الموضوع: خبرين فى يومين - مصر مازالت لا تهتم بالمصريين

المشاركة الأصلية كتبت بواسطة ashouhdy

معنى كلامك @أحمد كمال ان احنا ندفع دمغة تحصيل الفواتير مابين الشركة والحكومة طب اذاى اذا كنت انا بحاسب الشركة كاملا

بمعنى تانى

انا ازود على الزبون 5 جنية رسوم تحصيل فلوسى من محاسب الشغل الى الضرايب وهكذا

فاتورة الارضى دى بينى وبين الشركة مباشرة لكن موضوع شركة المحمول ... انا بدفع للشركة دمغة تحصيلها لفلوسها بينها وبين الحكومة !

حضرتك فيه فرق بين دمغة على المستهلك و بين ضريبة ارباح الشركة اللي الشركة بتدفعها و انت مالكش دعوة بيها ........ دي مش دمغة تحصيل فلوس بينها و بين الحكومة دي دمغة الحكومة فارضاها


زي اما بتطلع دفتر شيكات ....... بيبقى فيه دمغة على كل شيك و بتدفعها .......








و بعدين هو محدش ليه بيتكلم عالمصرية للاتصالات اللي بتغلي كل يوم اشتراكاتها و محدش واخد باله و مفيش شفافية؟؟؟؟؟؟


و محدش مبسوط من انخفاض اسعار المكالمات الرهيب (ارجع بماضيك لورا 5 سنين او 6 سنين و افتكر المكالمات كانت بكام)


الشركات لو عايزة تستغل الناس كانت غلت المكالمات (و كانت اتفقت مع بعض زي ما بعض اصحاب نظرية المؤامرة القائلة باتفاق ال 3 شركات مع بعض فاكرين) ....... مش حصلت ضريبة 51 قرش لا تودي و لا تجيب ......


51 قرش في 12 شهر = ستة جنيه و 12 قرش سنويا

يعني ما تجيش حتى تمن 3 كان بيبسي ...... و ما تجيش نص تمن كارت شحن بعشرة جنيه ....... يعني حضرتك لو كنت بتصرف عالموبايل ما بين مكالمات و داتا و رسايل حوالي 50 جنيه شهريا يعني 600 جنيه سنويا ال 600 دول بقوا 606 يعني بزيادة 1% بس .......



على فكرة الاتصالات هي السلعة الوحيدة اللي تكلفتها بترتفع (رواتب و تضخم و ايجارات اماكن الابراج و اسعار المعدات المستوردة دايما في الطالع) و سعرها بينخفض على طول الخط (راجع ال trend بتاع اسعار الاتصالات من مكالمات و رسائل و موبايل انترنت و دي اس ال على مدار العقد الماضي) ........