عاوز اشتري يا جماعة ومليت الاستمارة رشحولى

**farafiroooo** · 03-06-2008 04:14 AM

المبلغ المتاح / اقصى حد (31000)
نوع العربية / مستعمل
إمكانية التقسيط فى حالة الزيرو / يفضل بدون تقسيط
خبرتك فى السواقة وسكك الصيانة / جديد
شكل العربية / هاتش باك - سيدان - مش فارقة
الموديل / تسعينات
إستخدام السيارة فى الاغلب / داخل المدينة - 5 سفريات فالسنة
انتقالاتك بالعربية / فى الاغلب لوحدى
الكماليات المرجوة / - المهم التكييف - باور
إستهلاك البنزين / مش فارقة
قطع الغيار / - غالية و عمرها طويل
اماكن الصيانة / ممكن ميكانيكية
التفرغ لأعمال الصيانة / - ممكن تتدبر
الاستمرار بالعربية لفترة / هاتستمر بيها فترة طويلة - مشاقل 3 سنين
سعر إعادة البيع / خسارة معقولة
اهم حاجات بتدور فيها على العربية /
- قوة تحمل
- قلة اعطال
- الشكل الحلو اكيد
- الثبات
ملاحظات اخرى / .........()

**SEATLOVER** · 03-06-2008 01:40 PM

بص يا farafiroo
للاسف العربية اللى فى دماغك مش هاتبقى بالسعر دة
يعنى ممكن من اول 35 تلاقى النوع دة

الاكسيل و السويفت و ماروتى كسر زيرو .... مش هايعجبوك

فى عربية بالسعر بتاعك لو لقيتها تبقى تحفة
ال 132 ال 2000
هى دى اللى هاتنفعك اوى
استهلاكها فى البنزين عالى شوية ..بس انت قولت مش فارقة معاك
بس عربية ..عربية فعلاً

بس هاتدور كتير شوية

**farafiroooo** · 04-06-2008 03:41 AM

seatlover
متشكر جدا لردك بجد
انا عارف ان السعر ده يحير وانا احتارت بيه فعلا
132 كويسة بس انا عاوز حاجة حديثة شوية عنها
عالاقل تكييف وباور انتوا عارفين الصيف السنادي غير اي صيف
الانواع اللي انا حصرتها
ستروين AX و الـ ZX
بس كان كل اللي باخد رايه فيهم
يقولي هاتلك حاجة لو عطلت اي حد يشغلهالك
ولو احتجت قطعة غيار تتمشي تجيبها من عند اي حد بتاع قطع غيار
الـ ZX عجباني ومش قادر اقرر انها تناسبني ولا لا
ولجأت للمنتدي يساعدني
والله يكون فعونكم ما دمتم في عون اخيكم

**SEATLOVER** · 04-06-2008 11:03 AM

طب هاقولك حاجة يا farafiroo
ركز فى الاكسيل و السويفت
صعب انك تلاقى بالسعر دة حالة كويسة اوى
بس ممكن تجيب حاجة اساسياتها حلوة و نضيفة (المهم فى اى عربية الاساسيات )
الباقى ممكن يستنى
وتسيب التظبيط و الترويق عليها براحتك شوية
اية رايك

**Nile_Storm** · 04-06-2008 11:11 AM

انا رايي بلاش السيترون حاجتها صعبه
ممككن فعلا تشوف الاكسيل و السويفت
الاتنين كويسين جدا

**DR.M** · 04-06-2008 12:15 PM

اعتقد ال zx كويسة بس أسال عن قطع الغيار

**farafiroooo** · 04-06-2008 09:05 PM

فعلا المنتدي بيضم ناس ذوق ومنحترمين
متشكر جدا جدا علي ردودكم
سياتلوفر : هما داخلين دماغي فعلا الاتنين ومن خلال منتدي السوزوكى والاكسيل
فهمت ان العربيات الاتنين دول خفاف عالارض شوية ولا يمكن عشان انا مجربتش بنفسي مع اني مبعرفش اسوق

غالبا هستني شوية واوزود المبلغ اللي معايا لحدود 35 مثلا
نايل ستورم : متشكر لردك جدا
DR.M متشكر لردك
هو انا سالت فعلا عالzx اتقالي هي عربية تتركب حلوة جدا فمشيها وناعمة وثبات حمن حلوة من جوة
بس لو عطلت تروح تدور علي ميكانيكي ستروين يجي يدورها
وحاجاتها عند ناس معينين بالتحديد
فصرفت نظر عنها

ال35 يجيبوا سويفت او اكسيل ممكن ابيزا ولا اقف لحد هنا

**SEATLOVER** · 05-06-2008 12:20 AM

المشاركة الأصلية كتبت بواسطة farafiroooo

ال35 يجيبوا سويفت او اكسيل ممكن ابيزا ولا اقف لحد هنا

حلوة اوى الاختيارات دى خليك فيهم
واى حالة حلوة فى اى واحدة فيهم خلص فيها

وبالنسبة لموضوع ثبات الاكسيل
شوف اى عربية مستعملة فى الدنيا ماتجريش بيها فوق ال 100 و بعد ما تطمن لها و تشدها و تفهما ممكن توصل بيها ل 120 ..وحلو اوى كدة
احنا ماعندناش طرق ... دى مجرد خطوط على الارض لونها رمادى بس :)

**farafiroooo** · 05-06-2008 01:59 AM

دى مجرد خطوط على الارض لونها رمادى بس

هههههههههههههههههههههههه فعلا معندنش طرق نضيفة
والله انا مبسوط اني من قبل ماشتري عربية معاكوا هنا فالمنتدي
وبأذن الله ربنا يكرمني بحاجة كويسة واقدر افيد المنتدي بعد ماشتري
كدة انا هدور فالانواع دي واللي وصلني للمبلغ ده يبقي نجيب حاجة نضيفة علي طول
ولا ايه
واحتمال انزل السوق بعد بكرة باذن الله
اتفرج عالحالات واسمع رينج الاسعار والكماليات ماشية ايه
واوصل لمتوسط الحالة اللي مرسومة فخيالى
سيات لوفر انا مش عارف اقولك ايه
ده ايميلي ياريت تشرفني عليه يا جميل farafiro20062007@hotmail.com

**SEATLOVER** · 05-06-2008 02:12 AM

اى خدمة يا farafiroo باشا
واحسن حاجة هاتعملها انك هاتنزل تتفرج وتشوف من دلوقتى
عشان حتى تعيش الدور شوية ..عشان لما تقع حاجة نضيفة قدامك تعرفها
وايميلك وصل يا باشا

وعقبال ما نباركلك على العربية
وربنا معاك و ينولك اللى بالك إن شاء الله