لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

**m_aash** · 02-06-2008 10:28 AM

المشاركة الأصلية كتبت بواسطة Islam_galal

واحد ممدد علي الأرض في نص الطريق و أول ما عربية وقفت طلع اتنين تانيين و اتثبت و حاولو يغتصبوا مراته ، الراجل حاول يقاوم ضربوه بمطواه (جرح سطحي في البطن) الست أغمي عليها من منظر جوزها ، حاولو يجروا ، الراجل قام و ركب العربية و داس و احد فيهم و قتله
راح لم نفسه و روح مراته و راح يبلغ ، واحد مسئول قاله بلاش تدخل نفسك في قضايا و مشاكل ده

مش فاهم و مش راضيه تخش دماغى

يعنى إيه بلاش تدخل نفسك فى قضايا و مشاكل؟
يعنى المفروض نموت و نتقطع و حريمنا تتبهدل و نسكت , هى دى نصيحة السيد المسئول؟
لا حول و لا قوة إلا بالله

**khalid_adel** · 02-06-2008 10:44 AM

ياباشا دي مش اسمها سرقه (السرقه دي هي الفهلوه وخفه يد وانك مش واخد بالك وكده بدون عنف او اذى)
اما قطاع الطرق واللي يثبتك وخلافه دون شرعا بينطبق عليهم حد المفسدون في الارض (مش حد السرقه) وده الحد بتاعه انه تقطع ايديهم وارجلهم من خلاف
وده لانه بيسبب ترويع واذي للناس
والله تعالى اعلى واعلم

**sndbad111** · 02-06-2008 11:07 AM

طبيعى حهرسهم منغير ما افكر

**Eng.Ahmed** · 02-06-2008 11:49 AM

انا حصل معايا موقف برضه كنت مروح متاخر بلليل من القاهره الجديده وقفت دقيقه على جنب علشان اشغل السماعه البلوتوث كانت فاصله ، لقيت مره واحده واحد بجلبيه بيفتح الباب بايد و ايده التانيه على الحته الصغيره الى انا فاتحها من الازاز ، انا مش متعود انى اقفل السنتر لكن الحمد و الشكر لله انى المره دى كنت قافله و كنت سايب حته صغيره من الازاز رحت مديها اول فى تانى و طرت فضل هو متعلق شويه فى العربيه بعد كده وقع بس مدوستش عليه ، و اتعلمت من ساعتها انى اقفل السنتر طول ما انا ماشى ، و ربنا يسترها مع الجميع

**elayat** · 02-06-2008 12:39 PM

المشاركة الأصلية كتبت بواسطة hazem_khidr

الموقف التاني
كنت انا و زمايلي في اليكس و رايحين العجمي و قولت ناخدها من وسط البلد و نخرم
و احنا ماشيين في حته مقطوعه كده
لقيت واحد طويل و عريض و لابس تيشرت مخطط ابيض في اسود و في ايده لابس حديد زي الفتوات بتوع السينما بالضبط:)
و ماسك شومه و واقف في نص الطريق
كانت عربيه واحد صاحبي و انا اللي سايق
المهم التلاته للي راكبين معايا محدش فيهم بيتكلم خالص لما شافوا المنظر
و انا هاجم عليه و ايدي علي الكلاكس و بجري بسرعه اعلي و جايبه في نص العربيه بالضبط
لحد ما قربت منه قام باعد عن الطريق!!!!
بس بصيت في المرايه لقيته راح موقف العربيه اللي ورايا !!!!!!
و الحمد لله ربنا سترها..

الراجل إللى لابس زى الفتوات بتوع السينما إللى فى طرق العجمى والله شفته بعينى من سنتين تقريباً
بس بصراحه الراجل كان واقف على جنب وشافنا ومرضيش يعمل أى حاجه وكنا ماشيين بالراحه وعينى جات فى عينه (كاءنى بحلم) وإحنا راجعين غيرنا الطريق
والله المستعان

**Eng.Ahmed** · 02-06-2008 12:54 PM

المشاركة الأصلية كتبت بواسطة elayat

الراجل إللى لابس زى الفتوات بتوع السينما إللى فى طرق العجمى والله شفته بعينى من سنتين تقريباً
بس بصراحه الراجل كان واقف على جنب وشافنا ومرضيش يعمل أى حاجه وكنا ماشيين بالراحه وعينى جات فى عينه (كاءنى بحلم) وإحنا راجعين غيرنا الطريق
والله المستعان

واضح ان الراجل مشهور و مكانه ثابت ، طيب سايبينه ليه

**zakiali** · 02-06-2008 01:20 PM

المشاركة الأصلية كتبت بواسطة Eng.Ahmed

واضح ان الراجل مشهور و مكانه ثابت ، طيب سايبينه ليه

تلاقية من بلطجية الحكومة وده شغلة الخاص بعض الضهر

**aratux** · 02-06-2008 02:01 PM

كل ده ؟؟
مسدس الصوت له رخصة ؟؟
محتاج أى ورق حكومى ؟؟؟

**Ghamrawy** · 02-06-2008 02:33 PM

المشاركة الأصلية كتبت بواسطة elayat

أسبانى؟
واضح إنك راجل شيك
على فكرة ده أشيك مسدس شفته فى حياتى

ده نوعه ستار صح ؟؟ و كبير زى الدهية

الموضوع: لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

LinkBack

أدوات الموضوع

عرض

-

-

-

-

-

-

-

المواضيع المتشابهه

مين علم عليك

هاتعمل إيه لو طلع عليك قطاع طريق

وصلة الaux للبرسونا أو الجين و فرق الأسعار الغريب (موضوع هام عشان محدش يضحك عليك)

الكلمات الدلالية لهذا الموضوع

المفضلات

المفضلات

ضوابط المشاركة