الموضوع: انطباع مالكي كيا سبورتاج

المشاركة الأصلية كتبت بواسطة asalem1478

مع احترامي لكلام حضرتك..
انا لا اعتقد ان موضوع العربية تجمع 200 في وقت اد ايه دي مهمة اوي( علي الاقل بالنسبة ليا) حضرتك بتشتغل في هوندا و دي نوع تاني خالص و مواصفات غير اللي انا عايزه.. بالنسبة ليا انا عايز عربية مريحة و عفشتها كويسة و قطع غيارها معقولة.. و غير لما احب ابيعها مخسرش فيها كتير.. و أعتقد ان اخر نقتتين دول مش موجودين في الهوندا مثلا..
مع كامل احترامي

اولا ياباشا انا مش بشتغل فى هوندا انا مهندس وليس ليا اى صلة بموضوع السيارات ولا من قريب ولا من بعيد فى الشغل

بالنسبة للهوندا معلش قطع غيارها لو اغلى من الكورى هتكون بحاجات بسيطة مش زى الفرق اللى حضرتك متخيلة بس بالنسبة للعمر الافتراضى تستاهل اكتر من تمنها بكتيييييييييييييييييييير لانك بتركبها وبتنساها

مين قالك ان الهوندا عفشتها مش مريحة دية احسن من عفشة كل الكورى ومعظم اليابانى والالمانى + الثبات العالى انا مش هقول ان عفشتها ناعمة ولا ناشفة لا هية عفشة جيدة جدا ولا متعبة ولا اى مشكلة خالص لو حتى سايق مسافات طويلة , بس معلش حضرتك المفروض ماكنتش دخلت اى عفشة فى الكورى عموما مقارنة بعفشة السيفيك لانها اعلى منها بمرااااااااااااااااحل

* نقطة اعادة البيع دة بقى انا بردة ماعتقدش ان فيها مشكلة معلش احنا دلوقتى معانا عربيات من 1995 وسعرها لايقل عن 55 الف جنية للفئة ال si مالناش دعوة بالرياضى فى مقابل ان السيراتو زيرو 2012 سعرها بيبدأ من 95 الف جنية ولا مستعملة بتتباع ب80 الف جنية موديل 2012 اول فئة يعنى فى 17 سنة فرق 25 الف جنية , اعتقد ان دة كافى اوى لمعرفة مقدار كل سيارة , بالنسبة بقى للسيفيك الحديث العربية موديل 2009-2010 وبتتباع دلوقتى ب130 الف جنية فى مقابل ان كان سعرها 158 الف جنية يعنى لما اجيبها سنتين شغل او 3 سنين ومحافظ عليها ابيعها بخسارة 28 ولو عربيتك حالتها زى الزيرو ممكن توصل ل 135

يعنى اعتقد هنا بردة السيفيك سعر اعادة البيع عالى

المشاركة الأصلية كتبت بواسطة mmbadroo

سمسم باشا حضرتك مش مركز اليومين دول والله انا تهت معاك
كان الله فى عوننا اليومين دول

والله ياباشا انتوا اللى توهتونى معاكوا ( انا اعرف حاجة واحدة يأما العربية حلوة وكل الناس متفقة على كدة ياما العربية وحشة وكل الناس متفقة على كدة

لكن انتوا شوية منكوا يقول حلوة وشوية منكوا يقول وحشة

وعلى فكرة مش على السبورتاج بس لأ كمان السيراتو ناس ملاكها يحسسوك ان راكب فيرارى وناس ملاكها بردة يحسسوك انك راكب مرجيحة

الكلام دة مش موجود عندنا فى هوندا احنا كلنا مجمعين على كلام واحد لكن انتوا حاولوا توحدوا صفوفكوا شوية عشان مايبقاش الكلام متناقض لانكوا توهتوا كل اللى عايز يشترى عربيات من كيا خصوصا