ربنا يخليك يا باشا
ده من ذوقك بس
عمري ما حقف طبعا و احاول بقدر الامكان ابعد عن وش العربيه و انا بخبطه علشان ما يتزحلقش تحتها و يتحشر تحت العربيه و يمنعني اني اري.
تلات مواقف حصلو بس ربنا ستر:
الموقف الاول
واقف علي طريق المنصوره دمياط بغير الاسطوانه في الكاسيت بس قافل العربيه عليا و و فجأه لقيت عربيه نص نقل جايه و بتزنق و وقفت قدامي بميل و نزل ناس من الصندوق و علي فكره كان عليها كابود زي عربيات الشرطه و نازل منها ناس لابسين كاكي.
المهم لسه بتقف و واحد نزل و هيا ماشيه و جاي ناحيتي!!!
رجعت ورا بسرعه لقيته بيجري و بيحاول يفتح الباب بتاعي بس الحمد لله ستر من ربنا و شئ خلاني اقفل الباب و انا واقف
و اخدت شملي بسرعه و طلعت راحت النص نقل عماله تزنق عليا و الحمد لله مكنش فيه عربيات جايه من ورا لاني اخدته من اقصي اليمين لاقصي الشمال و فلت من النص نقل و انا عجلتين من عندي في الجزيره.
طلع يجري ورايا بس طبعا ما عرفش يجبني بس يومها فعلا دمي هرب بس الحمد لله اتصرفت.
.........
الموقف التاني
كنت انا و زمايلي في اليكس و رايحين العجمي و قولت ناخدها من وسط البلد و نخرم
و احنا ماشيين في حته مقطوعه كده
لقيت واحد طويل و عريض و لابس تيشرت مخطط ابيض في اسود و في ايده لابس حديد زي الفتوات بتوع السينما بالضبط:)
و ماسك شومه و واقف في نص الطريق
كانت عربيه واحد صاحبي و انا اللي سايق
المهم التلاته للي راكبين معايا محدش فيهم بيتكلم خالص لما شافوا المنظر
و انا هاجم عليه و ايدي علي الكلاكس و بجري بسرعه اعلي و جايبه في نص العربيه بالضبط
لحد ما قربت منه قام باعد عن الطريق!!!!
بس بصيت في المرايه لقيته راح موقف العربيه اللي ورايا !!!!!!
و الحمد لله ربنا سترها..
.........................
الموقف التالت
و دا من شهرين كده
معيش عربيه و رايح لواحد صاحبي
المهم ركبت تاكسي و المكان اللي رايحه المفروض يطلع قدام و يلف من اليوترن
لقيته راح داخل يمين علي مدخل من مداخل الدائري
فقولتله دا مش طريقنا يا اسطي
لقيته رح وقف و في لحظه طلع مطواه و حاطها علي رقبتي و قالي طلع اللي معاك!!!!!!
عملت كان بحط ايدي في جيبي و هووووووب
في لحظه كنت بايدي اليمين ماسك ايده الشمال اللي علي رقبتي و وقعت منها المطواه
و كتفت اديه و بايدي و خبط علي مناخيره جامد لحد ما حسيت انه فقد الوعي
نزلت من التاكسي علشان اروح افتح بابه و اكمل عليه قام طلع جري
و انا اخدت المطواه منه هههههههههههههههه
و لمحت نمرته و طلعت جري علي القسم بلغت فيه
ضبط هناك صاحبي قام بالواجب راح مبلغ الكماين و المرور و تاني يوم الصبح كان بيكلمني روحت له
كانو جابوا صاحب التاكسي و قالهم علي مكان السواق و في ثواني كان السواق في القسم ولا كأنه بايت معاهم :)
و ابوس ايدك يا بيه و دا شيطان اللي خلاني اعمل كده
و انا لا يمكن بس يا عيني انضرب كميه ضرب يوميها و ما اتنازلتش عن المحضر برضه.
لقيت واحد اعرفه من بعيد بيتصل بيا و بيقولي عاوزك قولتله خير.
قالي اهل الواد بيستسمحوك تتنازل عن المحضر و يراضوك باي حاجه انت عاوزها !!!!!!!
روحت شايط فيه و قولتله لا يمكن طبعا
بقي انا اسيبه علشان يعمل كده ما حد غيري؟؟
و لو مكنتش عرفت اتصرف معاه هو كان رحمني ؟؟
لازم ياخد جزاءه و اتحول علي النيابه و الله اعلم بقي القضيه وصلت لفين .
................
من الاخر البلد مافيهاش امان و كل واحد لازم يعرف يدافع عن نفسه .
انا بفكر اجيب صاعق بجانب الشومه اللي في العربيه و سلاح كمان لن معدش فيه حاجه مضمونه.
معلهش يا باشاوات إستحملوني..... هو الكلام ده كله في مصر؟!!!!! ....من امتي ؟!!!!...أنا مش مصدق نفسي!!!! .....امال أمن و أمان إيه؟!!!! ....ده كانت الحاجة اللي الواحد بيتباهى بيها وسط الخلق
أنا سايب مصر من ٣ سنين بس ....و أنا في مصر كانت طبيعة عملي بتخليني أسوق كتير في أوقات متأخرة جدا و الحمد لله ما قبلتش أي موقف صعب ...ربنا يستر على الجميع ....على فكرة الصاعق الكهربائي ده ممنوع في كندا و كتير من ولايات أمريكا
فعلا يا باشا انت كنت بايت بره ساعه ما دا حصل ههههههههههههاقتباس:
معلهش يا باشاوات إستحملوني..... هو الكلام ده كله في مصر؟!!!!! ....من امتي ؟!!!!...أنا مش مصدق نفسي!!!! .....امال أمن و أمان إيه؟!!!! ....ده كانت الحاجة اللي الواحد بيتباهى بيها وسط الخلق
أنا سايب مصر من ٣ سنين بس ....و أنا في مصر كانت طبيعة عملي بتخليني أسوق كتير في أوقات متأخرة جدا و الحمد لله ما قبلتش أي موقف صعب ...ربنا يستر على الجميع ....على فكرة الصاعق الكهربائي ده ممنوع في كندا و كتير من ولايات أمريكا
لا بجد علي فكره البلد من زمان و هيا حالها كده
الموقف الاول داا من سنه بالضبط و التاني من تلات سنين او اربعه.
و علي فكره انا كمان كنت شغال في شغل بيخليني افضل بره البيت كتير و ارجع متاخر
الكلام دا كان من 2002 كده بس برضه الواحد بيبقي مضطرب و خايف لا حد يطلع عليه.
و ما حصلتش غير مره برضه و ود طالع واقفلي في وسط الطريق بس دا بقي خبطه بجنب العربيه و ما بصيتش حتي حصل له ايه .
البلد بقي حلها صعب وكله بياكل في كله يا دكتور هشام
نصيحه خليك عندك احسن لو مرتاح عندك.
اي خدمه يا كمارو:)اقتباس:
يا حازم يا جامد ..
:):)
استني عليا اجمع من ذاكرتي كذاا موقف من دول و احطهم في موضوع واحد:)
و الله يا زيموس كان كل ما حد يسألني هنا عن الامان في مصر أقولهم كل حاجة تمام ... مصر بلد أمان و ما فيش عنف بس ما تسيبوش حاجاتكم مرمية زاي الكاميرات و الموبايلات ممكن تتسرق انما ما فيش أي جرايم عنف ........مش عارف أقول إيه دلوقت :(
بصراااااااااااااااااحه موضووووع جامد جدا وواااارد جدا انه يحصل معانا في بلدنا
اول حاجه يا جماعه الحرص واجب وانا بصراحه بسافر كتير بالليل واول حاجه بعملها بقفل السنتر والقزاز ربعه بس مفتوووح واي مطب بعدي عليه في طريق مقطووووع بكون مأمن نفسي لا حد يطلع عليه في المطب ويثبتني
اما بقى لو حوار موتسيكلات وافلام هندي .................................... بصراحه انا شايف انه ا فيش الا حلين
الاول تقف وتعمل فيها أفندي ...... وتتثبت صح ويتاخد منك كل حاجه حتى العربيه .............. وممكن كمان ياخده عمرك بالمره اصل الناس اللي بتعمل كده بتبقى مش في وعيها و ممكن يموتوا الواحد بدون وعي
الحل لتاني اقلب نووووور وادي كلكساااااات و ............. اهتهم شويه بكااااام دوسة بنزين وانا رجليه عى الدبرياااااش لو كشوا يبقا كانا بها لو ما كشووووش يبقى اجري بالعربيه وخلاص ولو جريو معايا يبقى ما فيش الا اخبط فيهم بجنب العربي بس بكسره جامده شويه عليهم ومش مشكله العربيه تتجرح .............. بس اهم حاجه اعيش ولو حد فيهم مات يبقى مالووووش ديه
حسبنا الله و نعم الوكيل
انتشار الجرائم يزداد مع ازدياد الفقر و الفساد
بعد حرب العراق الأولي ، ناس كتير رجعت علي الحديدة و سمعت جرائم كانت غريبة
واحد ممدد علي الأرض في نص الطريق و أول ما عربية وقفت طلع اتنين تانيين و اتثبت و حاولو يغتصبوا مراته ، الراجل حاول يقاوم ضربوه بمطواه (جرح سطحي في البطن) الست أغمي عليها من منظر جوزها ، حاولو يجروا ، الراجل قام و ركب العربية و داس و احد فيهم و قتله
راح لم نفسه و روح مراته و راح يبلغ ، واحد مسئول قاله بلاش تدخل نفسك في قضايا و مشاكل ده
انا لله وانا الية راجعون....
من علامات الساعة ....كثرة الهرج ...والهرج هو القتل ....فلا يدري القاتل فيما قتل ولا المقتول فيما قُتل....
ربنا يرحمنا ويحفظنا برحمتة وقدرتة...
ولكم في القصاص حياة يا اولي الالباب....
دة امر الله ...وحكم الله.....ربنا ايلي خلق الناس كلها وهو اعلم بيهم ....حكم ان السارق ..والذي يسرق في غفلة ....ان تقطع يدة....يعني يفقد القدرة الجسدية علي السرقة....حتي لو اراد تكرار السرقة....مش هايقدر....
انما هنا اكبر سرقة ....جنحة ...من سنة لـ 3 سنين....يروح السجن يقابل كام واحد ويخرج بتشكيل عصابي جديد...ويتعلم طرق جديدة للسرقة....حسبنا الله ونعم الوكيل...
ربنا يرحمنا ....ويعافينا....