حاجة حصلتلى وانا سايق مضحكة جداً هههه الستات بقا قلبهم جامد قوى

**egy_3assy** · 27-02-2012 05:02 PM

انا اعرف ست بقا مش بنت كمان وعندها عيال كمان ... عايز اقول اني عمري ما حد عقدني في السواقة زيها ... لدرجة اني لما فقدت الامل اني اطلع منها قررت اشغل دماغي والبسها في شارع زحمة و اجري انا من التخاريم في مصر الجديدة عشان اوصل قبلها ........
للأسف لقيتها راكنة و مستنياني.. تفتكروا انا اللي سيس ؟؟ :] .. بس ما شاء الله عليها معاها لانسر fully loaded محصلتش .. وانا غلبان على قد حالي معايا اكسنت 99 .. انا بصبر نفسي بالكام دة عشان يبقي في مبرر للي بتعملو معايا .. دة طبعا غير اني قررت مجريش معاها تاني عشان الهيبة برضو

**mahmoud_afifi** · 27-02-2012 06:17 PM

ايه يا كيمو الكلام الجامد ده. انا برضه ملاحظ ان في بنات كتيير بقوا ماشاء الله مجرمين سواقه.
النهارده كنت بشد مع بنت معاها i30 وانا رايح الكليه وشديت مع 3 شباب وانا راجع (2 جولف 5 و واحد النترا الشكل الجديد)
الشد مع الشباب غييييييييير.
وانا في التجمع بقى كان في 4 بنات في كورولا عيون بيعاكسوني باين ولا ايه مش عارف كل شوية يزنقوا عليا وبتجري معايا وتزنق برضه. اول لما اتخنقت منها قمت كاسر عليها جامد وبعدين طالع على 160 ماشافتنيش تاني

دلوقتي كل ما اشوف بنت بتجري وتشد لازم اشد معاها عشان اوريها ان لسه بدري عليها هههههههه

**yoko** · 27-02-2012 07:06 PM

المشاركة الأصلية كتبت بواسطة egy_3assy

انا اعرف ست بقا مش بنت كمان وعندها عيال كمان ... عايز اقول اني عمري ما حد عقدني في السواقة زيها ... لدرجة اني لما فقدت الامل اني اطلع منها قررت اشغل دماغي والبسها في شارع زحمة و اجري انا من التخاريم في مصر الجديدة عشان اوصل قبلها ........
للأسف لقيتها راكنة و مستنياني.. تفتكروا انا اللي سيس ؟؟ :] .. بس ما شاء الله عليها معاها لانسر fully loaded محصلتش .. وانا غلبان على قد حالي معايا اكسنت 99 .. انا بصبر نفسي بالكام دة عشان يبقي في مبرر للي بتعملو معايا .. دة طبعا غير اني قررت مجريش معاها تاني عشان الهيبة برضو

انا لما كان معايا الأفيو جت بنت بالنترا زحفتني الطريق كله

دلوقتي بزحف كل (معظم) الناس ورايا الحمد لله