مشكله هتجننى فى الابيزا 98

**Dr.cairoky** · 29-02-2012 11:15 AM

السلام عليكم ورحمة الله وبركاته،،،،

أولا :- بعتذر جدا عن غيابى عن القسم لمدة شهر تقريبا بس كان عندى ظروف عائليه صعبه شويه وبفضل الله الوقتى الحال أحسن كتير الحمد لله.

ثانيا :- المكشله بقى اللى هتجننى فعلا :-

-أنا اشتريت العربيه ابيزا 98 من شهر 12 اللى فات تقريبا بقالها معايا الوقتى حوالى 3 شهور.

- سقطت موتور للعربيه 1400 سىسى بدل الموتور الستوك بتاعها من حوالى شهرين تقريبا.

-غيرت طرمبة البنزين كامله للعربيه جبت واحد استيراد.

المشكله بقى ( من يوم لما اشتريت العربيه لحد النهرده فيها حاجه غريبه اوى ، لما أكون ماشى بالعربيه السحب رائع الحمد لله والعربيه مظبوطه ، أول لما أجى أهدى وأجيب الأول وأنا باخد ملف مثلا أو قبل أى مطب فى الطريق لما بمور العربيه بلاقى RPM بيقعد يرقص يطلع وينزل فوق (10000rpm) وأنا ممور العربيه ومش دايس بنزين خااااالص يفضل يقعد يعلب ويتحرك مع نفسه لحد لما أجيب التانى العربيه تتظبط عادى جدا ، أجى أمور أى وقت وأدخل مطب على الأول الأقى RPM بيقعد يرقص برده مع نفسه _ كأن العربيه بتزود براحه كده ففففن فففففففففن فففففن - دح شرح تمثيلى للصوت عشان تعيشوا معايا اللحظه).

- غيرت الموتور كله وغيرت طرمبة البنزين كلها بالعوامه ونضفت البوابه مرتين وغيرت الرشاشات وغيرت الإسبراتير وبرده نفس المشكله ونفس الموضوع مش لاقيلها حل ولا عارفلها سبب ، وحتى الدكتور عصام المكيانيكى مش عارف يعملها ايه.

* لو حد عنده أى تفسير لو الموضوع ده عدى على قبل كده يقولى ايه سبب حب ال RPM الرهيب للرقص ده عشان المووضوع ده خنقنى جدا جدا جدااااااااا.

والأجر والثواب عند الله،،،،،،،،

**ehab_mansour** · 29-02-2012 12:49 PM

فيه عندي شوية احتمالات لحل مشكلتك يا هندسة
1-تغيير البوابة ( وده خليه في الأخر خالص )
2- ضبط الأسبراتير (ياريت تقلنا هو مضبوط علي فين ولو تصوره يبقي افضل )
3- basic setting تكون العربية محتاجه ضبط علي الكمبيوتر و ده المفروض انه يتعمل كل فصل لكهرباء العربية او تغيير او تنظيف للبوابة
ممكن تجرب انك تفصل البطارية شوية و بعدين وصلها و بعد متوصلها ابدأ بتشغيل العربية بعد الانتهاء من وقت ال check اللي بتعمله العدادات قدامك و قلنا عملت ايه
علي فكرة انا كنت متعايش مع المشكلة دي و مكبر دماغي ولكن أعتقد ان حلها في اللي قلتهولك فوق
وبالتوفيق ان شاء الله

**SYD** · 01-03-2012 11:27 AM

طبعا كلام المهندس ايهاب سليم 100% وانشاء الله يحل معاك المشكلة

وحاول تراجع علي الحساسات والفيش بتاعة الضفيرة

يا رجااااااااااااااااااالة الفيش والضفيرة احد اهم اسباب هرتلة العربية ولخبطتها وبرجلتها

والمشكلة الأكبر في انعدام تقريبا قطع غيار الضفيرة وانها لازم تتجاب استيراد وتتعمل صح عند حد بيفهم

هو انت كل دة لسة ماروحتش عند مصطفي ؟؟؟؟؟؟ انت مش قولت هتروحله يوم الأربع

شوف كدة هتروح امتي وقولي لأني انا كمان عندي مشكلة عويصة السنين وبسببها يمكن ........ اقولك خليها في موضوع منفصل

والله المستعان
،
،

**Dr.cairoky** · 03-03-2012 12:46 PM

المشاركة الأصلية كتبت بواسطة syd

طبعا كلام المهندس ايهاب سليم 100% وإن شاء الله يحل معاك المشكلة

وحاول تراجع علي الحساسات والفيش بتاعة الضفيرة

يا رجااااااااااااااااااالة الفيش والضفيرة احد اهم اسباب هرتلة العربية ولخبطتها وبرجلتها

والمشكلة الأكبر في انعدام تقريبا قطع غيار الضفيرة وانها لازم تتجاب استيراد وتتعمل صح عند حد بيفهم

هو انت كل دة لسة ماروحتش عند مصطفي ؟؟؟؟؟؟ انت مش قولت هتروحله يوم الأربع

شوف كدة هتروح امتي وقولي لأني انا كمان عندي مشكلة عويصة السنين وبسببها يمكن ........ اقولك خليها في موضوع منفصل

والله المستعان
،
،

خلاص يا محمد هكلمك يا باشا ونروح مع بعض

إن شاء هكلمك النهرده نتفق

**Dr.cairoky** · 03-03-2012 12:47 PM

المشاركة الأصلية كتبت بواسطة agaty1st

روح لزكريا الهواري في أرض اللوا و هاتدعيلي

تسلم على الرد يا كبير

إن شاء الله هروح للكهربائى وربنا يجيب اللى فيه الخير

**SYD** · 03-03-2012 04:24 PM

علي فكرة زكريا الهواري دة الي بيقال عليه الأسطورة
زي ما اطلق عليه زميلنا الزلفي

علي فكرة يا اسلام انا مش هقدر اروح فحتة
العربية مش بتنطق خالص

وهصلحها تحت البيت
مش هقدر اروح معاك اليومين الجايين خالص

لو انت مستعجل توكل انت علي الله

والله المستعان
،
،

-

الموضوع: مشكله هتجننى فى الابيزا 98

LinkBack

أدوات الموضوع

عرض

مشكله هتجننى فى الابيزا 98 - انشر الموضوع فى :

-

-

-

-

-

المواضيع المتشابهه

مشكله هتجننى فى العربيه

مشكله هتجننى فى الابيزا 98

مشكله هتجننى فى الابيزا 98

!!!مشكله هتجننى فى السيراتو

مشكله هتجننى فى العربيه

الكلمات الدلالية لهذا الموضوع

المفضلات

المفضلات

ضوابط المشاركة