الموضوع: عربينك بتعمل كام كيلو فى الصفيحه

المشاركة الأصلية كتبت بواسطة egyzizo

الـ 127 (900 سى سى) بتعمل جوه البلد 125 .. (فيها مشكلة مش عارفها)
الـ 128 (1100 سى سى) بتعمل 300 جوه البلد
اللوجان(1600 سى سى) بتعمل 280 - 320 مختلط
اللوجان فى ظروف مثالية (90 كم/ساعة طوالى بدون تكييف) بتعمل 380

ال 128 ابهرتنى بصراحه و اللوجان ماشاء الله عليها

المشاركة الأصلية كتبت بواسطة hmatchy

انا معايا بريلليانس fsv 1500 وزن العربيه 1260 ك
التفويلة 50 ليتر بتعمل 560-600 مع الحرق الدائم جو البلد يعنى الصفيحة فى رنج 230
لو من غير حرق ممكن توصل 700 يعنى 280 للصفيحة
على طرق السفر الصفيحة تعمل 250 على سرعة 180
لو ماشى 90 وكل حاجة مظبوطة و اتجاه الهوا معاك 410 -400
فى مارة سافرت مع التكيف الاسماعليه - كوبرى مبارك- شرق التفريعة-الاسماعيليه- ودخلنا مدينه صناعية على طريق الاسماعيليه مش فاكر اسمها اجمالى المسافة 560 وكنت مفول ورجعت القاهرة فولت ب61 جنيه بنزين92 يعنى الصفيحة عملت معايا فى حدود 340

الاستهلاك ممتاز بس 250 على 180 دى غريبه شويه

المشاركة الأصلية كتبت بواسطة nice_bird

لانسر 1600 اوتو موديل 2006
متوسط داخل المدينة (170 كم /الصفيحة)
متوسط عالطريق (215 كم / الصفيحة)
طبيعة سواقتي السحب (الحرق)

استهلاك عالى شويه بيتهالى لو عملت السيرفس بتاعك حتقل شويه

المشاركة الأصلية كتبت بواسطة moh19227

اولا شكرااا لصاحب الموضوع موضوع رائع
ثانيا انا لاحظت ارقام اقرب الي الواقع بس سمعت ارقام غريبه شويه :)

انا مش قصدي حاجه بس ازاي طوالي علي سرعة 150/160 بتعمل من 280:300 مش كتير حبتين تلاته ؟:)

بردو انا مش قصدي حاجه بس 250 كيلو علي سرعة 180 في الصفيحه ده رقم فلكي :)
يعني اللي انا اعرفه عن اغلب العربيات ال 1600 سي سي -- واخد بالي ان الاتنين اللي فوق 1500 :) --
جوه البلد معاك من 150 لحد 250 كيلو ده حسب الظروف والزحمه وبتكييف ولا لا
بره البلد في الطوالي علي سرعة 100 من 250 لحد 350 كيلو تقريبا
طوالي علي سرعة اعلي من 140 معتقدش في عربيه هتعدي ال 250 كيلو ابدا
ولو 160 :180 اعتقد الصفيحه مش هتكمل ال 200 كيلو اصلا :)

الشكر لله و ليك يا باشا بتشريفك موضوعى

المشاركة الأصلية كتبت بواسطة ahmad alshaaer

طمنتوني ده انا كنت مفكر الجن 2 بس هي اللي بتشرب البنزين

جوه البلد الصفيحه حوالي من 160 - 180 كلم بالكتير وبدون تكييف

على الطرق السريعه سرعات عاليه فوق ال 150 حتى ال 180 كلم / ساعه بالكتير الصفيحه تعمل 160 كلم

ولكن لو ماشي على طريق طوالي تحت ال 100 بتعمل حوالي 250 كلم

عموما انا من وجهة نظري ان العربيات ال 1600 الاوتوماتيك عموما بتشرب بنزين

مع اني ملاحظ من حوالي فتره 6 شهور كده اصبح البنزين نفسه هو اللي فيه العيب لان العربيه بدات تاكل اكتر

والله اعلم

انا معاك فى موضوع البنزين ده و حاسس ان فيه لعب

المشاركة الأصلية كتبت بواسطة mbhead

مرسيدس w116 350se موديل 79 تمانية سلندر 3500 سي سي انجكشن
الصفيحة بتعمل حوالي 100 كم بالتكييف اقل حوالي 85 كم ..بنزين 90 او 92

نورت موضوعى يا باشا و انا دايما بقرا مواضيعك المميزه جدا فى قسم المرسيدس اللى انا بعشقها اصلا و خصوصا فى موديلتها القديمه و بعدين استهلاك البنزين العالى فيها بيقابله متعه لا توصف فى القياده و شعور بالقوه و السيطره

المشاركة الأصلية كتبت بواسطة titos_81

نورت موضوعى يا باشا و انا دايما بقرا مواضيعك المميزه جدا فى قسم المرسيدس اللى انا بعشقها اصلا و خصوصا فى موديلتها القديمه و بعدين استهلاك البنزين العالى فيها بيقابله متعه لا توصف فى القياده و شعور بالقوه و السيطره

شكرا لذوقك يا فندم ..بغض النظر عن المصاريف العالية و ان قيمة السوقية مش حتجيش نص اللي صرفته عليها واني بالتاكيد مش حبيعها... انا سوقت و امتلكت مرسيدس حديث و بالنسبة لي شخصيا لا شي يضاهي متعة ركوب الموديلات القديمة ... نهائي