دوكووووووو

**فادى محمد** · 28-02-2012 04:36 PM

المشاركة الأصلية كتبت بواسطة A7MED_PHARMA

أنا جبته فعلا يا جميل
جبته معايا أكيد.. علشان الأكصدام قشر ..
بس قولي
المثبت ده .. قبل الفيلر والمعجون..ولا بعده؟

-الاندر كوت مايتدهنش علي الاكصدام يا دكتور هو للفجاوي والعتب والعربيه من تحت لو عاوز علشان يحمي المناطق دي من الميه لانها بتتعرض ليها علطول..
-الاكصدام لو فيه نقر او اي جزء غائر بتديله معجون فايبر علشان تعوض المفقود منه وبعد كده انت عارف طبعا الصنفره وخلافه..وبتدي وش معجون بسيط جدا بيسموه الصنايعيه(تلقيط) وتصنفر برده وتنعم وبعدين الفيللر ثم الصنفره واخيرا الرش النهائي..
-وانت بتحضر البويه للرش المزيج بيتكون من 3 حجات..(البويه+الثنر+المثبت او مصلب البويه)
وده له نسب الحقيقه مش متاكد بالضبط بس ممكن اسال واقولك نسبه البويه الي الثنر الي المثبت
اللي وظيفته انه ينشف البويه بسرعه وتبقي صلبه بعد ماتنشف
-انت خلصت شغل السمكره ولا لسه؟؟
.ربنا يوفقك وعاوزين صور كتير لكل مرحله علشان ان شاء الله نحصلك

**A7MED_PHARMA** · 28-02-2012 05:28 PM

طيب يارجالة

ركزوا معايا كده.... علشان هستعرض معاكم الحاجات إلي إشتريتها حاجة حاجة
بالصور.. والأسعار
دقايق وأرفع الصور

**A7MED_PHARMA** · 28-02-2012 05:35 PM

بصوا ياشباب
انا جبت حاجات في حدود 500 ج تقريبا
بما فيها 300 ج .. للصاروخ وبكرة التلميع.. والمسدس

1. الصاروخ .. صاروه سرعته 1100 لفة في الدقيقة .. ودي سرعة معقولة ماينفعش تكون أسرع من كده بالنسبة لو هتسنفر بيه .. أو تلمع بيه .. تقوليلي عرفت منين ياأبو العريف
أقولك السرعة بتاعته مكتوبة علي علبته.. واني عرفت ان السرعة ماينفعش تزيد عن 1200 لفة في الدقيقة ..من عشرتاشر منتدى أجنبي .. وعشروميت فيديو من اليوتيوب
علشان كده.. كل الصنايعية بيلمعوا بصواريخ صغيرة .. مش الكبيرة القوية السريعة

2. علبة معجون ستوك(المعجون بره في المنتديات الأجنبية .. بيسموه filler أوputty) ودي لغبطتني جدااا في الأول.. لما لقيتهم بيعملوا طبقة فيللر .. وطبقة بريمر.. ولفيت هنا على محلات الدوكو أسأل على البرايمر.. مالقتش حد عارفه..
إكتشفت أخيرا الفرق في التسمية
هنا المعجون إسمه معجون .. والفيلر إسمه فيلر
هناك
المعجون إسمه فيللر .. والفيللر إسمه بريمر

علشان لو حد فيكم هيدور هناك.. مايتلغبطش...أنا فضلت يومين تايه مش فاهم بسبب فرق التسميات

3. المسدس
علبته متدرجة من 100-600 مل

ودي هايلة علشان مزج الخامات
يعني.. الفيللر(إلي إسمه بره بريمر) .. بيتمزج بنسبة 2:1
2 مادة الفيللر
1 التنر إلي بيتحط عليه يخففه
بمعنى ... تحط 200 مل فيللر... تكمل بالتنــر لحد 300 مل(يعني 200 مل فيللر.. و.. 100 مل تــنــــر )

.
يتبع بعد ثواني

**A7MED_PHARMA** · 28-02-2012 05:46 PM

1. علبة معجون فايبر.. وده لزوم إني أظبط العتب والكساحات إلي عندي
مكتوب على العلبة بردو.. وقت الجفاف .. والسنفر المستخدمة ليه(يعني كل حاجة مظبوطة وكل حاجة مكتوب عليها كيفية إستخدامها)ووقت جفافها .. وكل حاجة
إنتوا بس إقروا إلي على العلبة

2. جركن تــنــــــــر لزوم تخفيف الفيللر

3. السنفرة
أنا جبت فرخين تلاتة .. من كل درجة
الدرجات
أخشن حاجة .. هي الي رقمها قليل
يعني سنفرة 80 ..تعتبر أكتر حاجة خشنة
بتتدرج لحـــــــــــــــد 3000 .. ودي ناعمة بغباء
ودي(شغل المحترفين يعني) بتبقا أخر طبقة سنفرة قبل الفرن على طووول
بتخلي العربية ناعمة بشكل مستفز ههههههههههههههههههههههههه

3. سكينة معجون حديد
بــ 3 ج
لزوم التلقيط والعجن وخلافه
مش هتلقط بيها طبعا.. التلقيط بيكون بحتت بلاستيك صغيرة .. نسيت أصورها

4. ودي أهم حاجة في الموضوع كله

الاستوك إلي هتلزق عليها السنفرة .. الاستوك حتة خشبة .. بتثبت عليا السنفرة
بدبابيس ضغط
طبعا فكرة الخشب ودبابيس الضغط من إبتكاري شخصيا
بره
عندهم البتاعت دي جاهزة .. يعني بتتباع .. إسمها بره sand-block
يعني تروح تقوله عاوز ساند بلوك 80 مثلا
يعني هنا السنفرة والخشبة حتت واحدة... هناك مش خشب.. بتبقا ألمونيوم
هبقا أجيب لكم صورتها

**A7MED_PHARMA** · 28-02-2012 06:25 PM

دي صورة الساند بلوك... ودي طريقة السنفرة
العربية بتطلع تحفة .. هنا الصنايعي الغبي بيمسك السنفرة ( بإيده) ويفضل يدعك
ده بيخلي العربية عالي وواطي وزبالة وعك وغباء وكل حاجة
شوفوا الصورة
هتلاقوا السنفرة بالمسطرة(الخشبة الي أنا عملتها).. علشان كده الجمب بيطلع ... تحفة فنية

**A7MED_PHARMA** · 28-02-2012 08:13 PM

المشاركة الأصلية كتبت بواسطة osama.m

صحيح متنساش .. السنفرة دايما موجودة في ماية يعني متسيبش السنفرة تنشف في ايدك ابدا

حبيبي ياأسامة
ماتقلقش خالص... أنا بقولك أنا شوفت عشرات الفديوهات
وصور كتير ..أوي أوي أوي

وشكرا على المتابعة

.

**A7MED_PHARMA** · 28-02-2012 08:17 PM

سؤال لولبي
المسطرة..أو الساند بلوك..للأجزاء المسطحة المستقيمة.. زي الشنطة ونص الباب التحتناي في الانسر
طيب الأجزاء البومبيه.. الي فيها كرفات ؟؟
هتتسنفر بفــن إزاي ؟؟

أقولك إزاي

تجيب حتت جلد قوي ( زي جلد الدواسات بتاع النص نقل) وتقطع كمه حته صغيرة وليكن 20سم في 10 سم

وتلف عليها ورقة السنفرة
هتكون طرية كفايا انها تاخد شكل الصاج تحتها

بس

الموضوع كله فنيات صغيرة أوي

**فادى محمد** · 28-02-2012 10:00 PM

ربنا يعينك يا دكتور..معلش انا عندي نفس الصاروخ اللي في الصوره عند حضرتك ونفس الحجم ويمكن نفس النوع (كورونا) او حاجه كده ,المهم مكتوب عليه 11000r-min
هل ده معقول ولا في صفر زياده منهم كده حلواني ؟هو 650 وات

-

-

الموضوع: دوكووووووو

LinkBack

أدوات الموضوع

عرض

-

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة