عايز اشترى ايفو و متردد وياريت تنصحونى

**ahmadmidop** · 23-02-2012 04:34 PM

بص ياباشا كل اللي هيقولك بلاش مش عشان العربية فيها حااااجة العربية ممتااااااازة جدا ومحدش جابها وندم ولكن المشكلة اللي بتواجه اي حد بيشتري فيات جديد هي : سعر اعادة البيع مقارنة بالعربيات التانية - عدم توافر قطع الغيار مقارنة بهيونداي مثلا - سوء الخدمة احيانا وليس دائما في التوكيل ... لو حضرتك النقط دي مش فارقة معاك توكل على الله ... لكن بامانة العربية تحفة

**aser_007** · 23-02-2012 05:29 PM

توكل على الله يا باشا

**M.Gamaledeen** · 23-02-2012 10:58 PM

الاخ العزيز
برجاء قراءة تلك المواضيع "بعناية"
يعني من اول لاآخر مشاركة
وبعدين استخير ربنا وقرر (:
وبالتوفيق ان شاء الله

http://www.nilemotors.net/Nile/189478-pk2.html

http://www.nilemotors.net/Nile/19242...-auto-pk2.html

http://www.nilemotors.net/Nile/216371-2-1500-a.html

http://www.nilemotors.net/Nile/232201-20.html

http://www.nilemotors.net/Nile/250228-30000.html

**azmeralda** · 28-02-2012 01:12 PM

مين قال ان العربية مفيهاش حاجة ببساطة روح الصبانة مع حد فى مركز جسر السويس يوم وفى العباسية يوم واتصاحب على الناس اللى مستنية عربياتها واسألأ وانت هتعرف بلاوى

**semsem_uno** · 28-02-2012 03:40 PM

خلاصة الكلام في الموضوع
اتوكل على الله و لكن اعمل الصيانة في مركز البرقان

**Formulator** · 29-02-2012 12:27 PM

المشاركة الأصلية كتبت بواسطة original

جربت العربيات الألمانى واليابانى والفرنساوى وبعد قصة عناء مع قطع الغيار اللى مش موجودة والصيانة اللى محدش فاهم فيها حاجة قررت إنى أشترى الكورى بسبب قطع غياره وصيانته اللى مالهمش حدود ده غير سهولة البيع..

هو أولا: الألمانى غير الفرنساوى.. وحتى غير الأيطالى,
والـEuro كله غير اليابانى والآسيوى عموما.. كـ ركوبة وسواقة.
بصرف النظر عن ان اللى بيركب interested بالجزئية دى أو مابتفرقش معاه..

ثانيا: هو الرأى بتاع قطع الغيار واعادة البيع يحترم.. وناس كتير بتفكر كده.
بس ده مش معناه ان الواحد يركب عربية inferior, أو أى كلام.. عشان اعادة بيعها كويسة, بس أقل بكتييييييييييير من "العربيات" التانية..؟؟!!!
فيه اعتبارات تانى.. جودة الصنعة, العمر الافتراضى, التكنولوجى والأماااااااااااان...etc

وبرضه توكيلات الأوروبى (واليابانى العالى زى الهوندا), مش سيئة أوى كده زى ماحضرتك بتقول..؟؟!!! الموضوع فيه Variables كتييييييير.

المشاركة الأصلية كتبت بواسطة azmeralda

مين قال ان العربية مفيهاش حاجة ببساطة روح الصبانة مع حد فى مركز جسر السويس يوم وفى العباسية يوم واتصاحب على الناس اللى مستنية عربياتها واسألأ وانت هتعرف بلاوى

e Respect
وعلى فرض ان الكلام صحيح, ده مش Caliber.. لا للتوكيل, ولا للعربية نفسها..؟؟؟!!