اقتباس المشاركة الأصلية كتبت بواسطة alzelafy مشاهدة المشاركة
مفيش متلاقيش
الموضوع صعب جدا خصوصا فى نفس الفئه السعريه التلاتينات عاوز تحس بفرق لازم تزود مبلغ محترم لكن اللى بعت بيه تدور على حاجه تانيه و نفس الكقائه صعب شويه انا بايع بقالى اربه شهور و مش هتصدقونى انى مش لاقى عربيه تملا العين و ركوبتها زى ركوبه الابيزا و نفس تمنها ؟؟؟؟ نزلت السوق كام مرة و دورت فى الاول على يابانى هوندا سيفك 90 و لانسر عيون صفيه هوندا اكورد 98 الفوانيس القلاب و اخيرا سويفت الكل كامل اوتوماتيك ..... طبعا قمه الاستهبال فى الاسعارفى العربيات النظيفه و الغير نظيفه فى الوقت اللى الالمانى واقف زى الاسد فى السوق و محدش بيقربلو حاجه غريبه جدا جدا فعلا على راى المثل القوالب نامت والارباع قامت سوق غريب و دماغ غريبه للبشر ... ... ما علينا
بالنسبه للسؤال فى عربيات حلوة و محدش واخد بالو منها و اسعارها حلوة بس هتزودلك حوالى 5 على سعر الابيزا
1- فورد مونديو 98 1600 سىسى و منها ال 200 كامله اوتوماتيك
2- دايو ليجانزا 99 بردو بقت ب 43 و حاله حلوة
3- اوبل فكترا 95
لانسر كريستاله
دول عربيات كويسه و جودة عاليه و اسعارهم فى السوق كويسه و حلال فيهم كل جنيه

و للحديث بقيه .....
طبعا انا مؤيد لكل كلمة بتقولها ورأيك طبعا لازم يؤخذ في الأعتبار

مفيش متلاقيش

يعني هي دي الكلمة الي زي مابيقولوا ما قل ودل
فعلا صعب تلاقي عربية بنفس السعر وبنفس الكواليتي وبنفس الأسم العريق والسمعة الطيبة وببنفس قطع الغيار المعمرة والأستهلاك الموفر والتقفيل الجيد والعزل والسرعة والأداء والمرونة وتوافر قطع الغيار والراحة والقبول

1- فورد مونديو 98 1600 سىسى و منها ال 200 كامله اوتوماتيك
2- دايو ليجانزا 99 بردو بقت ب 43 و حاله حلوة
3- اوبل فكترا 95
لانسر كريستاله

الفورد مونديو category تاني خالص بس هي كعربية فعلا تحفة وقوة ومتانة وتقفيل 10/10 بس عيبها سفاحة بنزين وصوتها عالي شوية وكبيرة بهبل وسعرها فعلا قريب اوي من الأبيزا

الليجانزا طبعا تعتبر زي ما بيقولوا مرسيدس الدايو وعلي فكرة مشتركة مع الأوبل فيكترا B في أشياء كتيرة جدا والكماليات بتاعتها حاجة مختلفة عن الأبيزا زي الكراسي الكهرباء والتكييف الثلاجة والباور الناعم جدا وفوانيسها already فيها عدسات وبتشغل الزينون كأنه نازل فبريكة بس بردو غووووووووووول بنزين وكبيرة بهبل بس لو نظيفة بتدخل في ال50

الفيكترا 95 تحفة جدا وفعلا دي اقرب حاجة ممكن تكون للأبيزا في السعر وكافة المميزات الي قولتها عن الأبيزا مع اختلاف الوسع والقوة الجبارة

الكريستالة بصراحة مش بتنزلي من زور ولا اي لانسر عموما

شكرا زلفي بيه علي الرد

والله المستعان
،
،