دوكووووووو

**hemalotfy** · 08-03-2012 11:48 PM

الله ينور ايه الشغل التمام ده هتقطع على بتوع الدوكو

طيب لو الرفرف في شغل كتير وهيحتاج طبقة معجون كبيرة متغيره بواحد جديد واهو بيتفك ويتربط بمسامير 10 ويبقى كده سمكرة ودوكو اتنين في واحد :) وتاخد شغل تمام

بالتوفيق ان شاء الله

**فادى محمد** · 08-03-2012 11:53 PM

ربنا يوفقك يا دكتور..
معلش انا كنت اقصد بالبرايمر اللي بيتحط علي الصاج مباشره قبل الفيللر او المعجون اللي لونه احمر وبيستخدم كمانع للصدا للاسطح المعدنيه .اتاكد من الموضوع ده من فضلك .يعني برايمر ثم فيللر ولا فيللر علي الصاج علطول؟؟

**A7MED_PHARMA** · 09-03-2012 01:24 AM

المشاركة الأصلية كتبت بواسطة hellboy

ربنا يوفقك يا دكتور..
معلش انا كنت اقصد بالبرايمر اللي بيتحط علي الصاج مباشره قبل الفيللر او المعجون اللي لونه احمر وبيستخدم كمانع للصدا للاسطح المعدنيه .اتاكد من الموضوع ده من فضلك .يعني برايمر ثم فيللر ولا فيللر علي الصاج علطول؟؟

هسأل Matt الراجل الي متابع معايا على منتدى carcraft
الراجل ده مفتري..عنده عربية شيفرولية...كانت خردة مصدية
سمكرها بإيده .. وإداها بوهية سكينز...بقالها 10 سنين بنفس اللمعة

**A7MED_PHARMA** · 09-03-2012 01:49 AM

المشاركة الأصلية كتبت بواسطة al_manara

قريبي عاوز يرش عربيتة . شكلنا كدة ممكن نعمل زيك .

هتروح لأي بتاع دوكو

كل الي هيعلمه .. هيطفي اللون القديم بسنفرة ناعمة
ويدي طبقة فيللر .. يسنفرها
ويدخلها الفرن على كده.. وخد عندك تمويج في العربية في كل حتة

علشان مفيش زمة إنه يسنفر البوهية القديمة بضمير

**pro_samir** · 09-03-2012 10:52 AM

الله ينور يابوحميد

عندي الاكصدامين اخر شلفطه نفسي اعملهم بس شايلين معجون كتير

مش عارف بقي المفروض يتصنفرو ولا المعجون ده يتوقع بأي حاجه لأنه مطرقع من اماكن كتير والفايبر باين

**pro_samir** · 09-03-2012 04:31 PM

المشاركة الأصلية كتبت بواسطة abdalah_hashem

وقع المعجون بحاجة واللى متعرفش توقعة فى الاخر صنفرة بصنفرة خشنة يعنى عشان يبقى رقيق وقبل ما توصل الفيبر بحاجة بسيطة صنفر بصنفرة ناعمة لحد متشيل اثار المعجون

بعد كدة خد الاكصدام كلة بصنفرة ناعمة جدا عشان تساوية

امسحة بثنر عشان الاتربة والاتساخات

وبعد كدة وش فيلر وصنفر ناعم بمياة ( تسحقها يعنى )

وبعد كدة رشه --

دية طريقة الفابريكة عن رؤية عين فى المصنع :)

دية جزء طريقة دهان الاكصدام من احد المصنع اللى كنت اتدربت فيها وانا اللى كنت عامل التقرير دة

دهان الاكصدامات :-
-تاتى الاكصدامات من المصنع بدون دهان , فتمر بالمراحل الاتية :-
-يتم تطهيرها من الاتربة ومسحها بقماش مبلل بثنر تطهير وتترك ليجف الثنر .
-يتم رش الاكصدامات بطبقة من مادة شفافة (Adhesion Improver ) لتعزز التصاق الدهان بسطح الاكصدام.
-يتم طلاء الاكصدام بطبقة من دهان الفيلر ( Filler ) لكى تساعد على التصاق الدهان النهائى و جعل السطح متساويا اذا كان بة عيوب ( استعدال السطح ) .
-يتم صنفرة الاكصدام بعد طبقة الفيلر بصنفرة ومياه .
-يتم تطهير الاكصدام من الاتربة والعوالق .
-يتم رش اللون النهائى فى كابينة الرش باستخدام مسدس رش .

وتظهر فى دهان الاكصدامات نفس العيوب التى تظهر فى دهان جسم السيارة واذا وجدت عيوب يتم سحق السطح الخارجى للاكصدام كاملا ويتم دهانة باللون النهائى مرة اخرى .

الله ينور عليك

مين الراجل ده Adhesion Improver :))

-

-

-

الموضوع: دوكووووووو

LinkBack

أدوات الموضوع

عرض

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة