الموضوع: سعر e36

المشاركة الأصلية كتبت بواسطة powerofhelll

السلام عليكم ورحمة الله وبركاته

كنت عايز اعرف سعر العربيه دي من موديل 95 ال 97 و مشاكلها و هل في اختلاف في السعر بين ال 16 و 18 و 20 و ازاي اعرف ان الموتور ده بتاعها ولا متسقط فيها

أولا السعر حسب نوع السياره كابروليه, كوبيه, سيدان أو كومبكتي

بالنسبه أولا كيف تعرف إن محرك السياره هو و لا لأ. بسيطه جدا رقم المحرك بيكون نفس رقم الشاسيه لو رقم المحرك مختلف يبقى المحرك مش بتاعها و متسقط و لو هذا مدون فى الرخصه يبقى صاحب السياره مسقط محرك و مثبت رقم المحرك الجديد على الرخصه

لن تجد اختلاف كبير أو فارق فى السعر بين ال 316, 318 و ال 320 يعنى 1000 - 2000 جنيه و طبعا الأفضليه لل 320 لأنها 2000 سى سى و بالتالى هتكون السياره 6 سليندر و محرك أقوى و أسرع بفارق 48 حصان و 35 حصان عن ال 316 و ال 318 على التوالى

بالنسبه للسعر موديل 95 - 96 على حسب الحاله يبدأ من 70,000 جنيه إلى 75000 جنيه "سياره تكون حالة"

أما بالنسبه لموديل 97 - 98 بيبدأ من 75000 - 85000 جنيه "إن كانت السياره حاله بمعنى كلمة حالة يعنى دهان شركه بالكامل مضبوطه مثلا شكل خارجى إلى شكل الفئه الرياضيه m3 عداد الكيلومتراج قليل إلخ..."

الأسعار التى ذكرتها بالأعلى بتكون لفئة السيدان هتزود من 10000 - 15000 جنيه للكوبيه لموديلات نفس السنه و من 15000 - 20000 جنيه للكابروليه

أقل الأسعار بتكون للكومبكت و نصيحه ابعد عنها لندرة بعض قطع الغاير الخارجيه خصوصا الجزء الخلفى منها و لقلة تداولها و لثقل إعادة البيع...

المشاركة الأصلية كتبت بواسطة powerofhelll

شكرا بارك الله فيك
هو ايه الفرق بين 95 و 97 ولا الاتنين نفس الكماليات و المواتير ولا في فرق جوهري

e36 95 لا يوجد بها إيرباج, تكيف نظام بكر, لا يوجد نظام فرامل إيه بى إس
e36 96 لا يوجد إيرباج, تكييف تاتش, نظام فرامل إيه بى إس
e36 97 - 98 يوجد بها تكييف تاتش, نظامر فرامل إيه بى إس, يوجد بها إيرباج (1 - 2 - 4)

هذا الكلام لا ينطق على سيارات وارد الخارج, و لا ينطبق على فئات الكوبيه و الكابروليه أيضا

المحرك منذ عام 1994 إلى نهاية الشكل فى كل من فئة ال 316 و 318 واحد و يسمى m43b16 و m43b18