الموضوع: استفسار سريع يا رجالة لو سمحتو

المشاركة الأصلية كتبت بواسطة mid0311

السلام عليكم
انا نزلت الحرفيين بدور على موتور لهوندا سيفيك 83 حد قالى على قوصة رحتلة قالى نزلها 1500بتاع السيفك 90 وهيعدلو فى القواعد وقالى ان السعر بالتركيب 6000
رحت للعالمية ( الشيخ سيد ) قالى انى مش هلاقى ماتورها ولو لاقيت مش هلاقى حاجة نضيفى وقالى برده على 1500 بتاع السيفك 90 الموتور عامل 2500 وودانى لميكانيكى اسمة منير قالى هيركبة وهيتكلف كلة بدون الزيوت 1500
السؤال هوثمن الموتور ده عامل كام ولو فى حداتعامل مع العالمية ده او منير الميكانيكى ايه سمعتهم اية ورايكم فى التكاليف دى ؟
انا مش لاقى الموتور بتاعها 1300 ومغير الموتور ده مرة قبل كدة
هل الموتور 1500 ده كويس وموضوع القواعد ده ايه مشاكلة
ياريت الرد بسرعة يارجالةعلشان عايز انجز
شكرا

اولا سعر المحرك ال 1500 للموديل بتاعك بيعمل 3500 جنية وخلى بالك ان فية انواع من المحركات دية بتخرج 100 حصان وكودة EW فقط ومزود ب cvcc ودة لازم يجى بكل حاجة بس لاقية بقى

ولو عايز محرك ال1500 عادى يبقى هتجيب EM1 ودة قوتة 67 حصان على ماأذكر

بالنسبة للتعديل انك تركب محرك 1500 موديل 88-95 شوف كل دة تمام بس اولا حوض المحرك هيبقى ضيق جدا فى الشغل , التعديل ممكن مايبقاش مظبوط بالقدر الكافى دة غيرة انك هتلعب جوة عشان ال SHIFTER لو هتجيبها اوتو
وهتبقى المكنة بردة كربراتير فانت احسن حاجة ليك ان تسقط المحرك الاصلى للسيارة وزى ماقوتلك عندك فوق الاختيارين بالاكواد وعلى فكرة الفتيس بتاعهم فية منة 4 نسب اوتو و5 سرعات مانيوال

* بالنسبة لتكلفة تسقيط المحرك ( 300 جنية مصنعية ميكانكيى ) , ( 500 مصنعية كهربائى )

بالنسبة لمنير هو لو عملك الحاجة بنفسة ممكن تطلع كويسة لكن المشكلة انة بيخلى العيال يشتغلوا فى العربية وبيبوظوا حاجات كتير وطبعا كلة على حساب الزبون

فنصيحة اشترى دماغك وممكن توديها عند ناس تانية كتير بس المشكلة فى انهم يكونوا اشتغلوا فى الموديل دة او بيبقبلوا يشتغلوا فية