بصراحة ياجماعة انتوا قمتوا بالواجب وزيادة وكل اللي عنده اقتراحات عنيفة وسلمية للدفاع عن نفسه قالها. وربنا يكرمكم يارب
بس انتوا كدة سديتوا نفسي عن السواقة خالص دانا لسة متعلمة جديد وبسوق بالعافية هاعمل ايه وكمان انا بنت يعني صيدة سهلة .
بجد ربنا يستر وميحصلش حاجة من دي على الاقل لحد ماتمكن واعرف اعمل اللي قولتوه ده.
بس معلش هو سؤال غبي شوية في ناس اسحب الهاند بريك مش الهاند بريك دي اللي هيا فرامل اليد اسحبها فين ماهو لو انا واقفة ماشي اسحبها عشان اتحرك لكن انا لو اصلا ماشية اسحبها اعمل فيها ايه يعني معلش ياريت بس حد يوضحلي.
زياجماعة ناس كتير سألت عن الاسلحة الرش والصوت والصاعق وكده بتتجاب منين واسعارها ايه بس محدش قال اجابات عن السؤال ده ياتري ليه؟
ومعلش ياريت برده كل اللي عارف طريق او منطقة بيحصل فيها الموضوع ده كتير مثلا يقولنا فين وامتي وينبهنا عشان منمشيش منه خالص خصوصا المناطق اللي داخل القاهرة لإني كنت فاكرة ان ده بيحصل بس في طرق السفر لكن واضح ان الموضوع اكبر من كده بكتييييييييير.
يالا المهم الواحد يلتزم بأذكار الصباح والمساء يوميا ومينساهمش ابدا ودول لو ممنعوش الاذي فعلي الاقل هايخففوه لإنها بجد بتنفع فعلا.
والحمد لله انا بقولها كل يوم وانا رايحة وراجعة قبل ماجيب العربية والحمد لله متعرضتش لأذي شديد يعني لحد الان
وربنا يستر طريقنا كلنا يارب.
المفضلات