ما طلعتش كيداهم......طلعت زحفاهم

**Mostafa.Ismail** · 01-03-2012 07:07 AM

طيب واحنا منين نعرف اصلا ان الراجل بتاع السيراتو كان بيشد معاكم ولا شافكم اصلا :)

**lanos2004** · 01-03-2012 09:52 AM

المشاركة الأصلية كتبت بواسطة the9ranger

فعلا مواتير الانوس معمره جدا جدا وعن تجربه وشوف بعينك عدد المواتير الهيونداى المفوته والانوس المفوته هتلاقى تقريبا كل 50 موتور هيونداى قدامهم موتور واحد لانوس

بس فى حاجه ده ممكن يكون علشان مواتير الهيونداى شغاله على ضغط زيت كوستبنات وفى منها كمان اثنين كامه يعنى اربع صبابات ودى فى حد زاتها تهلك الموتور

انما مواتير الانوس شغاله على تاكيهات وكمان واحد كامه يعنى صبابين بس ودى بتريح الموتور وده يفسر تسارع الفيرنا على الاربى ام المنخفض وبعد كده ظهور قوه الانوس على الاربى ام العالى
بس انا عن نفسي احب مواتير اللانوس واحب صوتها كمان والى عجبنى فى الكيا انها دمجه بسن الاثنين سعنى بتلاقيها فى البدايه وكمان بتلاقيها فى السرعات العاليه وصوت ماتورها مميز جدا وانا احب اسمع صوت مواتير السيارات

طب ماتورالنوبيرا اتنين كامه ومعمر جدا هوة جودة خامات مش اكتر

**SAMEH_FOUAD** · 01-03-2012 10:09 AM

بالنسبة للكورى واليابانى ومبيعاتهم معلش احنا كلنا عارفين ان المستهلك المصرى ماقداموش فى الفئة السعرية اللى فيها شريحة سيارات هيونداى وكيا وشيفرولية غير انة يشتريهم لان اليابانى عشان يبدأ يركبة بأوبشن يبقى من اول 140 وانت طالع وفية سيارات من اول 178 الف جنية زى السيفيك كدة طبعا الكل نفسة يركبها بس مش هيقدر على تمنها وخصوصا ان دية اول فئة وتانى فئة ب 200 الف جنية يعنى دبح

عشان كدة الكورى منتشر وهو دة سبب انتشارة لأ اكثر ولا اقل

يعنى لما واحد يكون معاة 105 الف جنية وعايز يركب عربية شكلها كويس وماتورها سريع وناعمة هيجى يفكر مش هيلاقى قدامة غير لانسر بومة اول فئة ودية قدمت , نيسان صنى نفس الكلام , طيب ولا هيعرف يشترى ولا شارك , كورولا , سيفيك , سوبارو , فانتازيا طيب يعمل اية وفى نفس الوقت مش عايز يركب فيرنا ولا لانوس عايز حاجة حديثة شكلا وموضوعا يبقى قدامة اية ( rb - سيراتو ) كدة يبقى دية العربية المناسبة لية على قد امكانياتة وللاسف احنا لو دورنا هنلاقى ان معظم الشعب المصرى مش هيكون دية حدودة وهيجيبها تقسيط كمان او كاش حسب المقدرة هنا , عرفتوا لية سبب انتشارها واستحواذها على السوق المصرى

نفس الكلام للانترا اللى هيشتريها ماقداموش غيرها فى نفس الفئة السعرية لانة هيجيب اية بعربية تمنها 140 الف جنية وفيها اوبشن كتير وماتور 1600 قوتة 128 حصان مرة واحدة على الورق بس , وبالشكل الجامد دة

بالنسبة للسوق الامريكى اعتقد المقارنة هنا غير عادلة بالمرة لان ولا الاوبشن ولا المحرك ولا جودة الخامات زى اللى بتنزلنا هنا والكوريين عاملين زى الصينين ممكن يعملك حاجة بقرش ويعملك حاجة بالف حسب الزبون اللى هيدفع وطبعا عشان عارفينا كلنا زباين فبيدونا على قد فلوسنا لان مش معقول هينزل عربية بتمن سعر السيفيك او بتكاليف باهظة لان هو مش عايز كدة لأ هو عايز يكسب بقدر الامكان وعارف اننا مالناش فى مواصفات السلامة والامان ولا معايير الجودة ولا نظام المحافظة على البيئة , يعنى احنا بنركب وبنشد وبنقول يارب سلمها والستر من عند الله

**SAMEH_FOUAD** · 01-03-2012 10:21 AM

المشاركة الأصلية كتبت بواسطة ahmed1718

بس السيراتو مش عايزة رجل تدوس وخلاص مع التعود بتعرف تتعامل بيها
لكن هتفضل تكتك وتدووس هيبقا شكلك وحش واللى بيسوق هوندا او جولف ممكن يفهمنى ومش بقارن بينهم وبالسيراتو بس انا بوضح فكرة بس

معلش انا عايز افهم نقطة مين العربية فى الهوندا تحديدا اللى بتحتاج تدوس وترفع بنزين كل شوية , مع احترامى الشديد لكلام حضرتك فهذا التعريف خاطىء الهوندا بكل اجيالها

بتحط رجلك على المحرك مابتسيبهاش غير على التوب سبيد , لكن ترفع رجلك وتشيل رجلك والكلام دة بيتعمل بس فى العربيات القديمة اللى عزمها قليل وسرعتها القصوى ضعيفة وبتعمل كدة عشان ماتخنقهاش بالبنزين الكتير لان احتراقها ضعيف اصلا

معلش ملحوظة اسوأ سيارات جريت معاها هيا كيا سيراتو ( وخلى بالك سيارات ) يعنى متعدد السائقين والسيارات ( كوبية وسيدان )

**SAMEH_FOUAD** · 01-03-2012 12:04 PM

المشاركة الأصلية كتبت بواسطة tarek_rcc

لا أنا اختلف معك يا استاذ سمسم ....
طيب لو كلامك مضبوط ما كنتش انتشرت كيا وهيونداى بدول الخليج ( اللى مش فارق معهم الفلوس اصلا) .... ولعلم حضرتك مبيعات كيا وهيونداى بالسعودية تعدت مبيعات تويوتا وشيفورلية .....
مثال : فاخرة كيا ( الكادينزا ) اكثر مبيعا من الكابريس والكريسلر 300 والتويوتا افالون ....ونفس الكلام على الازيرا ( هيونداى ) وللعلم كلهم نفس الفئة السعرية ( يعنى بيشترى كيا وهيونداى ويسيب الشيفرولية والتويوتا والفورد و.....) ...

طيب حضرتك لو شوفت تقرير اكثر السيارات مبيعا فى الخليج

هتلاقى الترتيب كالاتى :

1- تويوتا كامرى

2- هوندا اكورد

3- نيسان التيما

ثم يأتى بعدها السيارات الامريكية ثم الكورية , دة فى الخليج

فى امريكا وفى اخر احصائية الترتيب كالاتى لحد شهر 11-2011

1- هوندا اكورد ( 24067 ) الف وحدة ( المركز الاول )

2- تويوتا كامرى ( 22.043 ) الف وحدة ( المركز الثانى )

3- نيسان التيما ( 21.838 ) الف وحدة ( المركز الثالث )

5- هوندا cr-v ب ( 19326 ) الف وحدة ( المركز الخامس )

9- هيونداى سوناتا ( 18.192 ) الف وحدة ( المركز التاسع )

11- تويوتا كورولا ( 16.244 ) الف وحدة ( المركز الحادى عشر )

12- هوندا سيفيك ( 16.173 ) الف وحدة ( المركز الثانى عشر ) خلى بالك ان العربية ماكملتش لسة 5 شهور

14- شيفرولية كروز ( 14295 ) الف وحدة ( المركز الرابع عشر )

16 - فولكس واجن جيتا ( 13.058 ) الف وحدة بردة العربية لسة نازلة جديد

17 - هيونداى النترا ( 13000 ) الف وحدة

دية الاحصائية ياباشا عن اخر تقرير موجود

**Formulator** · 01-03-2012 12:07 PM

المشاركة الأصلية كتبت بواسطة Hosam_Optrawy

[/color]
لا يا معلم , هيونداى-كيا رقم 5 من 2006 , احسب مبيعات الاتنين هاتلاقيهم 3 مليون و 775 الف , وفضلت الخامس لحد 2009 , وفى 2010 بقت الرابع وكذلك 2011 ( 6 مليون و 530 الف ) وخلاص صعب حد يعرف يعديها تانى وفى نفس الوقت هى صعب برضه تبقى من اول تلاته عشان هاتنافس اسطول من الحيتان :) جى ام وفولكس وتويوتا

لا مؤاخذة يا كبييييييييييير,
أنا اللى اتلخبطت فى الرقم, كماااااااااااان رقم 4..؟؟!!!
btw: ممكن جدا انهم يعدوا تويوتا, اللى خلاهم عدوا فورد.. ودى عملاااااااااق أمريكانى-أوروبى..؟؟؟!! واااااااااارد.

المشاركة الأصلية كتبت بواسطة lanos2004

فاصحاب العربيات التعبانه زيى لما بنعلم على سيراتوا بعد 190 او اكتر بيعملوا فرح وبنقول انها واخدة اكتر من حقها

hehehehehehehe هههههههههههههههههههه

أستاااااااااااااااااااااا اااذ..

المشاركة الأصلية كتبت بواسطة AHMED1718

وبعدين فيه نقطة بخصوص حوار التوب سبيد ده فى ملاك للسيراتو مش عارفين يتخطو حاجز 180 حتى الان رغم تقفيل ناس كتير لعدادها منهم انا

فعلا الموضوع ده بيتكرر كتييييييييييير يا أحمد..؟؟؟!!
أعتقد انه عدم وجود Consistency؟؟!!! يا اما فـ الصنعة, أو أداء العربية individual نفسها..؟؟!!!!!!
btw: هى 170 اللى بيقفوا/بيقعوا عندها.. أنا جربت مع كذا سيراتو, أشوف آخره كام؟؟ معظمهم بيمووووووووت عند الـ170..!!
ويقولك كمل انت انا رااااااااااكن هنا شوية..

المشاركة الأصلية كتبت بواسطة semsem kane

بالنسبة للكورى واليابانى ومبيعاتهم معلش احنا كلنا عارفين ان المستهلك المصرى ماقداموش فى الفئة السعرية اللى فيها شريحة سيارات هيونداى وكيا وشيفرولية غير انة يشتريهم لان اليابانى عشان يبدأ يركبة بأوبشن يبقى من اول 140 وانت طالع وفية سيارات من اول 178 الف جنية زى السيفيك كدة طبعا الكل نفسة يركبها بس مش هيقدر على تمنها وخصوصا ان دية اول فئة وتانى فئة ب 200 الف جنية يعنى دبح

عشان كدة الكورى منتشر وهو دة سبب انتشارة لأ اكثر ولا اقل

+111111
Full-Size Cheap Asian Cars فـ أوروبا تصنيفها كده..

بيديلك عربية كبيرة, بموتور قوى (on paper طبعا

), وفيها كل الأوبشنز اللى فـ التاريخ.. بنصف ثمن اللى زيها من الـEuro مثلا..؟؟!!!

نفس الكلام للانترا اللى هيشتريها ماقداموش غيرها فى نفس الفئة السعرية لانة هيجيب اية بعربية تمنها 140 الف جنية وفيها اوبشن كتير وماتور 1600 قوتة 128 حصان مرة واحدة على الورق بس , وبالشكل الجامد دة

بس أنا سمسم شايف ان 140 ألف دى كتيييييييييييير عليها جدو..؟؟؟!!

بجد والله مش عشان بأحتقر الكورى, بس فعلا.. المصنع والوكيل واخدين من الزبون أكثر بكتيييييير من اللى العربية تستاهله..؟؟!!!

بالنسبة للسوق الامريكى اعتقد المقارنة هنا غير عادلة بالمرة لان ولا الاوبشن ولا المحرك ولا جودة الخامات زى اللى بتنزلنا هنا والكوريين عاملين زى الصينين ممكن يعملك حاجة بقرش ويعملك حاجة بالف حسب الزبون اللى هيدفع وطبعا عشان عارفينا كلنا زباين فبيدونا على قد فلوسنا لان مش معقول هينزل عربية بتمن سعر السيفيك او بتكاليف باهظة لان هو مش عايز كدة لأ هو عايز يكسب بقدر الامكان وعارف اننا مالناش فى مواصفات السلامة والامان ولا معايير الجودة ولا نظام المحافظة على البيئة , يعنى احنا بنركب وبنشد وبنقول يارب سلمها والستر من عند الله

+999
تأكيدا للجزئية اللى فاتت..
ورد مفحم

على الناس اللى كانت بتقول الألنترا بتاع أمريكا الشمالية.. والـi30 فـ أوروبا؟؟!!!
لأ معلش.. ماتكلموناش على عربيات تانى, بتنزل فـ أسواق نظيفة.. وليها مواصفات مايقدرش الـManufacturer الحقير يلعب فيها..؟؟!!!

ده طبعا بأعتبار انه الصانع ماعندوش (هو نفسه) مبدأ ولا Minimum Specs ماينفعش يتنازل عنها زى الأمان والبيئة ووو...etc.

مش الوكيل يقوله شيل الـABS والأيرباجز.. يقوله ماشى..؟؟!!!
شيل الدعامات وقضبان الحماية من الأبواب.. يقوله تمااااااااام..

الشركات المحترمة.. بتقولك:
مفيش حاجة اسمها ABS لوحده من غير EBD, BA.. أصلا بيتكلموا من أول 2012, الـESP بقى أساسى.
مفيش حاجة اسمها أيرباج واحدة..؟؟!!! هما 4 أو 6/7 ,وطالع.. أقل واجب 2, أيه يعنى.. اللى قاعد جنبى واللى قاعدين ورا دول يطلعوا من الأزاز..

أعتقد ان أحد اسباب ضعف مبيعات الأوروبى مثلا فـ مصر, انهم بينزلوا العربية بـEuro Specs.. زى ما بـ ننزلها للـ"بنى-آدم" اللى عندنا..!!
عاجبك تشترى Ok, مش عاجبك..

أنا ماقدرش انزل فـ المواصفات..؟؟!!! طبعا بتبقى غالية..

المشاركة الأصلية كتبت بواسطة semsem kane

معلش ملحوظة اسوأ سيارات جريت معاها هيا كيا سيراتو ( وخلى بالك سيارات ) يعنى متعدد السائقين والسيارات ( كوبية وسيدان )

نياهاهاهاهاهاهاهاها ههههههههههههههههه
أنا قولت كده فـ أول الموضوع برضه.. مفيش أى متعة فـ انك تشد مع سيراتو..؟؟؟!!

معظم اللى بيركبوها:
- يا اما واحد من اللى بيجروا بنزين وفرامل.. وده بيعلق لوحده فـ أى زحمة أو قلق, ماتشدش معاه وخليك ماشى عادى.. انت كده كده هتعديه لوحدك.

- أو سواق بس العربية مش مساعداه.. مناطق الـTorque-dip, ضعف منحنى العزم.. وسوء اختيار الـGear-ratio (سواء 4 أو 6 سرعات)..
كل ده بيديلك 100 فرصة انك تطلع منه, مفيش أى اثارة.. لااااااااازم تحس انك عديته بصعوبة عشان الـAdrenaline يطلع, وللأسف ده مابيحصلش مع السيراتو.
- أو سواق وعارف عربيته كويس.. وده ممكن مايعرفش يخش وراك غرزة قطم مثلا (لا التورشن تخلى العربية تعوم

)..
أو يخاف يعمل Sprint (ياخد مكان) بعديه فرامل Hard-braking لا الفرامل ماتسعفوش (الطريق واقف قدام, تحويلة..)؟!!

- النوع الأخير بقى أغلبهم من بتوع الكوبيه.. وفاكرينها بقى عربية سبور (زى بتوع الهيونداى كوبيه القديمة, والفوليستر دلوقتى).. هههههههههههه

وده غالبا ما بيبقاش عارف عربيته أيه؟؟ ولا هو بيشد مع أيــــــــــــــــه؟؟؟!!

regards,

**SAMEH_FOUAD** · 01-03-2012 12:24 PM

المشاركة الأصلية كتبت بواسطة M.Akef

كلام حضرتك جميل لكن دا ميمنعشي انو استهبال وكيل اسعار الكورولا و الشارك و السفك و اظن لو دورت مش هتلاقي حد كتير بيشتري سفك كمله ابل كدا لما كانت ب180 لانو بينتقل للفنتزيا و من واحد كان معاه العربيتين بيقول فرق كبير في الفخامه بين الاثنين انا وجهة نظري ان اليباني كله اعلي فئه منه المفروض متعديش 150160 الف عشان يكون فعلا سعره منافس مش 156 الف زي الكورولا دلوقتي الي محدش بيشتريها اصلا ولا الشارك هما الاثنين فشلو فشل زريع
و الانترا الي ب140 الف دي الفضيه الكمله ب160 علي ما اظن مع ان هي نفس السيراتو الي كانت ب125 و دلوقتي 135 دا كله لعب من اصحاب التوكيلات

و علي فكره السيراتو وخده 5 نجوم في الامان و اظن ان حضرتك عارف ده و بصفتي حودثاوي قديم بالسيراتو اؤكد لك ان شاسيهاتها ممتازه

معاك فعلا ان التوكيلات بلعب بينا صح بس خلى بالك لما ينزل النترا ب 144 الف ومافيهاش abs ويلاقى الناس بتشترى وبالانتشار الفظيع دة من قبل حتى مايجربوا العربية لازم يعمل فينا اكتر من كدة لانة لاقى اقبال على اللى بيعملة يبقى يتمادى فية عادى واحتمال يزودها نتيجة لان مافيش سيارات موجود كلة اتباع

الكلام الي اتقال دا فعلا صح مش علي السيراتو بس دا في كل العربيات و مش مقصود الكبس في نفس الشده المقصود القرص عموما اي موتور بيتقرس عليه كتير عزمه بيقل و بيضعف و مش بيبقا بيجري زي موتور بتتعامل معاه بحترام و بتشد مره كل فتره طويله و ده انا شخصيا لاحظته ان الموتور بقا فايق معايا جدا بعد ما بطلت شد ابل كدا كنت لازم اكبس عشان يجري مش عارف دا ايه قاعده العلميه فيها الحقيقه لكن انا حصل معايا كدا فعلا

منور القسم ولله يا سمسم باشا :)

بالنسبة لمحركات الهوندا المزودة بال vtec . ivtec قوتها بتزيد فى السرعات العالية بعكس اى عربية

العربية لما حضرتك بتسيبها فترة مابتقرصش عليها الكنترول بياخد امر ان سواقتك اصبحت هادية فبينقل بدرى وبيعمل زى eco mode كدة للمحرك

-

-

-

الموضوع: ما طلعتش كيداهم......طلعت زحفاهم

LinkBack

أدوات الموضوع

عرض

-

-

المواضيع المتشابهه

قررت ابيع لو ما طلعتش الرخصة

مين من عصابة كيداهم ساكن فى المنيل او قريب منه ؟

تقييم وتفتيح كيداهم على الدولى الساحلى وتقييم شخصى

الي اصحابي وأحبائي ملاك (عجباهههههم ) كيداهم سابقا

عايز مواصفات كيداهم للوكيل ex

الكلمات الدلالية لهذا الموضوع

المفضلات

المفضلات

ضوابط المشاركة