجله كده .. و تيجي محمل عليه و تدوس اكسراتير و تطيره من علي الموتوسيكل ... و خلصت الحكايه pit manuever اهم حاجه بقي انك تقفل الزجاج و تعمل حساب اي حاجه .. و دايماُ تخلي مفتاح 33 مشرشر تحت الكرسي و في متناول اليد .. و لو ازازج اتكير خده و نشن في وش اللي واقف جنب عربيتك ... قم الاولاني و طالعه امريكاني و طير (مش شغل افلام .. اعمل بس انت كده .. بس خللي الطريق قدامك فاضي و فكر باستراتيجيه)
و علي راي المثل : اللي تعرف ديته اقتله ...
يعنى انا افتح الموضوع ده امبارح بالليل وأرجع النهارده ألاقى كل الردود دى ما شاء الله , بصراحة أنا استفدت جدا من ردود الاعضاء كلها و كأنها كورس للدفاع عن النفس بس أنا فى حاجه محيرانى ردود كل الاعضاء فى الموضوع ده قوية و عدوانية و الكل يقول هندوسهم هبدهسهم نموتهم و كده و اللى قال ربنا ينتقم من الموتوسيكلات الصينى و اللى بيركبوها و من الصين كمان و من كام يوم قتحت موضوع بيقول لوخبطك موتوسيكل صينى من غير نمر دوسه الدنيا قامت و كل الاغضاء هاجمونى و اعترضوا قوى على كلمة دوسه و اللى يقولى حرام عليك لحد ماغيرت العنوان ياترى ايه الفرق ؟
فيه فرق حضرتك بين ان موتوسيكل يخبطكاقتباس:
من كام يوم قتحت موضوع بيقول لوخبطك موتوسيكل صينى من غير نمر دوسه الدنيا قامت و كل الاغضاء هاجمونى و اعترضوا قوى على كلمة دوسه و اللى يقولى حرام عليك لحد ماغيرت العنوان ياترى ايه الفرق ؟
و موتوسيكل يتعدي عليك
اللي بيخبطك ممكن يكون مش قاصد و بالتالي انت ليك حق لو عاوز تاخده خده انما مش مجرد انه خبط العربيه يبقي تدوسه.
اما في الحاله التانيه لو انت حد اعترض طريقك و عاوز ياخد اللي معاك ف انت حقك تدافع عن نفسك.
يعني الامرين مختلفين بتاتا:)
انا طبعا فاهم وجهة نظر حضرتك الموضوعين مختلفين من حيث الشكل الخارجى و لكن انا شايف ان احنا لو دققنا و بصينا ليهم بعمق هانلاقيهم و جهان لعملة واحدة هى البطالة و الفقر و الفوضى و غياب تطبيق القانون و طناش الحكومة لأى ظاهرة ممكن تفسد الدنيا باظبط زى ما سابو التكاتك تنتشر لحد ما قربت تبقى اكتر من البنى ادمين و دلوقتى بدئوا يفوقوا و يدورولهم على وضع قانونى ازاى مافيش قانون يلزم اى واحد بشترى موتوسيكل انه يرخصه و ازاى يمشى بيه بمنتهى الجرأة و البجاحه من غير نمر و بعدين اذا كنا شايفين ان المراهقين اللى بيمشوا يضايقوا فى الناس بالموتوسيكلات دى و يسوقوا بسرعة ورعونة مش مشكلة خطيرة فثق تماما انهم ممكن اللعبة تقلب بجد ممكن يبقى واحد فينا ماشى بعربيته و معاه مراته او خطيبته او حتى اخته و تلاقى الشباب اللطيف ده طقت فى دماغه يثبتوك و يخدوها منك من غير مايكونوا مجرمين ولا مسجلين ولا حاجه مجرد حاجه طقت فى دماغهم و طبعا لن ننسى الانتشار الرهيب للمخدرات بين الفئات دى و انت و نصيبك بقى
مش هادوسهم دانا هاتاكد انهم ماتوا علشان ما يزووش حد تاني
من سنه تقريبا كان فيه واحد اعرفه راجع من دهب
قطاع الطرق قطعوا عليه الطريف بجمل عجوز
للاسف كان بيجرى و معرفش يفاديه دخل فى الجمل
و انقلبت العربيه و توفى فى الحال هو و مراته (رحمه الله عليهم)
و فى الصيف الى فات واحد صاحبى كان راجع من الساحل طريق وادى النطرون
فى شهر اغسطس حوالى الساعه 6 مساء يعنى فى النور
اتحدف عليه طوبه كبيره طبقت رفرف امامى و كسرت الفانوس
بس هو كان ناصح و مارضيش يقف يشوف الاضرار الا بد 5 كيلو كده
و انا من 10 سنين تقريبا كنت مع 2 اصحابى ناحيه الحلميه
بس كان الوقت متأخر و اتحدف برضه علينا طوبه بس ماوقفناش انا ايامها ماكنتش اعرف ان فيه كده
بي واحد من الى معايا قال مانوقفش علشان الحته دى معروفه بالحركه دى
و ربنا يستر علينا جميعا
بعد كل الى اتقال دة وتجارب الاعضاء المختلفة فى كل انحاء مصر اقدر اقول ان قانون الطوارى عمرة ما كان لخدمة الشعب و امنة