الموضوع: مودرن معندهمش فانوس للتيدا

مساء الخير ياصقور

مش هطول عليكما طبعا زى ماحضراتكوا عارفين عربيتنا فى التوكيل بتتصلح بعد الخبطة الاخيرة دى

دى صورتين بس مش واضحين اوى





وانا اسمع ان احسن مكان للتصليح هو مودرن ابورواش والوالد وداها من حوالى اسبوعين تقريبا وقالوا هنغير الاكصدام ونظبط الشنطة وتترش .. وبعد يومين لما الراجل بتاع شركة التأمين راح يتفاوض معاهم قالوا هنغير الشطنة والراجل وافق على الاصلاحات وكله زى الفل

وبعد كده مسألناش عنها حوالى 10 تيام كده فقلت لوالدى ما تكلمهم تشوف عملوا اية ! بعد شوية زن منى عليه كلمهم يوم السبت

المهندس رد عليه وقاله كلمنى بعد نص ساعة .. بعد ساعة كلمه وقاله العربية خلصت وبس فاضل الفانوس مستنينه ييجى

وتقريبا تانى يوم او امبارح كلمه وقاله ان الفانوس مش موجود وتقريبا مافيش ولا فرع فيه فانوس
فقلت لوالدى امبارح طب ما ناخد العربية ونركبه فى اى مكان تانى قالى مش هينفع التأمين مش هياحسبنى على الفانوس قلتله سهلة نجيبه وهما يركبوه قالى ماشى .. دخلت على السايت هنا وجبت رقم اوتو ايجيبت وكلمهم ادوله رقم استاذ اسلام تقريبا وكلمه وٍسأله قاله الفانوس موجود ب 1400 جنيه
الف شكر

ورجع كلم المهندس بتاع مودرن تانى عشان يسأله ينفع نجيبه وهما يركبوه ولا لأ .. قاله ينفع بس هتدفع 30% من تمنه ! عشان اية !! عشان يضاف فى الفاتورة .. تقريبا 450 جنيه .. عموما الراجل بتاع قطع الغيار جاى انهاردة وهشوفه كده جاب الفانوس معاه ولا لأ .. وهتصل بيك اقولك ... طبعا متصلش

انهاردة بقى قولت للحج كلمه شوفه كلمه قاله مش موجود وانا قلتلهم فى قطع الغيار ومش عارف هيجبوه امتى .. بصراحة الراجل عمل اللى عليه .. طب يعنى ينفع توكيل مافيهوش فانوس وبعدين دى عربية مش قديمة يعنى طب مين المسؤال بتاع قطع الغيار ده عشان اكلمه واشوف القصه دي ف خد الرقم وهيتصل بيه بكرة ... المهم بعدها كلم الاستاذ معتز اللى في فرع الدقى (الاكسسوارات) راجل محترم جداا ولما عرف ان العربية بتتصلح كلمهم وصى عليها عشان تخلص بسرعة .. الكلام ده كان من ساعة وهما كانوا روحوا خلاص فقاله .. هشوفلك موضوع الفانوس ده بكرة وارد عليك ....

ده اللى حصل لحد دلوقتى وهنشوف بكرة ماذا يحدث وهقولكم .. بس انا عندى سؤال .. هل الانسر البومة ممكن تخبط الشنطة كده؟؟ انا اسمع انها واطية مش عارف ازاى وصلت لحد الفانوس كده

واسف للأطالة وعايز اسمع تعليقاتكم .. اقعدوا بالعافية