بتحلق بكام ياعم انت ؟

**Rsarabia** · 24-02-2012 02:54 PM

انا بحلق عند واحد ممتاز جدا بياخد 25 جنيه بيظبط الشعر و بيعمل ماسك و فتلة

**mohamedbook** · 24-02-2012 03:03 PM

ياخونا ايه موضوع الفتلة ده امال الستات تعمل ايه في نفسيها
لما الرجل يحط ماسك ويعمل فاتلة

**corsair** · 24-02-2012 03:25 PM

انا الحلاق عندي اجنبي بيحاسبني بالدولار اصله من قليوبية كفر ولاد ابو اسماعيل ههههههههههه بياخد 2 دولار

**matrix_it** · 24-02-2012 03:48 PM

انا بحلق ب15 شعر بس و غسيل راس
بس عايز اعرف ايه لازمة الماسكات و الفتلة دى ؟

**thegoodhacker** · 24-02-2012 06:48 PM

باحلق شعري بس ب13 جنيه + 2 جنيه تبس للحلاق .... بس عيبه الزحمة فممكن استني عنده أكتر من نصف ساعة لغاية ما ييجي دوري

**عصام غنايم** · 24-02-2012 06:55 PM

انا برده بحلق لنفسى من يوم ما اتجوزت جايب مكنه موزر المانى وبحلق لنفسى وآخر حلاوه

**mohamedbook** · 24-02-2012 09:01 PM

المشاركة الأصلية كتبت بواسطة minicooper20

بص يا باشا
اول حاجه المسك ده مش عيب و لا هو حاجه حريمى
لان فى انواع من البشره بتكون دهنيه بتفرز دهون و بتلم تراب و بالتالى بيكون وشك مش نضيف مهما غسلتو لان الدهون بتخش الخلايا و يخش فيها التراب
بنعمل ماسك بكريم صنفره و فوطه سخنه او حمام بخار كانوع من انواع النضافه و تنضيف البشره يعنى لاهى عيب و لاهى حرام و فى نفس الوقت صحيه و بتمنع الحبوب والبثروالكلام ده
و على فكره بتفرق فى الوش جدااااااااااا وبتفتحو وبتخليه منتعش
اما بالنسبه للفتله فيها اقويلناس قالت حرامو ناس قالت حلال و لوفيها شبها نبعد عنها وخلاص
بس ايه لازمتها لازمتها ان الوش فيه مناطق الشعر لما بيتحلق فيها بموس اوبمكنه بيطولويتقل و سعتاه بيكون شكلو وحش و هيديق فا الفتله ما هى الا اداه بتسعدك على انوميتقلش و ميطولش
و فيه ناس بتحط خمام كريم و بلسم و كريمات وش و ده نوع من انواع الاهتمام مش راجل سيس يعنى اتمنى تكون فهمت يا كبير

وضحتهافوق يا كبير

متأخذنيش اصلي بحلق لنفسي من حوالي 10 او 12 سنة بمكنة موزر الماني ومعاها درجات وبعرف اضبط شعري تمام عشان بقرف من الحلقين الصراحة
بس بشوف ناس تعمل حواجبها بالفتلة وده حرام حرام حرام
اما موضوع الماسكات ده انا فعلا مكنتش عارف لية
انا وشي دهني بس بغسلة بصبون عادي يعني والدهون الي مزيتة وشي بتروح تماما
وطمني عليك عملت ايه في موضوع زوج قريبتك الي انت ضربت عليه نار الموضوع عدي علي خير ولا حصل ايه والله كنت عايز اطمن عليك من ساعتها

**شريف** · 24-02-2012 10:29 PM

المشاركة الأصلية كتبت بواسطة hm414

بحلق عند واحد جنبنا في الزتون خطير جدا ما شاء الله عليه

هو المعلم وشغال معاه اكتر من 5 فنفس الوقت ما شاء الله

ولو انت بتستنى لما يفضى مكان لو عايز يجيبلك شاي وتظبيط

وبيغسل الشعر قبل وبعد الحلاقه وتنشيف حاجه محترمه وبحلق شعر بس ب 15 وبدي الصبي اللي يطلع والكل مرضي وانا الحقيقه ببقا مبصوط بالحلاقه بتاعتهم

عندهم اوبشن ان كل واحد يجيب موس حلاقته ويسيبه عندهم بإسمه وعندهم دواليب بالابجديه عشان يحط لكل واحد موسه فمكانه بإسمه بحيث بييجي يقوله طلعلي موس فلان الفلاني يجلعهوله من جرابه يحلق ويرجعه تاني

في النزهة الجديده اتعرفت على حلاق راجل كبير وخبره ومحترم
كان بيحلق ب 20 بس مش زي اللي في الزتون اطلاقا

تحياتي

فين في الزيتون بالظبط يا باشا

**minicooper20** · 25-02-2012 01:11 AM

المشاركة الأصلية كتبت بواسطة mohamedbook

متأخذنيش اصلي بحلق لنفسي من حوالي 10 او 12 سنة بمكنة موزر الماني ومعاها درجات وبعرف اضبط شعري تمام عشان بقرف من الحلقين الصراحة
بس بشوف ناس تعمل حواجبها بالفتلة وده حرام حرام حرام
اما موضوع الماسكات ده انا فعلا مكنتش عارف لية
انا وشي دهني بس بغسلة بصبون عادي يعني والدهون الي مزيتة وشي بتروح تماما
وطمني عليك عملت ايه في موضوع زوج قريبتك الي انت ضربت عليه نار الموضوع عدي علي خير ولا حصل ايه والله كنت عايز اطمن عليك من ساعتها

لا الفتله فى الحواجب حرام لاكن انا بكلم على بقيت الوش
و موضوع ضرب النار ده لسه شغال بس متقلقش هيطلع فشنك
دنا خربت بيتو لانو راجل مش كويس و ميرسى على سوالك يا كبير

-

الموضوع: بتحلق بكام ياعم انت ؟

LinkBack

أدوات الموضوع

عرض

-

-

-

-

-

-

المواضيع المتشابهه

لو انت بتحلق أقرع .... خش معانا حزب القرع

ايه ياعم قنوات المصارعة بتاعت اليومين دول ★★★★

قابل ياعم

سلامتك ياعم طنانى

هل تقوم بالصيانة الدورية في الضمان ولا بتحلق؟

الكلمات الدلالية لهذا الموضوع

المفضلات

المفضلات

ضوابط المشاركة