الموضوع: الف مبروك me_medoo منسق مساعد قسم تويوتا

بسم الله الرحمن الرحيم

بالاصالة عن نفسي أتوجه بالشكر لكم جميعاً على مشاعركم الطيبة الرقيقة أتجاهي ... وواللهِ واللهِ محبـتكم لي هو كنـزي ورأس مالي ومجوهراتي في الحياة ... فحب الناس غاـية لا تدرك ... ويارب يارب أكون قد المسؤولية التي أوكلت لي ... من قبلكم وقبل الادارة ... ورغم أني صاحي من النوم متنكد النهردة وبقول لنفسي يوووووه طابووووور تاني لسه هقوف في طبور الانتخابات ... وأ لحوس وأدحوس صباعي في الحبر ، بس يالله كلو علشان خاطر مصـر حبيبتي هنعمل أيه أصوتنا أمـانة ... بس يارب حد يسمعها هههههههه ... بس بصراحة بصراحة ... بعد ما دخلت المنتدى بجد بجد أستعدت نشاطي وحيويتي ، وحسيت بالدنيا طعم تاني ، وكانت مفاجئة جميلة ... بل كانت مفاجئة ســــارة ... وأعانني الله وأياكم على قسـم تويوتا ، هذا القسم الذي أحبه من كل كل أعماق قلبي ... كما أحـب هذا المنتدى ، الي عجبني فيه أكتـر مش بس كمية المعلومات المفيدة من السادة الاعضاء ، لأ حبيت فيه أكتر الناس الي بتكلم فيه معاهم ، وكل مرة في أي مقابلة جديدة كنت بتعرف على ناس جداد ... بجد شخصيات أكتر من رائعة وناس بجد بجد زي البلسم وشباب زي الورد شباب واعد ... يفتخر الانسان ويعتز بمعرفتهم ... وكل ما أشوفهم أو أكلمهم أو حتى أقرى مشاركتهم بقول عمار يامصـر لسه البلد فيها خيـر ... وهما دول بجد بجد مستقـبل مصـر وحاضـره ... تسلمولي جميعاً ويارب يارب يديم بينا المعروف والمحبـة ... في زمن قلت فيه المحبة وقل فيه الأصدقـــــــــــاء

ويارب يارب ميحرمناش من بعض أبداً أبداً
ويخليكم ليا يارب

@@@@@@@@@
وتحياتي

المشاركة الأصلية كتبت بواسطة SHNORY

الف مبروك علي المنسقين انضمامك ليهم
وعلي قسم تويوتا تعيينك منسق مساعد للقسم
وفي انتظار عطائك للقسم يا باشا
وربنا ينفخ في صوره كيبوردك

ههههههههههههه حبيب قلبي يا شنوري باشا ... الله يبارك فيك ياباشا ... وواللهِ كنت بفكر أرجع أزاكر لغة عربية أو أجبلي كام كتاب بتاع سلاح التلميذ كده وأقعد أقراهم بس قلت لنفسي يادي الخيبة ... ياربي هرجع تاني أزاكر من أول وجديد ، طيب ياترى هزاكر عربي ولا هزاكر أنجليزي ولا هزاكر أيه ولا أيه ... مش عاوز أقولك أن حتى جدول الضرب نسيتوو (أعتمادي على الاله الحاسبة ) ههههههه بس والله ناوي أنشاء الله أقعد أراجع من أول اللغة العربية أو أفتحلي كتاب كده أأقراه علشان أفتكر الكلمة دي كنا بنكتبها أزاي ههههههههههههه .

المشاركة الأصلية كتبت بواسطة Land_Cruiser

يسعدنى انى اكون اول المهنئين لحضرتك يا me_medoo باشا و فرحت كتير بالخبر ده و حضرتك فعلا تستحق كل خير و انضمامك للمنسقين مكسب كبير للقسم و الف الف مبروك

حبيب قلبي يا لاند كروزر ... تسلملي يارب ( والله يبارك فيك ياباشا ) أخيـــــــــــــــــــراً هقدر أكتـــــــــــب باللون الاحمــــــر براحتي وأشخبط براحتي هههههههههههههه

المشاركة الأصلية كتبت بواسطة zangry

يسعدنى اكون تانى المهنئين :d تستاهلها والله

حبيب قلبي يا زنجاري تسلملي يارب ... ويارب يخليكم ليا وميحرمنيش منكم أبداً أبداً يا غالين . وده شرف كبير ليا يا غالي محبتكم الا متناهية ... ووالله والله أنتا أخ عزيز وغالي على قلبي يا غالي .

المشاركة الأصلية كتبت بواسطة Land_Cruiser

و هى دى تيجى برضه تانى؟ اول مكرر يا باشا طبعا :)

ههههههههههههههههه

المشاركة الأصلية كتبت بواسطة Ahmod

الف الف الف الف الف مبروك

تستاهل والله

انا عايز حاجة ساقعة بيبس

حبيب قلبي يا دكتور أحمد بس كده أنتا تأمـــــــــر ياباشا




هههههههههههههههه
الله يباررك فيك ياباشا ... بس دلوقتي عارف مهمة التنسيق دي مهمة صـعبة ... عاوزين كام بت سكرتيرة كده علشان تساعدنا و تنظم مواعيد التنسيق بين السادة الاعضاء هههههههههههه ، مينفعش نبقى منسقين قد الدنيا ومعندناش سكرتارية تحت أيدينا
ههههههههه .

المشاركة الأصلية كتبت بواسطة Land_Cruiser

يا سلام تؤمر يا باشا بس كده ربنا يديم روح المحبه . يا me_medoo باشا شايف الاعضاء بتتنافس مين اللى يهنئك الاول ازاى؟ :)

المشاركة الأصلية كتبت بواسطة zangry

ربنا يخليك .. كلك ذوق والله .. ميدو من الناس المحترمة زيك كده ياباشا

تسلمولي تسلمولي ويارب يارب يخليكم ليا وميحرمنيش منكم أبداً أبداً ... وواللهِ واللهِ محبتكم ليا كنــــــــــزُُ لا يفنى ...
ويارب أكون قد المسؤولية ... وأقـــــــــدر أخدم كل السادة الاعضاء وأوفيهم حقوقهم ...

@@@@@@@@@
وتحيات تحياتي ليكم يا غالين
يالله هروح أنتخب وأرجعلكم ويارب تكون الشمس حنينة النهردة
ههههههههههههههه