مشكلة في عداد الحرارة في الكليو

**MoToRiZeR** · 02-06-2008 12:11 AM

مساء الخير يا جماعة

انا كنت سايق الكليو اول امبارح .. و مشغل التكييف .. و حسيت ان فيه حاجة مش طبيعية في التابلوه .. ببص لقيت عداد الحرارة في ال danger zone !

اتخضيت و ركنت علي جنب و قفلت التكييف .. لقيته رجع و نزل تاني بسرعة .. لدرجة انا استغربت ازاي العربية سخنت و بردت بالسرعة دي

المهم مشيت تاني .. و شغلت التكييف علي واحد و خليت عيني عالعداد .. لقيته بيعلي بسرعة برده و قبل ما يوصل للحتة الحمرة راح راجع تاني

وصلت البيت .. فتحت الكبوت .. الريداتير سليم و مفيش مية ناقصة نهائي

انا قلت ممكن تكون حاجة في الكمبيوتر .. بس حصلت تاني انهاردة بس برده يعلي و يوطي بسرعة .. يا تري ده ممكن يكون من ايه ؟ اصل انا عندي ضغط امتحانات جامد و مش هينفع اروح التوكيل

**Ramy_Tantawi** · 02-06-2008 01:35 AM

طيب حضرتك جربت تمشي بالعربيه من غير التكيف ؟ هل درجة الحراراه بترتفع برضه ولا عادي وبترتفع بس لما بتشغل التكيف ؟

**MoToRiZeR** · 02-06-2008 01:39 AM

لأ اول ما بقفله المؤشر بينزل
و اما اشغله يعلي تاني بسرعة .. بس انهاردة في تاني مرة علي و مقفلتش التكييف عشان اشوف هيحصل ايه قام نزل تاني برده

**Ramy_Tantawi** · 02-06-2008 01:53 AM

هو غالباً المشكله مرتبطه بمراوح التبريد للردياتير والسربنتينه لئني اعتقد الكليو نظامها المراوح بتفضل شغاله على طول مجرد ما التكيف يشتغل مروحة الريدياتير والتكيف بيشتغلوا فا غالباً في قصور معين في المروحه للريدياتير .....عموما ممكن تجرب تمشي بدون تكيف فتره كده ونشوف ايه هايحصل لغاية ما تخلص امتحانات حضرتك على خير ان شاء الله وتزور التوكيل برضه أفضل خصوصاً لو العربيه في الضمان طبعاً.

**MoToRiZeR** · 02-06-2008 02:03 AM

فعلا ممكن تكون دي المشكلة لأن انا لاحظت انها مش بتظهر الا اثناء التكييف
انا متشكر جدا لأهتمامك .. :) انا إن شاء الله هكلمهم في التوكيل و اروح قريب

**Ramy_Tantawi** · 02-06-2008 02:07 AM

العفو يا فندم وان شاء الله تطلع حاجه بسيطه ..........تحياتي.

**medohai510** · 02-06-2008 10:14 AM

أحتمال كبير تكون مروحة التكييف فعلاً.
ومن الأحسن جرب بنفسك كالاتي دور العربية وأفتح الكبوت ثم شغل التكييف أذا المروحة أشتغلت يبقي أحتمال أنه حاجة في الترموثتات ولو مشتغلتش يبقي العيب في المروحة وأن شاء الله ميبقاش فيه حاجة. والله الموفق

**أبو عبدالله** · 03-06-2008 12:48 PM

الموضوع ده حصل مع قريبي
وهو ممكن يكون الفيشة بتاعت المروحه مش مظبوطة في مكانها كويس
فحاول تعمل زي ما الاخوة قالولك كده انك تشغل العربيه والتكييف وتبص على المروحه

**MoToRiZeR** · 03-06-2008 05:33 PM

طب الفيشة دي موقعها في في العربية بالضبط ؟ يعني ممكن اعملها انا ولا اروح التوكيل و خلاص

شكرا ابو عبد الله و استاذmedohai510

**أبو عبدالله** · 04-06-2008 01:34 AM

الفيشة دي على ظهر المروحة بتاعت الرادياتير
يعني لما تفتح الكابوت وتبص على المروحه هتلاقي الفيشة عليها

الموضوع: مشكلة في عداد الحرارة في الكليو

LinkBack

أدوات الموضوع

عرض

مشكلة في عداد الحرارة في الكليو - انشر الموضوع فى :

-

-

-

-

-

-

-

-

-

المواضيع المتشابهه

مشكلة في عداد الحرارة ،، والبنزين

مشكلة فى عداد الحرارة

مشكلة فى عداد الحرارة

مشكلة فى عداد الحرارة

مشكلة عداد الحرارة

الكلمات الدلالية لهذا الموضوع

المفضلات

المفضلات

ضوابط المشاركة