لما ادوس فرامل الدريكسيون يرعش فى ايديا

**Ahmed.TV** · 26-02-2012 01:32 AM

لما بتدوس فرامل والرعشة دى .. يبقا ده فى ريجة فى الطنابير ..
واحنا عملنا موضوعين .. واحدة عن الوقاية من الريجة بتاعت الطنابير
والثانى تقرير عن مركز اوتوايجيبت فيها صورة لجهاز الطنابير .. بيقوم بمسح الطناير بالليزر .. من غير ما ناكل فى الطنابير ونقلل من عمرها وامانها .. فالمسح بالليزر افيد بجد للطنابير ..
وده موجود فى اوتوايجيبت تقريبا فى حدود 105 جنيه .. على ما اذكر

**aimank** · 27-02-2012 07:45 PM

المشاركة الأصلية كتبت بواسطة ahmed.tv

لما بتدوس فرامل والرعشة دى .. يبقا ده فى ريجة فى الطنابير ..
واحنا عملنا موضوعين .. واحدة عن الوقاية من الريجة بتاعت الطنابير
والثانى تقرير عن مركز اوتوايجيبت فيها صورة لجهاز الطنابير .. بيقوم بمسح الطناير بالليزر .. من غير ما ناكل فى الطنابير ونقلل من عمرها وامانها .. فالمسح بالليزر افيد بجد للطنابير ..
وده موجود فى اوتوايجيبت تقريبا فى حدود 105 جنيه .. على ما اذكر

استاذ احمد ممكن لينكات الموضوعين دول اكون شاكر تعب حضرتك

**tarek08** · 27-02-2012 08:01 PM

كان عندي نفس المشكلة وخفت جامد بعد الترصيص بس رصص عند حد متخصص - انا رصصت فى اوتو ايجيبت وماضبطتش رصصت عند واحد فى الزقازيق تخصص الوضع احسن بكتير
انا كنت غيرت تيل وطنابير فى مودرن والمشكلة ماراحتش الا بعد الترصيص - جرب الاول عشان ما تغرمش تمن الطنابير والتيل وتمشي تكلم نفسك زي ما حصلي ولو الترصيص ما ضبطش ابقى غير الطنابير

**aimank** · 27-02-2012 08:34 PM

انا الموضوع ده لسه حاصل معايا بعد تغيير تيل الفرامل مع انى مغير التيل القديم الى هو جى فى العربية من الزيرو بعد 60.000كم و بحالته مكنش محتاج يتغير و انا الى قولت للمهندس غيرو و (يارتنى ما غيرتوا)
الى حصل بعد تغيير التيل ان مع الفرامل بلاقى الدريكسيون يتهز جامد يمين و شمال قولت اصبر على الحكاية دى يمكن التيل علشان لسه جديد دلوقتى عدى عليه 1000كم و الحكاية لسه زى ما هى
و المشكلة بقى انى كنت مع المهندس جمب العربية و هما بيغيروا التيل و شوفنا الطنابير زى الفل و قولتله اسحب هوا من الاربع عجلات مرداش و قالى ان احنا لسه مغيرين زيت الفرامل قريب
قعدت افهمه ان مع تغيير التيل منسوب الزيت بيتغير و هوا مصمم ان مش لازم قولتله الدواسة واطية قالى حعليها رجلش ورا و خلاص و شوية و رجعت واطية تانى المهم كلمته فى التليفون تانى النهاردة قالى ده عيب طنابير عايزة تتغير !!!!!! مع ان انا اعرف ان الى يأثر على الطنابير ان تركب تيل مش اصلى او تعدى على مياه و العربية سخنة بسرعتك او تغسل العربية بعد مشوار و كل الحاجات دى انا معملتهاش
انا حروحلهم بكره و اقولكوا ايه الى حيحصل

**ls1090** · 28-02-2012 12:14 AM

الرعشة ديها سببها الطنابير
الحدفة الشمال مع الفرامل الفردة الشمال بتمسك اكتر من اليمين راجع عمل الفرامل فى الفردة اليمين ممكن تكون فيها مشكلها مع الفرامل ضغط الزيت مش سليم التيل متاكل المهم فى فردة بتمسك اكتر من التانية سبب الحدفة