الموضوع: الرأي المتين في بنزين الشاهين !!!

المشاركة الأصلية كتبت بواسطة رامى خيال

سيارات شاهين الزيو موجود عليها ملصق على الزجاج الخلفى( لا يستعمل الا بنزين خالى من الرصاص) ما المقصود ببنزين خالى من الرصاص 90 ولا 92 ولا 95 ؟ ولا ايه بالضبط؟ افيدونا افادكم الله

جميع أنواع البنزين في جمهورية مصر العربية خالي من الرصاص

السلام عليكم ازيك ياسامح باشا
انا الحمد لله من اصحاب الشاهين وانا من ساعة البنزين ماغلى وانا بحط 80 والحمد لله تمام بس طبعا ماينفعش تقرص على الموتور زى الاول لانه بيسقف لو قرصت عليه بس غير كده مش هتحس بفرق ان شاء الله وعلى فكرة الميكانيكى اللى انا بصلح عنده معاه شاهين وبيحط 80
وعلى فكرة لو لعبت فى الكهرباء بتاعتها علشان متسقفش العربية مش هتسحب ومش هتقدر تطلع بيها مطلع (عن تجربه) وياريت لو كل فتره غير فلتر البنزين او فكه واغسله ونظفه وان شاء الله هتلاقيها تمام معاك

محمد باشا . . تسلم ع الرد والتجربة :)

1- توطى السبراتير لحد ما توصل للدرجة اللى العربية ماتسقفش فيها مضحيا بالعزم والتسارع كما ان استهلاك الوقود هيرتفع نسبيا

سبعاوي باشا دايما منوّرنا وفايدنا
يعني ايه توطي الاسبراتير ؟؟

لذلك ارجو انك تتأكد انك لما قلت ان محصلش معاك مشاكل انك متكونش شايل التسقيف من حساباتك

انا فعلا مش بسمع العربية بتسقف يمكن لأني زي ما قلت دوستي ع البنزين خفيفة :)

(على فكرة، الاسبراتير بتاعها برغم انه الكترونى لكن زاوية تقديم الإشعال بتتظبط يدويا، الإلكترونى فيها هو تقطيع التيار"مشطا بدل الأبلاتين وكوندنسر" لكن التحكم فى موعد الشرارة يدوى)

شكرا على المعلومة المفيدة

المشاركة الأصلية كتبت بواسطة ahmedfawzy14

بقالى شهر زى حلاتك اهو بحط 80

الفرق لا يذكر فى السحب ده جوه البلد

اما فى الطوالى مفيش فرق اصلا

مع العلم ان معايا شاهين 1300

شكرا ياباشا ع الافادة
بس طبعا الموضوع معاك مخلف لأن الموتور مختلف
ونّورت الموضوع

توطى السبراتير يعنى تؤخر زاوية الإشعال ويتم ذلك عنم طريق تهوية مسمار الكونتر بتاع السبراتير بمفتاح 13 وتحريك السبراتير مسافة قليلة جدا (درجة زاوية واحدة او 2 بالكتير، الدائرة الكاملة 360 درجة) فى اتجاه عقارب الساعة واعادة ربط المسمار ، ثم تجربة السيارة من حيث السحب والتسقيف، ويمكن اعادة الأمر سواء فى نفس التجاه او بعكس وحتىالوصول لأفضل درجة من وجهة نظر السحب والعزم دون حدوث تسقيف

المشاركة الأصلية كتبت بواسطة sab3aawy

توطى السبراتير يعنى تؤخر زاوية الإشعال ويتم ذلك عنم طريق تهوية مسمار الكونتر بتاع السبراتير بمفتاح 13 وتحريك السبراتير مسافة قليلة جدا (درجة زاوية واحدة او 2 بالكتير، الدائرة الكاملة 360 درجة) فى اتجاه عقارب الساعة واعادة ربط المسمار ، ثم تجربة السيارة من حيث السحب والتسقيف، ويمكن اعادة الأمر سواء فى نفس التجاه او بعكس وحتىالوصول لأفضل درجة من وجهة نظر السحب والعزم دون حدوث تسقيف

باشا
دايما منوّرنا وفايدنا

هل لازم في حالة تغيير الاوكتين تتظبط الكهرباء؟؟
اصلي مش حاسس بفرق في السحب ولا في تسقيف

.....waiting

المشاركة الأصلية كتبت بواسطة eldeplomasy

ياريت لو حد جربه يقلي عملت معاه ايه واخر ازاي زاوية الاشتعال مع انها انجكشن؟؟؟

تأخير زاوية الإشعال يكون من الأسبيراتير القابل للتعديل اليدوي وليس له علاقة بالإنجكشن أو الكربيراتير
والشاهين سواء الكربيراتير أو الإنجكشن من الممكن تأخير توقيت الشرارة لها (توطية الكهرباء) من الأسبيراتير