الموضوع: عايز اعرف ادفع كام للمحامي

هوا كده المحامى عامل معاك واجب محترم و مجاملك بدرجة كبيرة, فيه بس حاجة صغيرة بالنسبة لعداد الكهرباء أن التوكيل بالتعامل مع شركات الغاز و الكهرباء و المياه لا يكفى لنقل عداد الكهرباء بأسمك, بيطلبوا منك أن المالك اللى العداد بأسمه يعملك تنازل فى الشهر العقارى عن العداد "برقم العداد" و بالتنازل ده بيتغير العداد بأسمك . لسه قريب كنت عامل الموضوع ده و للأسف المالك القديم طلب 1500جنيه علشان يتنازل و لما سألت لقيت فى ناس كتير بتعمل كده أن المالك القديم بيطلب فلوس زيادة لتغيير العداد. أنا عموما مسامح فيهم و الله يسهل له.

المشاركة الأصلية كتبت بواسطة mohabelnegm

هوا كده المحامى عامل معاك واجب محترم و مجاملك بدرجة كبيرة, فيه بس حاجة صغيرة بالنسبة لعداد الكهرباء أن التوكيل بالتعامل مع شركات الغاز و الكهرباء و المياه لا يكفى لنقل عداد الكهرباء بأسمك, بيطلبوا منك أن المالك اللى العداد بأسمه يعملك تنازل فى الشهر العقارى عن العداد "برقم العداد" و بالتنازل ده بيتغير العداد بأسمك . لسه قريب كنت عامل الموضوع ده و للأسف المالك القديم طلب 1500جنيه علشان يتنازل و لما سألت لقيت فى ناس كتير بتعمل كده أن المالك القديم بيطلب فلوس زيادة لتغيير العداد. أنا عموما مسامح فيهم و الله يسهل له.

عداد الكهربا المحامي هيخلصه وكان عايزين هناك يعملو معاينه في الشقه عشان يعملو تقرير حيازه والموظف كلمني وبعد موال قالي ياباشا اعتبر الموال خالص وقالي فهمني ؟ قلتله فهمك ياعم والمحامي خلصه معاه وطلع تقرير الحيازه وشكرا علي كده

المشاركة الأصلية كتبت بواسطة hagan

اخي الكريم shaddadfalcon1
اسمح لي ان الفت نظرك ان كلا العقدين هو مازال عقد ( ابتدائي ) حتي الان
فواضح انكم اتفقتم اولا بعقد ثم بعد فترة سددت ثمن الشقة فكتبتم عقد اخر بأن الشقة تم دفع قيمتها بالكامل و تم عمل توكيل لك من المالك الاصلي في الشهر العقاري بالبيع للنفس و للغير و هذا للعقد الابتدائي الثاني و سواء هو او الاول لا يعتبر بعد سند ملكية قوي لانه لم يسجل في الشهر العقاري و هذه قصة اخري ليس مجالها الان

و علي ذلك فالعقد الاول الذي تم تحريره في زمن معين هو ابتدائي و ال 200 جنية دول اتعاب معقولة جدا و قتها و المحامي فعلا مجاملك
ثم ذهبتم مرة اخري بعد فترة لكي يتم تعديل العقد الابتدائي بعقد ابتدائي اخر به اخر ما تم بيك و بين المالك الاصلي و هذه علاقة جديدة بينك و بين المحامي الا اذا كنتم قد اتفقتم مسبقا انه معك لحين تفعيل العقد الابتدائي التالي الذي يوضح الحالة الاخيرة للشقة ( و هي الحالة الحالية فلا يحق له اخذ اتعاب اخري عن كتابة العقد الجديد لان بينكم اتفاق مسبق )

فكتابته للعقد و حضوره معك في المرة الاولي اثناء التوقيع و كتابة بنود تضمن لك حقك تساوي ال 200 جنية و هو فعل كل هذه الامور مرة اخري للعقد الابتدائي التالي
حتي هذه اللحظة انتهت علاقته بالموضوع
صاحب الشقة الاصلي كان من المفترض ان يقوم بعمل توكيل عام بالبيع و الشراء لك و البيع للغير و توكيل امام المصالح ( كهرباء و غاز و مياه ) و يتم استخراج كشف من العوايد حتي لا يكون علي الشقة اي مستحقات قديمة كل هذا معك انت و هو من يتحمل المصاريف و لا اعرف كيف كان التوكيل بنقل العدادات يتكلف هذه المصاريف ام انها رسوم اشياء اخري
المهم ان تقوم انت بالذهاب لهذه المصالح لكي تقوم بنقلها لنفسك
اما و قد اردت ان تكلف المحامي بذلك فهذا له ثمن اخر يجب الاتفاق عليه
و اتوقع لن يقل عن 300 جنية

و كل هذه الاشياء لن تغنيك عن تسجيل الشقة في الشهر العقاري و تحصل علي العقد الاخضر من المحكمة و هو عقد نهائي و له موال اخر و مصاريف و اتعاب اخري تتراوح ما بين 3000 الي 6000 جنية

تحياتي لحضرتك
و بارك الله لك في الشقة

م.حاتم السباعي

شكرا جزيلا بشمهندس حاتم
بصراحه الراجل راح عمل التوكيلات ليا عن طريق المحامي وانا مرحتش والتوكيلات غالبا للعدادات بس هو المفروض انه عمل كل توكيل ب 100 جنيه وشويه فغالبا فيه توكيل ذياده

موضوع الشهر العقاري مش عارف هعمله ولا اعمل صحة توقيع
العقد اللي انا عاملهه دلوقتي مكتوب عليه عقد بيع نهائي