معلش بنعتذر للاعضاء اللى ملحقوش ياخدوا كيت او معروفش الموضوع الا متاخر
الموضوعات موجودة فى القسم .. وسبقا ونبهنا ان القسم عندنا فى خير كتير .. وموضوعات مفيدة كدا .. بس محتاجة متابعة وقراءة
وحتى مقابلاتنا كلها استفادة سواء استفادة بمعرفتنا بالناس المحترمة والاصيلة واللى بتحب بعضها لله فى لله
وكمان سواء فى الاستفادة من الكلام على العربيات على الطبيعة لانه بيكون ممتع جدا .. وبنحل مشاكل على الطبيعة كمان وبنشوف عربيتنا عشان كدا المقابلات بتكون مفيدة من كل شى
موضوع الكيت .. ليه سلببيات وايجابيات .. ايجابياته .. ان طبعا قدرنا نحصل على كيت ريموت محترم مش موجود فى مصر نهائى الا عن طريقنا
السلبيات .. الاسعار متغيرة بسبب طرق الشحن المختلفة والكميات .. وبافضل طريقة امينة توصل بيها الكيت .. وكمان من ضمن السلبيات .. ان الكيتات دى بتجيى على حسابنا .. وعقبال ما بنبيع الكيت بناخد وقت .. عقبال ما بنجمع الناس .. فى ناس بتقولى عايزة واحجزلى وفجاءة مش الاقى حد عايز بعد كدا وصرف نظر عن الحاجة
وطبعا الفلوس اللى بنبجيب بيها الحاجة بنلمها واحدة واحدة وعلى وقت كبير .. وانتوا عارفين ان المبلغ بيكون كبير جدا .. وحرام نلمه على وقت طويل .. لاننا مش تجار .. ولا بنهدف الى التجارة والربح .. مع ان الكيت لو جبناه وبعناه ب100 او اكتر يستاهل تمنه .. لان الكيت عملى جدا بشهادة كل الاعضاء اللى اقتنوه .. وكمان الميزة اللى فيه كمان ان خامته محترمة .. وكمان الارسال فى الريموت اتحسن عن الريموت القديم .. واصبح بيلقط من مسافات كبيرة عن الريموت القديم
عامة لو حابين .. جمعوا الاول عدد اكبر من 20 اسم .. وبعد ما تجمعوا العدد .. جمعوا الفلوس .. وبعد كدا اجبلكم الحاجة لغاية حتى باب البيت لو عايزين ..
تحياتى للجميع
المفضلات