الموضوع: منسق مساعد قسم نيسان

اولا : الف مليون مبروك يا حسين .. وانت تستاهل كل خير
ثانيا : اختيارك من الادارة والترشيح ده شرف لينا حقيقى للمجهود اللى بتبذله سواء جوة القسم او بره القسم
لانى اكثر عضو اعلم مدى حبك الغير متناهى للقسم وللاعضاء ونيتك الصافية اللى كلها محبة لله .. وبتدور معانا على مصلحة الاعضاء والقسم بكل حب وتقدير .. ده غير التكاليف اللى بكلفك بيها فى القسم معى .. فى تجميع وتنسيق الموضوعات .. وايضا المشاوير الخارجية اللى بنقوم بيها للاعضاء القسم .. والكثير والكثير
وكل ده رشحك واهلك للمنصب الجديد .. واكيد حيكون عليك مسئوليات اكبر واكبر .. وكلنا يد واحد سواء كنت معاك وكمان الاعضاء كلنا مع بعض .. المنسق العام للمقسم او المنسق المساعد مهما كانوا عليهم مسئوليات
ميقدروش يقوموا بيها لوحدهم ابدا الا بمساعدة كل الاعضاء مع بعض .. لاننا كلنا مسئولين عن قسمنا الغالى
وكلنا لازم نحافظ عليه .. عشان نقدر نقدم خدمة ممتازة ومفيدة لكل الاعضاء

الف مليون مبروك على المنصب الجديد .. ومنتظرين منك المزيد والمزيد ..

عشان بينى وبينك احتمال ارشحك لمنصب المنسق العام لقسم نيسان

لانك تستاهل كل خير .. وبتعطى من القلب .. وبقلب صافى