مساعده لشراء سياره...

**sammor_28** · 30-05-2008 01:28 AM

المبلغ المتاح /يفضل 30000 - وبحد اقصى 35نوع العربية /مستعمل
خبرتك فى السواقة وسكك الصيانة /جيدشكل العربية /مش فارقه
الموديل /مش فارقه بس مش قبل التسعينات
إستخدام السيارة فى الاغلب /داخل المدينه وسفريات
انتقالاتك بالعربية /الاتنين
الكماليات المرجوة /اهم حاجه التكييف
إستهلاك البنزين / يفضل المعقول
قطع الغيار / فى المعقول
اماكن الصيانة /مش فارقه ميكانيكي او توكيل
التفرغ لأعمال الصيانة /ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر كتير ان لم يكن هناك خساره
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- شبابي
ملاحظات اخرى / الأستماره دي لواحد صاحبى ياجماعه ولما اخذ رأيى قولتله استنى لما اسأل اعضاء نايل موتورز اكيد هيفودونا..
وعموما انا رشحتله الأبيزا والهيونداي اكسيل..ياريت يكون ترشيح كويس :)
ومستنى ترشيحتكم وارائكم :)

**mohamed ibiza** · 30-05-2008 01:34 AM

مش هرشح بعدك انت رشحت الابيزا و في فرق رهييييييييييييييييييييييي يب بين الابيزا و الاكسيل في التحمل و القوة و الاداء و الثبات و انا موجود لو احتاجت اي حاجة في الابيزا 35 الف يجيبوا ابيزا 94 حالة جيدة و ممكن تكون بتكييف و لو رسي صاحبك عليها و احتجتني في اي حاجة انا موجود افصصلك العربية حته حته

**hazem_khidr** · 30-05-2008 04:18 AM

اكسيل او سويفت لو عربيه عائليه
كورسا 94 او ابيزا لو شبابي

**SEATLOVER** · 30-05-2008 03:02 PM

يا عينى عليك يا sammor انت باين عليك خلاص شربت الصنعة
فعلاً ذى ما انت قولت
اكسيل -سويفت (لو هايقرا ويذاكر موضوع حازووم )-ابيزا لو شبابى -كورسا لو هايحب شكلها

وربنا يوفقة

**sammor_28** · 30-05-2008 06:09 PM

الف شكر ياجماعه شكرا يامحمد ابيزا وشكرا م/عمرو وشكرا حازم..
ان شاء الله لما ينوي هبقى اتعبك معايا يامحمد عشان تيجي تشوفها معانا..لو ماعندكش مانع..
ومتشكرين ليكم ياجماعه مره تانيه..:)

**BomBom** · 04-06-2008 08:37 PM

مش هرشح بعدك انت رشحت الابيزا و في فرق رهييييييييييييييييييييييي يب بين الابيزا و الاكسيل في التحمل و القوة و الاداء و الثبات و انا موجود لو احتاجت اي حاجة في الابيزا 35 الف يجيبوا ابيزا 94 حالة جيدة و ممكن تكون بتكييف و لو رسي صاحبك عليها و احتجتني في اي حاجة انا موجود افصصلك العربية حته حته

عزيزي mohamed ibiza انا لاحظت من مداخلاتك في اكثر من موضوع تحاملك على الكوري ، زي مايكون كوريا جمهورية من جمهوريات الموز مالهاش في التصنيع و لا الصناعة ، و كمان تعصبك للسيات زي ما تكون السيات لامبورجيني ، ياريت تقييم موضوعي بدون رفع او حط من قيمة العربيات اللي بتقيمها ، و ياريت يبقى صدرك واسع لتقبل الملاحظة.