الموضوع: سؤال عن اول صيانة للزيرو في غبيور

المشاركة الأصلية كتبت بواسطة unendlich

تغيير الزيت ملوش علاقة بالكماليات
و ملحوظة برضه, هو مش هيعمل 30 كتالوج عشان كل الفئات, هو بيعمل واحد فيه كل حاجة و إنت بتاخد منه اللي يهمك و بس, مفيش حاجة اسمها المفروض يبقى فيها كذا و كذا, الكلام ده ممكن ينطبق على وسائل الأمان (اللي للأسف بتتنفض من الكوري) لكن ال sensors و فتحة السقف و خلافه دي مش أساسيات, دي بتاخدها على قد فلوسك.
لو الموتور المذكور في الكتالوج هو اللي عندك يبقى خلاص, انما لو وصل التهريج انه يجبلك كتالوج مش مذكور فيه موتورك و فتيسك ابقى ساعتها ارميه في الزبالة و اطلع عالتوكيل امسح بكرامتهم الأرض
تأكد إن اللي كاتب الكتالوج ده حد فاهم و دارس كويس قوي مش بصمجي زي غالبية شعبك اللي فاهم إن اللي بيفهمه محدش غيره فاهمه صاحب المقولة الشهيرة "باشا, أنا هعملهالك أحسن من الفبريكة" , و أكيد أكيد فاهم أكتر من بتاع التوكيل اللي بيبقى شايف الزبون اللي قدامه ده لازم يتمص دمه و يلهف منه كل مليم يقدر عليه (الكلام على كل التوكيلات)
كل الشركات انهارده بتتباهي بطول ال service interval و اللي يقولك 15 ألف و اللي يقولك 20 و 30 عشان يقلل ال running costs على الزبون و احنا في مصرنا الحبيبة لسة بيفهمونا إن الصيانة بتتعمل كل 5000 و بيلعبوا على حتة إنك لو مرحتش كل 5000 الضمان يسقط

انا مبكلمش فلى عامل الكاتلوج انا بكلم على بلدنا الى هية واخدة كل من العربية ومدينا صاج وماتور
والكماليات الى حضرتك بتقول عليها كماليات دى مش كمليات دى حاجات اساسيا فى كل عربية فى العالم بس احنا هنا مش معتبرنا من العالم تقريبا
وانا معاك ان مفيش حاجة اسمها صيانة كل 5000 ك وانه استبزاز لينا عشان ندفع فلوس بدون وجه حق لغبور او لاى توكيل اخر,
يبقى ممكن تقول ان احنا نشغل دماغنا ان احنا نقيس الزيت او نشوف لزوجته قبل تغيره لكن برده مش معنها ان احنا نصدق كلام مش مكتوب لينا لانه ممكن يكون مسروق مننا حاجات الله وحده الى يعلم بيها
تقدر تقولى انت لو مغيرتش زيت فى صيانة الالف مثلا وغيرته فى ال 10000 او ال 15000 زى ماالكتاب بيقول وحصل مشكلة فى الماتور ورجعت لتوكيل غبور وقولتهم انى عملت الى مكتوب فى كتاب ضمان العربية الى واخده منكم
هيقولك روح خلى الكتاب ينفعك ياشاطر ولا ليك عندوا حاجة
يارجل ده انا شارى من التوكيل ذات نفسه فانوسين الشبورة بالزرار ورحتلهم قولتلهم ركبهوالى
الصدمة ان هم يقوليلى احنا مبنعدلش فى العربية
الله طب بتبعوها ليه عندكم بدل مش بتركبوها
مع العلم ان مفيش فئة تانية منها نازلة بفوانيس عشان يبعووها الى اتكسر منه فانوس ولا حاجة
يعنى قمة التخلف
انا مبقولش ان التوكيل على حق بس للاسف انت فى مصر