نصيحة لوجه الله لكل الساده اعضاء المنتدى الكرام

**m3touk_85** · 10-03-2012 12:33 AM

المشاركة الأصلية كتبت بواسطة ايمن محمود محمد ابراهيم

وهل من الطبيعى يا حضرات اننا نفضل مستضعفين ومغلوبين على امرنا ادام الصنايعية اللى دايما بينفخونا وبيخربوا بيتنا على حد تعبير الأستاذ m3touk_85
ليه ما نفعلش المنتدى العظيم ده يا جماعة فى تكوين ما يشبه "رابطة ملاك الهوندا" اللى بيه نقدر نتحكم فى اداء الصنايعية ونخليه افضل ما يكون دائما وكمان ممكن بيه نسيطر على جشع التجار حسب الأفكار اللى قريتها لبعض الساده الأعضاء
يا جماعة اعتقد الكلام ده مش ممكن يحصل لو حذفنا الموضوعات اللى فيها تقييم للصنايعية زى الموضوع ده
مش كده والا ايه

كلام مظبوط بس لما تتكلم على كبار الهوندا الميكانيكية , ودايما الواحد كل يوم بيتعلم وعندك الغالي والمتوسط والرخيص والتوكيل وكل واحد ضليع فى حاجة لكن انا قلت الكلام ده علشان يوم من الايام عصام ده هتلاقيه كبير الهونداوية وطلعت اجيال جديدة اقل منه هل ده معناه نقلل من الاجيال اللي بعد عصام ؟؟؟

انا ماليش دعوة بعصام ولا غيرو بس ما فيش حد 90 %

**makmak_10** · 11-03-2012 03:50 PM

والله انا مع رأيك يا معتوق و من الاخر...ممكن الشغلانه تكون هي هي عند الميكانيكي بس واحد عربيته تظبط و التاني لأ ...و فيه أمثله لكتيييير لميكانيكيه كبار في الحرافيين و طلعو حمير و بقر و ولا بيفهمو اي حاجه و مانبناش غير الخساره في الفلوس و الوقت و ما اتكلمناش و ولا شردنالهم ولا اي حاجه..اه بنتعلم و خلاص ربنا يعوض علينا..
أكيد مش هنعلمهم الادب يعني .......

**rshemary** · 28-03-2012 11:33 AM

المشاركة الأصلية كتبت بواسطة nicoblaksoon

لا تتعامل مع عصام هوندا اللى فى الحرفيين.

واحد هيقوللى
ليه؟؟ ده حتى شاطر وأمين ومش غالى فى مصنعيته

بسبب كفاءته ومهارته وأمانته "هاهاها" رميت 1700 جنيه كاملين على الأرض

الموضوع ببساطه انه ركب لى طقم شنبر لعربيتى الهوندا من حوالى عشر ايام كلفنى حوالى 1700 جنيه، ودلوقت هاضطر افك الموتور تانى ومن اول وجديد علشان اغير السبيكة اللى هو كان سامع صوتها وماغيرهاش لمجرد انى ما اتفقتش معاه على اخراج الموتور بره

وطبعا هادخل فى حيص بيص بمجرد فك الموتور!!!!!!!!!!!

نصيحة لكل الساده اعضاء المنتدى الكرام:
عصام الميكانيكى ده ماينفعش يبقى صنايعى يتحمل مسؤلية اى عملية اصلاح على بعضها لأن مهاراته الفنيه غير كافية لذلك ولأنه صغير ومايعرفش يعنى ايه شغل ومسؤلية

والله العظيم عصام الميكانيكى ده فعــــــــــــــــــــــل ا مش مظبوط جشع و طماع وبيشتغل اللى واقف عنده
بسال على كبوت هوندا كوبيه قالولي نفس الكلام انت روح بس عند عصام هوندا حيظبتلك الدنيا ...... بص الكلام بقي كالاتى قالي : بص يا برنس الكبوت مش حتلقيه بس انا ممكن اجبهلك ب 600 جنيه وقتي بس انا حتشتري ولا ايه النظام انا حبعت واحد مخصصوص وحيسيب الورشة ..........طبعا شكرا اول ما سيبه وطلعت على اول الشارع سالت اخدت كبوت شبه جديد 350...... كان نفسى ارجعله بس هــــو نفسه ميتهلش ارجعه

**mahmoud_taher** · 28-03-2012 12:05 PM

عصام = ميكانيكى شاطر وجدع وبيعاملك زى صاحبة وأخر حاجة عندة الفلوس

**SAMEH_FOUAD** · 28-03-2012 12:22 PM

ياجماعة المسالة نسبية محدش يحكم على ميكانيكى بمجرد انة عمل معاة موقف ممكن تكون جت معاة كدة يعنى انت وحظك

عموما دلوقتى ياجماعة دية نصيحة ياريت تعملوا بيها لانها هتنفعكوا جدا وهتريحكوا من السرقة والنصب اللى بيحصل فى المواضيع دية

1- لو عندك عيب فى العربية خلى الميكانيكى يكشف عليها الاول وبعد كدة تعالى اكتب المشكلة هنا لو لقيت الاراء متوافقة يبقى اتكل على الله واعملها , مش اى حاجة يقولك عليها تقولة اشتغل وغير

2- ماتخليش ميكانكيى يشتريلك حاجة حتى لو زيرو

3- ماتسيبش الميكانيكى يعمل حاجة فى العربية الا وهية قدام عينك لو الموضوع بسيط يعنى

4- لو الميكانكيى هيغيرلك قطعة غيار يطلعلك القديمة بعد مايركب الجديدة ويديهالك

5- ماتدفعش كل المصنعية غير لما تجرب العربية وتتأكد ان العيب راح

6- ماتبيعش قطع غيار عندك لميكانيكى لانك تأكد تماما انها هتتباع بأقل من تمنها بكتييييييير

7- والميكانيكى بيقفل العربية تحاول بقدر الامكان تخلية يقفلهالك زى ماكانت مش يسيبها كدة وخلاص

8- انت تقدر مجهودة وتعبة وتشوف السعر اللى هيقولك علية لقيت المصنعية مبالغ فيها فاصل معاة لحد ماتوصل للسعر اللى انت عارفة طبعا بعد معرفتك بأسعار المصنعية

9- ماتخليش الميكانيكى يقرص على العربية جامد قال اية كدة هيسلكها حذارى من الموضوع دة

ان شاء الله تعملوا الحاجات دية هتستريحوا ومش هتلاقوا مشاكل بإذن الله