هل تقوم بالصيانة الدورية في الضمان ولا بتحلق؟

**الصاوي** · 03-10-2007 02:49 AM

سؤال دار بذهني نظرا لأني مقدم على شراء زيرو و عايز اعرف ايه النظام,أصحابي ذوي الأحتياجات الخاصة (أصحاب الفيرنا والأكسنت و اليارس والصني و كل ما هو تحت ال100.000" راحو صيانة الألف والخمسة و بعد كده حلقوا للقصة و قالولي ده حوار فكسان و مالوش لازمة المهم تشييك على العربية كويس لغاية اول 5000 و تتطمن انها تمام و بعد كده احلق!!

لأن موضوع كل 5000كيلو اروح ابص و أدفع اى حاجة والسلام على ركنة العربية في الصيانة مش داخل دماغي!!

عموما قلت اشوف رأي الناس هنا و أعمل بيه

و شكرا

**khalid_adel** · 03-10-2007 03:14 AM

انا عن نفسي بروح الصيانه كل 5000 كيلو لحد دلوقتي (خلصت الضمان خلاص)
بس ده للأسف غصب عني وده لان العربيه ملهاش اي قطعه غيار بره التوكيل بس برضه كده احسن بس مكلف جدا

**hazem_khidr** · 03-10-2007 07:08 AM

سؤال واحد لبس لو سمحت :
يعني ايه بترح تعمل صيانه او بتحلق؟؟و ايه العلاقه بين الذهاب للتوكيل و الذهاب للحلاق؟؟
و يعني ايه كلمه فكسان؟ :?

**Sharky** · 03-10-2007 10:21 AM

أنا عن نفسى لازم أروح أعمل الصيانة فى التوكيل من أيام ما كان عندى لانسر 98 خليجى رحت عملت صيانة 1000.00 كم فى التوكيل و بعد كده قلت خلينى فى الميكانيكية اللى بره أرخص إكتشفت بعد كده إن معظمهم بيفنى و مش عارف حاجة فققررت إن أكمل فى التوكيل و فعلا كنت بروح كل 10.000 كم أعمل الصيانة فى التوكيل و بصراحة هو دا اللى خلى العربية عندى كانت زى الفل لحد ما بعتها و هى عاملة تقريبا 155.000 كم.
و ناوى إن شاء الله أستمر مع توكيل رينو و تويوتا فى الميجان و الياريس بنفس الطريقة و خاصة إنهم من التوكيلات المحترمة فى مصر .
بس هو عموما تعامل التوكيل هو اللى بيخليك تكمل معاه الضمان أو تكمل معها بعد الضمان أو متكملش معاه أصلا و العربية جوة الضمان

**eng_mkhalaf** · 03-10-2007 12:11 PM

دة حسب نوع العربية - فى عربيات لازم التوكيل حتى لو كان أية - وبرضة فى عربيات طوز فى التوكيل حتى لو كان أية

**الصاوي** · 03-10-2007 01:26 PM

طب بما أني مقبل تقريبا على لانوس
تنصحوني بأيه؟؟

**مصراوي جدا** · 03-10-2007 02:32 PM

المشاركة الأصلية كتبت بواسطة hazem_khidr

سؤال واحد لبس لو سمحت :
يعني ايه بترح تعمل صيانه او بتحلق؟؟و ايه العلاقه بين الذهاب للتوكيل و الذهاب للحلاق؟؟
و يعني ايه كلمه فكسان؟ :?

اسمح لي يا استاذ حازم اترجم لك ( ولو اني افتكرتك سنك كبير طلعت 26 يعني المفروض المصطلحات دي كلها عندك) شوف يا سيدي
يحلق يعني يطنش
حوار فكسان يعني موضوع تعبان - اي كلام

أما بخصوص الموضوع فأنا رأيي طبعا يا استاذ الصاوي انك لازم تلتزم بالصيانة الدورية لهدف واحد مهم جدا وهو الاحتفاظ بالضمان وده شيء مش بسيط لأن احيانا لا قدر الله بتطلع في العربية مشكلة كبيرة تكلفتها عالية وبتكون عيب صناعة (انا مش باتكلم عن اللانوس او ماركة معينة انا باتكلم عموما) فلو كنت محافظ على الصيانة الدورية هتتغير القطعة دي في الضمان (وقد تكون فتيس كامل مثلا) انما لو مش بتعمل الصيانة الدورية يبقى كده الوكيل مش ملزم يغير لك القطعة دي في الضمان لأنك خالفت تعليمات الضمان وهي الالتزام بالصيانة الدورية

طبعا البعض هيقول صيانة ولا مش صيانة التوكيل بيقول انت بره الضمان بأي حجه والسلام - انما ارد عليه مقدما واقول لأ ده مش صحيح لأن الشركة الأم هي اللي بتتحمل التكلفة وبالتالي التوكيل مش خسران حاجه انه يغير في الضمان طالما ان العميل ملتزم بتعليمات الشركة الأم وهي الحفاظ على الصيانة الدورية

**h_hezzah** · 04-10-2007 02:55 PM

انا رأيى انه لازم تلتزم بالتوكيل فى الاول على الأقل لعاية ماتنتهى فنرة الضمان ، علشان لو لا قدر الله احتاجت تغير حاجة من الضمان مايبقاش عندهم حجة.
اما بقى بعد الضمان تعتمد على نوع العربية ومعاملة التوكيل واسعاره.

انا شخصيا العربية الكرايسلر عندى باوديها التوكيل (ابو غالى) كل 10-12 الف للصيانه ولو باشتكى من حاجة، مع انهم كاتبين فى كتيب الصيانه المصرى انه لازم تعمل صيانه كل 5000 بس انا ماشى على الكتالولوج الاصلى اللى بيقول كل 12 الف.

وهما بصراحة لغاية دلوقت زوق جدا ومابيعترضوش على اى حاجة.
اخر مرة كنت باشتكى من ان عداد البنزين بيلعب. كشفوا عليه وقالولى العوامة عايزة تتغير وغيروها فعلا (داخل الضمان)
ومادفعتش فى الموضوع ده كله غير ثمن الصيانة .

اما بعد الضمان ما يخلص هاعمل ايه؟؟؟؟؟ :roll:
غالبا هاستمر معاهم لغاية اول حركة ماتعجبنيش وبعدين اعمل الصيانة الدورية بنفسى وادور على حد بيفهم فيها لما اتزنق.

-

-

مشاهدة نتائج الإستطلاع: هل تقوم بالصيانة الدورية في الضمان؟؟؟؟؟؟

الموضوع: هل تقوم بالصيانة الدورية في الضمان ولا بتحلق؟

LinkBack

أدوات الموضوع

عرض

-

-

-

-

المواضيع المتشابهه

لو انت بتحلق أقرع .... خش معانا حزب القرع

بتحلق بكام ياعم انت ؟

سؤال خاص بالصيانة الدورية

تقرير بالصيانة البولو 2001شكرا رجالة فولكس

حادث غريب للياريس , و الاتهام موجه لعيب بالصيانة

الكلمات الدلالية لهذا الموضوع

المفضلات

المفضلات

ضوابط المشاركة