الموضوع: انطباع مالكي كيا سبورتاج

المشاركة الأصلية كتبت بواسطة semsem kane

اولا ياباشا انا مش بشتغل فى هوندا انا مهندس وليس ليا اى صلة بموضوع السيارات ولا من قريب ولا من بعيد فى الشغل

بالنسبة للهوندا معلش قطع غيارها لو اغلى من الكورى هتكون بحاجات بسيطة مش زى الفرق اللى حضرتك متخيلة بس بالنسبة للعمر الافتراضى تستاهل اكتر من تمنها بكتيييييييييييييييييييير لانك بتركبها وبتنساها

مين قالك ان الهوندا عفشتها مش مريحة دية احسن من عفشة كل الكورى ومعظم اليابانى والالمانى + الثبات العالى انا مش هقول ان عفشتها ناعمة ولا ناشفة لا هية عفشة جيدة جدا ولا متعبة ولا اى مشكلة خالص لو حتى سايق مسافات طويلة , بس معلش حضرتك المفروض ماكنتش دخلت اى عفشة فى الكورى عموما مقارنة بعفشة السيفيك لانها اعلى منها بمرااااااااااااااااحل

* نقطة اعادة البيع دة بقى انا بردة ماعتقدش ان فيها مشكلة معلش احنا دلوقتى معانا عربيات من 1995 وسعرها لايقل عن 55 الف جنية للفئة ال si مالناش دعوة بالرياضى فى مقابل ان السيراتو زيرو 2012 سعرها بيبدأ من 95 الف جنية ولا مستعملة بتتباع ب80 الف جنية موديل 2012 اول فئة يعنى فى 17 سنة فرق 25 الف جنية , اعتقد ان دة كافى اوى لمعرفة مقدار كل سيارة , بالنسبة بقى للسيفيك الحديث العربية موديل 2009-2010 وبتتباع دلوقتى ب130 الف جنية فى مقابل ان كان سعرها 158 الف جنية يعنى لما اجيبها سنتين شغل او 3 سنين ومحافظ عليها ابيعها بخسارة 28 ولو عربيتك حالتها زى الزيرو ممكن توصل ل 135

يعنى اعتقد هنا بردة السيفيك سعر اعادة البيع عالى



والله ياباشا انتوا اللى توهتونى معاكوا ( انا اعرف حاجة واحدة يأما العربية حلوة وكل الناس متفقة على كدة ياما العربية وحشة وكل الناس متفقة على كدة

لكن انتوا شوية منكوا يقول حلوة وشوية منكوا يقول وحشة

وعلى فكرة مش على السبورتاج بس لأ كمان السيراتو ناس ملاكها يحسسوك ان راكب فيرارى وناس ملاكها بردة يحسسوك انك راكب مرجيحة

الكلام دة مش موجود عندنا فى هوندا احنا كلنا مجمعين على كلام واحد لكن انتوا حاولوا توحدوا صفوفكوا شوية عشان مايبقاش الكلام متناقض لانكوا توهتوا كل اللى عايز يشترى عربيات من كيا خصوصا

الفكرة كلها فيما سبق السيارة الحالية
يعني لو كنت راكب مثلا بي ام ونقلت على مرسيدس ممكن متسحش بفرق وحماسة التغيير

لكن لو راكب مثلا عربية فيات 128 ونقلت على سبورتج او نقلت على صني او او

اكيد حدخل اقول اشعار وده مش معناه ان العربية كويسة او وحشة
بس لازم لما تنقل على اي عربية عشان متتصدمش تكون نقلة كويسة وفي فرق

يعني لو معاك مثلا كيا سيراتو او سيارة كورولا ونقلت على سبورتج اكيد حتكون مبسوط

وهكذا في كل الانواع حتى لو كانت الماني