الموضوع: انا عايزة اشترى جين تو بس..........

المشاركة الأصلية كتبت بواسطة Migo123

لو عندك استعداد تخشي في فئة سعريه اعلى
يبقى التيدا او الميجان او الفوكاس

ونسيت لو ممكن تتنازلي عن الشنطه وعايزه عربيه بجد
يبقى مفيش بعد السوبارو امبريزا عربيات

المشاركة الأصلية كتبت بواسطة haneena

اظاهر انكو اتخنقتوا منى معلش غلست عليكو

أختنا الكريمة ........... أنتي أسألي زي ما أنتي عايزة و أحنا منقدرش نتخنق من أخت كريمة ..........

و ألف شكر لثقة حضرتك الغالية في شخصي
طيب أسمعي بقى الكلام المفيد
حضرتك سألت سؤال في الأول و هو المقارنة بين سحب الجين 2 و سحب البيكانتو في الأوتو .... تمام
و ده طبعا إجابته مش عايزة كلام ............ لأن البيكانتو 1100 سي سي فقط لا غير ...... على عكس الجين 2 اللي هي 1600 سي سي
و طبعا أكيد سحب الجين 2 في الأول و في أي مرحلة من مراحل التسارع هايكون أفضل
الجين 2 الأوتو .( ليس عن تجربة ) تسارع الغيار الأول فقط هو اللي ضعيف
إنما الثاني كويس و الثالث طلقة و الرابع صاروخ

و مادام الهوندا سيتي مش عاجبة حضرتك
يبقى خلاص ........... خليكي في الجين 2 و أتكلي على المولى عز و جل و إن شاء الله لن تخذلك هذه السيارة
بجد ,,,,,,,,, أنا كل يوم أحب العربية دي أكتر من اليوم اللي قبله
بجد صاروخ متحرك على سطح الأرض ( ما شاء الله عليها ) و طبعا تصميم لوتس العبقري و الصناعة الممتازة لبروتون
خامات العربية أكثر من رائعة و خامات الصالون هي اللي عادية
و مش الصالون كله
هي البلاستيك اللي مغطي الأبواب بس
إنما التابلوه رائع ( خامات جيدة جدا و شكل جميل جدا )
و الكراسي مريحة لحد كبير
بجد عربية محترمة

و في الآخر بالنسبة لموضوع إنتظار الموديل الجديد
مفيش سنة و لا حاجة
الموضوع كله .......... 3 شهور فقط من اﻵن و الموديل الجديد ينزل إن شاء الله
و حضرتك ممكن تنسقي مع الأستاذ سامح و المجموعة اللي عايزة تنزل العربية الهاي لاين بدل الميديوم لاين
و دي فيها كل الكماليات الموجودة حاليا بالإضافة لتعديل في الموتور بيخلي عدد الأحصنة يطلع ل 127 حصان بدل 110
و العزم كمان بيزيد على كل اللفات ( لفات قليلة أو كثيرة )

يعني من الأخر عربية .......... صاروخ من القديم + و مكوك فضائي للجديد

و الأخوة الزملاء بيحاولوا ينزلوا طلبية خاصة بهم و عددهم حوالي 15 و حضرتك ممكن تنسقي معاهم و تزودو العدد ل 16 و تأخدوا تخفيض كويس و معاملة VIP
و محدش بعد كدا هايقدر يكلمكوا في مصر


و لو مش عايزة تستني
الجين 2 الأوتو بالتأكيد أفضل من البيكانتو الأوتو لفرق القوة في المحرك
بس أهم حاجة ................. جربيها الأول و شوفي هاتعجبك و لا لاءة
ده شئ مهم جدا .............. علشان تقدري تحكمي على قوتها و سحبها في الغيار الأول و الثاني اللي هما هايبقوا معاكي في معظم السواقة علشان خاطر سواقة داخل البلد أو وسط البلد أو الشوارع المزدحمة

المشاركة الأصلية كتبت بواسطة haneena

استاذ ميجو اشكرك على اهتمامك بس انا مش عايزة هيونداى ولو ببلاش انا مرة دخلت فى النترا بعربيتى البيكانتو كان واحد ماشى مخالف وطالع من ورا عربية كبيرة عايزة اقولك انى شلفطلو العربية والبيكانتو يادوب اتعوج اكصدامها حاجة بسيطة ودى اكبر فئة فى الهيونداى
والسيراتو ماتعجبنيش كشكل يعنى والاوبترا صاجها ورق وحريقة بنزين
لكن ايه هى الماتيرا انا اول مرة اسمع عنها دى ايه ماركتها ياريت تقولى شوية تفاصيل عنها

استاذ توت ربنا يكرمك يا رب ويوفقك لما يحبه ويرضاه انت انسان محترم والله وكلامك ريحنى بس كت عايزة اعرف حضرتك معاك موديل كام وعشان اتاكد ان اللى هاجيبها موديل 2008 اعمل ايه
وايه موضوع اجربها هو انا ممكن اجربها قبل مااشتريها وفين الكلام ده

وبالنسبة لموضوع الجديدة انا برده متابعة محاولات استاذ جستز بس انا من خبرتى فى التعامل مع الناس لانى مش صغيرة انا اتعلمت انى مااشتريش سمك فى ميه بمعنى انا شايفة ان الكلام عن الموديل الجديد بيتغير وده لسه مش على ارض الواقع
ودايما عندنا فى مصر الكلام والاحلام والامانى وقت البيع بتكون للسما اما تعالى للتنفيذ الفعلى ماتلاقيش نص الوعود اتنفذ
ده غير انى لازم اشوف الشئ بعنيا قبل مااشتريه وعربيتى اللى معايا اخدتها من معرض وهى واقفة مش حجزت واستنيت ومش عارف ايه
وبرده لما هاشترى دلوقتى هاشترى واحدة واقفة قدام عينى وشايفة كل مواصفاتها واشكرك مرة تانية على اهتمامك ونصيحتك وربنا يكرمك

العفو ................. و لا شكر على واجب

الموضوع مش مسألة سمك في مية
العربية الجديدة ............ أخت القديمة في كل حاجة ما عدا الآتي

تحسينات في خامات الصالون ( تقفيل جلد بدل البلاستيك )
تغيير طفيف في شكل الأكصدام الأمامي و الخلفي
تعديل و تحديث في المحرك لجعله اعطاء عزم أعلى على عدد لفات أقل

و بعدين لو أنتي بتحبي تشتري الحاجة و تكون قدام عينك خلاص سيبك من الطلبية الخاصة
و خليكي في الميديوم لاين اللي هو هاينزل استندارد عند عز العرب
و الفرق بينها و بين السي بي اس ( الطلبية الخاصة )
موتور السي بي اس أحصنته عددها 127 حصان و العادي 110
مع استئصال فرامل ABS EBD
و هاتكون فرامل عادية و مع استئصال الوسادة الهوائية الخاصة بالراكب و الإكتفاء بوسادة السائق فقط

و ده كان بالنسبة للموديل اللي نازل جديد

نتكلم بقى عن الموديل 2008 بالموتور الكامبرو العادي
أولا مفيش أختبار تجربة للسيارة قبل الشراء ( نحن نعيش في دولة من دول العالم الثالث و لا يوجد يها هذه الرفاهية )

أنا قصدت إن لو حضرتك تحاولي تشوفي حد تعرفيه يكون معاه جين 2 أوتو و تجربيها معاه علشان تقدري تحكمي حكم مظبوط على أداء السيارة و هل سيتناسب مع إحتياجاتك و متطلباتك أم لا ؟
و أنا عربيتي موديل 2007
الموديل الجديد 2008 شعار بروتون متغير للون أسود بدل أزرق و زرار فتح الكابوت جنب السائق و ليس الراكب

العربية الماتريا دي ياباني و تبع ماركة دايهاتسو
بس شكلها غــــــــــريــــــــــــ ب جدا

المشاركة الأصلية كتبت بواسطة tutankhamoun

و خليكي في الميديوم لاين اللي هو هاينزل استندارد عند عز العرب
و الفرق بينها و بين السي بي اس ( الطلبية الخاصة )
موتور السي بي اس أحصنته عددها 127 حصان و العادي 110
مع استئصال فرامل ABS EBD
و هاتكون فرامل عادية و مع استئصال الوسادة الهوائية الخاصة بالراكب و الإكتفاء بوسادة السائق فقط

و ده كان بالنسبة للموديل اللي نازل جديد

اولا ازيك يا توت ، واحشنا والله ،

ثانيا في اكتر من فرق غير الفروق اللي ذكرتها بين الهاي لاين والميديم لاين ، وهي بالضافة الى ما ذكرت ،

- مثبت السرعة ( هاي لاين اتوماتيك فقط ، وعلى فكره نظام احدث من اللي موجود دلوقتي )
- سكرتس اماي وخلفي
- فرش جلد ( الميديم لاين قماش عادي )
- نظام الكتروني للتحكم في شدة الاضائة حسب درجة الظلام

المشاركة الأصلية كتبت بواسطة justs

اولا ازيك يا توت ، واحشنا والله ،

ثانيا في اكتر من فرق غير الفروق اللي ذكرتها بين الهاي لاين والميديم لاين ، وهي بالضافة الى ما ذكرت ،

- مثبت السرعة ( هاي لاين اتوماتيك فقط ، وعلى فكره نظام احدث من اللي موجود دلوقتي )
- سكرتس اماي وخلفي
- فرش جلد ( الميديم لاين قماش عادي )
- نظام الكتروني للتحكم في شدة الاضائة حسب درجة الظلام

الحمد لله يا باشمهندس سامح ......... أنا كويس و مليون شكر على السؤال يا باشا
و ثانيا شكرا على التوضيح
و ربنا يباركلوكوا في العربية الجديدة إن شاء الله
و شكرا مرة أخرى يا باشا

المشاركة الأصلية كتبت بواسطة haneena

استاذ توت اشكرك على التوضيح والعربية دى شكلها يع بجد بتفكرنى بعربية نقل الموتى انا مش بحبها

طيب انا دلوقتى فهمت ومش عارفة اذا كنت فهمت صح ولا لأ ان الهاى لاين الجديدة هى تقريبا الموجودة دلوقتى 2008 الاوتوماتك مع فرق الموتور اللى هم لسه مش متاكدين منه وفيه لسه كلام ولسه ماجاش رد نهائى عنه وفرق الفرش الجلد اللى ممكن اركبه فى اقل من ساعتين وده اللى عملته فى البيكانتو ركبت فرش جلد طبيعى وكان لونين كمان (اظاهر هم غشوا منى حكاية اللونين دول)

فعلا في انجلترا بيقولوا عليها (ماتيريا ) ......... الكفن المتحرك

نتكلم عن الجين 2
العربية الهاي لاين غير اللي موجودة دلوقتي

دي نوضح تفصيلي
موجود من الجين 2 حاليا 3 نماذج
جين 2 بموتور كامبرو ......... و دي الموجودة في مصر
جين 2 بموتور كامبرو IAFM >>>>> و دي الميديوم لاين
جين 2 بموتور كامبرو CPS ....... و دي الهاين لاين


الثلاثة متساويين في الشكل العام مع تغييرات بسيطة في الموديلن الجداد مع العلم إن بروتون أوقفت إنتاج الكامبرو العادي اللي هو موجود في مصر من أواخر 2007 تقريبا

نيجي بقى لتوضيح فرق المواتير
الموتور هو هو ............... نفس الموتور مع التعديل الآتي
الموتور IAFM
تم تحسين أداء المحرك على سرعات أقل
== في المحرك الكامبرو العادي ...... بيكون العزم على سرعات قليلة للموتور ( ما بين 2500 إلى 3000 ) قليل بالمقارنة بالعزم العام للسيارة ==
و التعديل بيخلي الموتور يديكي عزم عالي من غير تسريع المحرك للوصول لسرعات أكبر من 3000 لفة / دقيقة

الموتور CPS
تم زيادة قوة المحرك و علاج العزم القليل على سرعات قليلة
و أصبحت قوة المحرك التالية
127 حصان بدل 110 حصان في الكامبرو العادي و الكامبرو IAFM
العزم أصبح 152 نيوتن / متر بدل 148 نيوتن / متر في الكامبرو العادي و الكامبرو IAFM

الفروق في الكماليات
العربية IAFM أقل في الكماليات من الموجودة حاليا
يعني شالو وسادة هوائية للراكب و تركوا وسادة السائق
نزعوا فرامل ABS EBD و تم تركيب فرامل عادية مكانها

أما CPS
كماليتها متساوية مع كماليات الموجودة حاليا مع تركيب مثبت سرعة أحدث للسيارات الأوتوماتيك
و تغييرات في شكل الأكصدام و تغيير لون المصابيح الأمامية إلى الأسود الداكن و أيضا وضع نظام التحكم في شدة الإضاءة للمصابيح حسب الإحتياج
و تم تغيير الفرش الداخلي إلى جلد
بس أنا شايف إن فرق الكماليات مش جامد يعني
بس فرق الموتور ......... روعة طبعا ....
من 110 حصان إلى 127 حصان .......... و تعديل العزم المنخفض على سرعات قليلة ...... ( خرافة طبعا )

إنما و بكل أمانة العربية الموجودة حاليا ادائها عالي جدا و ده بيخليني أفكر .........
لما الموجودة دلوقتي ........... صاروخ ........
طيب أم موتور CPS هاتبقى أيه ...؟
مكوك فضائي ؟؟؟؟؟؟؟؟؟؟؟؟؟؟؟؟


و أي خدمة في أي أستفسار أخر ..........
و شكرا