الموضوع: التيدا صفات و مواصفات

السلام عليكم
أنا عمال أسأل على التيدا عشان اشتريها
واحد زميلي في الشغل كان معاه تيدا وعمل بيهـا حادثة فهقولكم تجربته:
1. هوا كان معاه سيدان.
2. كان هوا ومراته واولاده ورا في العربية وقت الحادثة.
3. نام وهو سايق والعربية اتقلبت كذا مرة.
4. لم يحدث أي اصأبات خطيرة علما بـإن هو الوحيد اللي كان شادد الحزام.
5. العربيه (total loss) والتأمين هيعوضه عنها (مش هتتصلح)

وبساله عن قطع الغيار والصيانات.
1. الصيانات كل 5000 ببلاش في مركز اسمه العوض
2. لو مراحش صيانة 5000 مش مشكلة (مايطلعش من الضمان).
3. صيانة 10000 العادية تكلفتها حوالي 300 جنيه (شايف إنها معقولة جدا).
4. معملش الصيانة الشاملة (معرفش عند 40000 ولا 60000 بالنسبة للتيدا) وبالتالي معرفش تكلفتها.
5. تيل الفرامل المفروض يتغير على 25000 بس في مركز الصيانة كانوا بيقولوا لسة مش محتاج يتغير وغيروه على 40000 تقريبا وبيقولي كان لسة فيه نصه تقريبا (غير التيل للعجلتين الأماميتن وتكلف 600 جنيه, متهيألي غالي شويه بس في نفس الوقت معمر, لإن 40000 ده كويس لعربية اوتوماتيك).
6. مرة زلطه خرمتله الرادياتر بعد سنة استخدام. راح التوكيل قالوله مابيصلحوش, بيستبدلو بس والتكلفة لسارابانتنة جديدة هي (4000 جنيه) فراح صلحه بره.
(أنا سألته هو العربية مش ضمنها 3 سنين؟ قال لي أيوه بس ده لا يشمل بعض الحاجات زي اجزاء دورة التبريد , الحاجات دي ضمنها سنة).
7. هو دايما على طريق فيه عربيات نقل بتوقع زلط وبيخبط الالإزاز بس الإزاز ممتاز مش بيحصل فيه شرخ, بس ممكن حتت صغيرة تتكحت منه.
8. مرة سأل على سعر الزجاج الامامي اتقالوا 6000 جنيه (غالي قوي).

انا كنت عايز أعرف هل زجاج التيدا مقاسه متوفر بره التوكيل؟ عشان لو إزاز اتكسر ولا حاجة (خصوصا إن الزجاج تقريبا مش بيبقى عليه تأمين).

و إيه معدل استهلاك تيل الفرامل في التيدا الاوتوماتيك؟ (المعدل الفعلي مش اللي في الكتالوج)

المشاركة الأصلية كتبت بواسطة ahmed_aly_78

انا كنت عايز أعرف هل زجاج التيدا مقاسه متوفر بره التوكيل؟ عشان لو إزاز اتكسر ولا حاجة (خصوصا إن الزجاج تقريبا مش بيبقى عليه تأمين).

و إيه معدل استهلاك تيل الفرامل في التيدا الاوتوماتيك؟ (المعدل الفعلي مش اللي في الكتالوج)

أشكرك على مشاركتنا تجربة صاحبك وألف حمدا لله على سلامته هو وأسرته و فداه ميت عربية

المهم قولي الأير باج فتحت و ألا لا؟ المفروض بتاعته بس هي اللي تفتح علشان رابط الحزام , وطبعا بتاعة مراته مفتحتش علشان مكنتش رابطها الحزام

صح وألا غلط ؟


المهم بخصوص التيل أن شاء الله الاسبوع الجاي حاعمل صيانة العشرين بس أنا شايف التيل من خلال الجنط إنه كويس ومش حيحتاج تغيير
بعد الصيانة حجاوبك إن شاء الله

الحمد لله ربنا ستر وجت فى الحديد بس فعلا عاوزين نعرف الايرباج فتحت ولا لأ علشان نقيم امان العربيه.

الله يسلمكم
الحمد لله جت في الحديد
فعلا دي حاجة مهمة إننا نعرف هل الاير باجز فتحت ولا لأ.
هسأله وأرد عليكم إن شاء الله

أنا كمان سمعت إن واحد تاني معنا في الشغل قلب مرتين بتيدا سيدان برده (كل مرة لوحدها مش حادثة واحدة)وبرده محصلوش حاجة أعتقد.
هاهاها
مش عارف إيه الحكاية
هشوف برده واحكيلكم

كنت عايز اقولكم إن صاحبي الاولاني ده كان بيعمل صيانته في العوض

واضح إنه كويس لإنه مابياخدش فلوس على صيانات ال 5000
بس في نفس الوقت تيل الفرامل عنده غالي (600 جنيه).

المهم رحت معرض اتفرج على التيدا

لقت راجل محترم قوي ومتعاون

قال لي إن الزجاج الامامي بـ 1800 جنيه (مش 6000 زي ماصاحبي قال لي) واضح إن 6000 ده كل إزاز العربية
وكمان قال لي إن الزجاج متوفر من دكتور. جريش بـ 300 جنيه وهو نفسه جابه لعربية عنده كان بيعمل بيها تست دريفز والإزاز اتكسر فراكب ده مؤقتا.
ودلوقتي بطل تست دريفز أساسا :)

أنا شايف إن اسعار قطع الغيار والصيانة مش غالية قوي يعني

معقولة

المهم هو ماكانش عنده غير سيدان

لما قعدت فيها مش حاسس إنها واسعة بالدرجة اللي كنت متوقعها مش عارف ليه؟

والكبوت مستحيل اشوفه

ومش عارف الكرسي مش حاسس إنه مريح

أنا ابتديت أشك في نفسي على فكرة

لإن كل العربيات بحس إنها مش مريحة

ولا أنا متهيألي ولا إيه؟
مش عارف
يعني نفس الموضوع في الفانتازيا والجولف 6 وال لانسر

مش معقول يعني تكون الأونو بتاعتي أريّح من كل دول

ولا هي مسألة تعود؟

ربنا يسهل كده هحاول أعمل تست دريف في القاهرة بس لما افضى كده
modern motors بتعمل تست دريفز في الدقي

الأخ احمد على
اعتقد ان مسألة الراحه دى تعود على العربيه لانك اول مره تقعد فيها
ثانيا موضوع الوسع الداخلى للصالون مش هاتحس بيه لما تقعد على كرسى السائق ولكن تشعر به بجوار السائق وتشعر به جدا لو فى الكنبه الخلفيه.
انا فعلا لا ارى الكبوت بالرغم من ارتفاع الكرسى وده نظرا لان طول الكبوت ضير واصغر من اى عربيه مماثله ولكن هاتتعود على الابعاد بمجرد انك تسوقها لمشوار واحد.

عايز استفسر عن حاجة ...ليه التيدا ليها نصيب كبير في شرح المواصفات والإمكانيات والصور عن الصني على موقع نيسان ؟؟؟؟؟