الرأي المتين في بنزين الشاهين !!!

**HRH_Sameh** · 02-06-2008 12:36 PM

:embarrassed2: يا جماعة يا ريت تساعدوني في حيرتي :embarrassed2:

انا على طول بحط 90 في العربية من حوالي 5 سنين واحيانا 92
شاهين 2004 - نسبة الانضغاط 9.2:1
اول مرة من كام يوم حطيت 22 لتر 80 على حوالي 10 لتر 90 كانو فيها
مش حاسس بفرق في الأداء
ولا فرق يُذكر في صوت الموتور
ارجع 90 والا استمر على 80 وربنا يستر

يعني الأضرار اللي ممكن تحصل لو مشيت على 80 على طول (مع العلم ان مشاويري قليلة جدا - متوسط 150 - 200 كم في الشهر واستخدامي للعربية هادي جدا يعني مش بتاع شد وجري وآخري 80 : 90)

طيب ايه الاحتياطات الواجبة او الصيانة اللي المفروض تتعمل (تنضيف كربراتير (عمري ما نضفته) - تغيير فلتر بنزين (غيرته مره واحدة من حوالي سنتين) - ..........)

سؤال كمان: انا اعرف ان الكهرباء بتاعتها الكتروني يعني ما ابلاتين وكندينسر - ده ليه علاقة بالبنزين: بمعنى اوضح ينفع يتظبط الاسبراتير على البنزين الـ 80

محتاج رأيكم يا شباب فكروا معايا بصوت عالي عشان بجد محتار :(

**hazem_khidr** · 02-06-2008 02:31 PM

طالما استعمالك للعربيه قليل اوي كده يبقي مالهاش داعي و خليك علي بنزين 90.

**شاهين - بنز** · 02-06-2008 02:55 PM

أنا معايا دوجان بعبيها بنزين 80 بقالي 3 سنين من ساعت ماال 90 زاد ل 130 إرش وإلى الآن لم أواجه أي مشاكل إطلاقا (بس أهم حاجة إنك توطي الكهربا) مع العلم إني بفولها مرتين إسبوعيا

**ahmed1981** · 02-06-2008 03:08 PM

بنزين 80 وليس أكثر
راجع الموضوع التالي:
http://www.nilemotors.net/Nile/showthread.php?t=16758

**HRH_Sameh** · 03-06-2008 09:36 AM

شكرا يا شباب على الافادة
وياريت حد من اصحاب الشاهين يرد علىّ

**mrghost** · 03-06-2008 09:30 PM

السلام عليكم ازيك ياسامح باشا
انا الحمد لله من اصحاب الشاهين وانا من ساعة البنزين ماغلى وانا بحط 80 والحمد لله تمام بس طبعا ماينفعش تقرص على الموتور زى الاول لانه بيسقف لو قرصت عليه بس غير كده مش هتحس بفرق ان شاء الله وعلى فكرة الميكانيكى اللى انا بصلح عنده معاه شاهين وبيحط 80

**mrghost** · 03-06-2008 09:34 PM

وعلى فكرة لو لعبت فى الكهرباء بتاعتها علشان متسقفش العربية مش هتسحب ومش هتقدر تطلع بيها مطلع (عن تجربه) وياريت لو كل فتره غير فلتر البنزين او فكه واغسله ونظفه وان شاء الله هتلاقيها تمام معاك

**sab3aawy** · 03-06-2008 10:18 PM

كتير جدا مننا بيعتبر ان التسقيف ظاهرة طبيعية ولا مشكلة منها لأنه حاجة مش بتضايق وكدة كدة العربية ماشية وبتسحب وزى الفل ، وبالتالى يقول بحط بنزين 80 والعربية بتمشى ومافيش مشكلة

لكن التسقيف هو السم البطئ الذى يقضى على المحرك بأسرع مما تتخيل

لذلك لو العربية بتسقف معاك يبقى امامك اختيار من 3

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

2- تسايس العربية ومتقرصش عليها علشان متسقفش

3- تمشى بيها زى ما انت عايز تعمل حسابك على طقم بستم وصباب فىة اقرب فرصة

او انك تغير لبنزين ذو رقم اوكتان اعلى

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

**ahmed_su** · 04-06-2008 11:28 AM

المشاركة الأصلية كتبت بواسطة sab3aawy

كتير جدا مننا بيعتبر ان التسقيف ظاهرة طبيعية ولا مشكلة منها لأنه حاجة مش بتضايق وكدة كدة العربية ماشية وبتسحب وزى الفل ، وبالتالى يقول بحط بنزين 80 والعربية بتمشى ومافيش مشكلة

لكن التسقيف هو السم البطئ الذى يقضى على المحرك بأسرع مما تتخيل

لذلك لو العربية بتسقف معاك يبقى امامك اختيار من 3

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

2- تسايس العربية ومتقرصش عليها علشان متسقفش

3- تمشى بيها زى ما انت عايز تعمل حسابك على طقم بستم وصباب فىة اقرب فرصة

او انك تغير لبنزين ذو رقم اوكتان اعلى

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

+10000000000000

الموضوع: الرأي المتين في بنزين الشاهين !!!

LinkBack

أدوات الموضوع

عرض

الرأي المتين في بنزين الشاهين !!! - انشر الموضوع فى :

-

-

-

المواضيع المتشابهه

الرأي المبين في الvtec المتين (قول اللي في نفسك)

(كتالوج الشاهين Sahin Catalog) لعشاق السيارة الشاهين إن كان لها عشاق غيري

لماذا لا يفهم البعض معني الرأي و الرأي الأخر ؟

الشاهين الانجيكشن بتاكل بنزين كتيييييييييييييييييييير !

الشاهين و بنزين 80

الكلمات الدلالية لهذا الموضوع

المفضلات

المفضلات

ضوابط المشاركة