تركب فانتازيا 2009 ولا 316 2007 ؟؟

**inspiron** · 03-03-2012 08:28 AM

المشاركة الأصلية كتبت بواسطة Batman372

- فولكس فاجن اشتريت سكودا من 1996.
- و بالتالى كل السياره تحت اشراف فولكس فاجن و الموتور و كل الاجزاء تصنع و تجمع فى مصانع سكودا فى التشيك لكن بتكنولوجيا و مواصفات فولكس فاجن.
- و لكن من المعروف للجميع ان السكودا و تتمثل فى الاوكتافيا/فانتازيا دائما متأخره عن الفولكس فاجن و الباسات من حيث التطوير و تطبيق احدث الابتكارات و التكنولوجى لفولكس فاجن.

اسمحلي اختلف معاك لان مفيش موضوع التاخير ده بالنسبة للاوكتافيا والسوبيرب،،
الاوكتافيا = الجيتا والافضلية للاوكتافيا لاسباب كتير يطول شرحها ولو تحب اعرضها معنديش مانع واهم هذه الاسباب فشل الجيتا في الdsg وعلي فكرة الاوكتافيا متوفرة في اوروبا بفتيس dsg ومحرك 1800 و 2000 tfsi

السوبيرب = الباسات والافضلية للسوبيرب لنفس الاسباب + مساحة ال interior الاكبر

**inspiron** · 03-03-2012 02:09 PM

المشاركة الأصلية كتبت بواسطة sheko_2000eg

الراجل ده قال كلام 100/100
و انا معاه في كل كلمة
1+++++++++++

1- محرك 1.6 لتر بقوة 75 kw بنظام الحقن MPI.
2- تسارع السيارة من 0-100 في حوالي 12 ثانية ( علي الوضع D )
3- ناقل الحركة 6 سرعات أمامية و 1 خلفية بإجمالي 7 سرعات مع نظام Tiptronic.
4- السرعة القصوي للسيارة لم يتم إجتيازها بعد.
5- عفشة خدمة شاقة.

عوامل الراحة و الأمان :-
-------------------------

1- ABS, MBA,MSR,ASR.
2- عدد 2 إيرباج.
3- عدد 5 أحزمة أمان.
4- فصل الوقود عن المحرك في حالة التصادم لا قدر الله.
5- نظام corner light وده عبارة عن إضاءة فانوس الشبورة حسب إتجاه العربية يمين أو يسار.أنا مش عارف أشغله إزاي.
6- نظام EBC.
7- ISOFIX للأطفال.
8- IMMPOLIZER .
9- فوانيس ضباب أمامية وخلفية.
10- عدد 3 مساند للرأس في الخلف و 2 في الأمام.

الكماليات :-
------------

1- سنتر لوك وزجاج كهربه مع وحدات رفع لجميع الأبواب.
2-عدد 2 مفتاح fold يمكن فتح الشنطة وتانك البنزين منه وكذلك التحكم في الشبابيك وغلق المرايات.
3- مصابيح الإشارة الجانبية في المرايات مع وجود مصباح في كل مرآه للإضاءة بجانب الأبواب عند فتحهم وعند فتح السنتر من الريموت.
4- طي كهربائي للمرايات.
5- عدد 2 مساحة أمامية للزجاج و 1 للزجاج الخلفي.

6- عجلة القيادة وفرامل اليد وعصا ناقل الحركة مكسوة بالجلد الطبيعي.
7- فرش الكراسي رياضي.
8- تعديل عجلة القيادة في 4 إتجاهات مختلفة.
9- عجلة القيادة متعددة الوظائف multi functions .
10- شاشة بيانات كبيرة وسط العدادات بها وظائف عديدة مثل :

* عداد سرعة ديجيتال ( زي السيفيك )
* إستهلاك البنزين وحساب الكيلو متر المتبقي بالنسبة لكمية الوقود.
* متوسط السرعة الحالية.
* كمبيوتر رحلات.
* بيان نقلات ناقل الحركة.
* بيان درجة الحرارة.
* إظهار البيانات الخاصة بالهاتف.
* إظهار البيانات الخاصة بالنظام الصوتي.
* عن طريقها يتم معرفة ما إذا كان أحد الأبواب مفتوح أو غطاء المحرك أو الشنطة.
* كمبيوتر أعطال ومواعيد الصيانة.
*وأخيرا عن طريقها يمكن التحكم في بعض الوظائف مثل :

a- تحديد السرعة التي يبدأ عندها الصوت التحذيري.
b- تحديد غلق الأبواب أوتوماتيكيا عند سير السيارة وفتحها عند وقوفها.
c- تحديد تشغيل خاصية غلق النوافذ في حالة سقوط الأمطار أو غلقها عند سرعة معينة.

11- نظام صوتي جبار في نقائة وإمكانياته الصوتية يدعم mp3 , aux, radio, audio. مع عدد 6 سماعات.
12- إمكانية إرتفاع مستوي الصوت تلقائيا مع زيادة السرعة.
13- تجهيزات سينسور بارك.
14- بلوتوث للإتصالات الهاتفية ( كاركيت )
15- تكييف climatronic dual zone مع خاصية توزيع الهواء للمقاعد الخلفية.
16- شاشة عريضة وسط التابلوه خاصة بالنظام الصوتي والتكييف والبلوتوث والسينسور.
17- درج التابلوه مبرد وكذلك درج الكونسول.
18- درج الكونسول متحرك للأمام والخلف كمسند يد.
19- عدد 12 مكان تخزين بالمقصورة مع حوامل أكواب.
20- التحكم في إرتفاع وإنخفاض كرسي السائق.
21 - التحكم في إرتفاع وإنخفاض إضاءة المصابيح الخارجية.
22- مصباح قراءة للمقاعد الخلفية وآخر للأمامية.
23- مدخل ipod داخل درج الكونسول.
24- سخانات للزجاج الخلفي والمرايات الجانبية.
25- تعتيم تلقائي للمرايا الداخلية والجانبية.
26- مقابض الأبواب الداخلية من النيكل كروم.
27- حليات للأبواب و التابلوه والكونسول الأمامي.
28- إريال إلكتروني في الزجاج الخلفي مع إريال رياضي إضافي.
29- مؤشر لضغط الإطارات.
30- مثبت سرعة.
31-حساس مطر أمامي وخلفي.

وشوف اللينك ده كده :

Skoda Octavia - Tested by genuine Men - YouTube

وبالنسبة لعوامل الأمان شوف دول كده :-

Skoda - MBA - YouTube

ASR - Skoda - YouTube

Skoda - Skid rear - YouTube

Skoda maneouvre - YouTube

Skoda - brakimg flat - YouTube

Skoda - MSR - YouTube

وفي فيديوهات تانية عن عوامل الأمان اللي فيها بس كفاية دول

وده بالنسبة للتسارع :-

Octavia Tour 2 1.6 102 KM & 148 Nm 0-120 km/h - YouTube

كل الكلام ده بقي تخيل.....أوووول فئة في الأوكتافيا

**mi22do** · 03-03-2012 04:52 PM

المشاركة الأصلية كتبت بواسطة Batman372

- فولكس فاجن اشتريت سكودا من 1996.
- و بالتالى كل السياره تحت اشراف فولكس فاجن و الموتور و كل الاجزاء تصنع و تجمع فى مصانع سكودا فى التشيك لكن بتكنولوجيا و مواصفات فولكس فاجن.
- و لكن من المعروف للجميع ان السكودا و تتمثل فى الاوكتافيا/فانتازيا دائما متأخره عن الفولكس فاجن و الباسات من حيث التطوير و تطبيق احدث الابتكارات و التكنولوجى لفولكس فاجن.

كلامك صحيح لكن في النهايه سكودا = Made in Czech Republic
اما البي ام دابليو = Made in Germany

**Batman372** · 03-03-2012 08:55 PM

المشاركة الأصلية كتبت بواسطة MohammedAladel

ومع ذلك فولكس شئ وسكودا شئ أقل بالتأكيد ! لأن لو شركة فولكس وضعت كل امكانياتها فى سكودا كدا يبقى ساوت العربية الفولكس بسكودا وهيبقى السعر قريب ودى مش سياسة بيع خالص وبعدين دلوقتى شركات كتير بقت تبع بعض زى نيسان ورينو بس فيه فرق برضه بين موديلات نيسان ورينو - عندك شركة جيلى الصينية ماهى دلوقتى مالكة لشركة فولفو العملاقة بس شتان بين سيارات جيلى وسيارات فولفو كسعر وكإمكانيات وثبات وفخامة وكل شئ

+++ 111
- اكيد كلنا فاكرين سكودا قبل سنه 1996 كانت شكلها ايه و امكانيات ازاى !! الففوريت - و فورمان - و حتى الفليشيا مو 95 كانت عامله ازاى !!
- لكن بعد ما فولكس فاجن اشترتها سنه 1996 - تم تطوير الشركه بالكامل و نقل التكنولوجيا و التصاميم الالمانى العريقه للتشيك و الدليل شكل فليشيا مو 1997 مختلفه تماما و كذلك ظهور الاوكتافيا a4 مو 1997 التى هى فى ذلك الوقت نسخه اقتصاديه من البورا او الجيتا التى يرجع تاريخها مع فولكس فاجن الى الستينات !!!
- و معروف و معلوم للكل و كحقيقه ثابته ان مستحيل سيارات سكودا تتفوق على موديلات الفولكس فاجن العريقه مثل الجيتا و الباسات !! ده حتى من الناحيه التجاريه مينفعش !! ازاى يعنى ؟؟؟
- السوبرب superb بدون شك امكانيات عاليه - و اتعملت كنسخه اقتصاديه للباسات - و لكن للاسف ليس لها اى تاريخ و بنفس المنطق و سياسه الشركه الام مستحيل تتفوق او تنافس الابن الشرعى الباسات :)
- ممكن حد يقولى كام سوبرب اتباعت فى مصر كلها ؟؟ اسكندريه عن تأكيد بها فقط سيارتان منها واحده ملك ابن "نور الشريف" الوكيل لارتوك بأسكندريه !!! لان ببساطه الى ميزانيتهم 200 الف جم >>> 99.9% منهم حيشترى باسات ب 230 او 316 ب 240 الف.
- ممكن حد يقولى ليه الاسكودا مش موجوده فى امريكا نهائيا - و مش حتكون - ؟؟؟ ببساطه ده يؤكد سياسه فولكس فاجن الشركه الام تجاه الابناء الغير شرعيين !!
- اكيد طبعا بدون شك الاوكتافيا/الفانتازيا عربيه ممتازه و اثبتت فى مصر كفائتها و ممكن مجازا نقارنها بالجيتا - لكن الصح >> جيتا طبعا ، بدليل ان مبيعات الجيتا ناجحه جدا و متقلش عن السكودا ،ولكن من الخطأ المقارنه بالباسات.
- اما المقارنه بالبى ام فده ظلم كبير للسكودا :)
تقبلوا مرورى و تحياتى ...

**inspiron** · 03-03-2012 09:54 PM

عموما أنا هنسحب من المناقشة لأني شايف في إنحيازية كبييرة وتحامل علي سكودا عن غير خبرة سابقة..يعني الواحد بيتكلم من منطلق إمتلاكه للعربيات دي كلها ولفترات ليست بالقليلة..ومفيش فايدة بردو :)
يعني لو حضراتكم كلفتوا نفسكم وجيبتوا الجيتا اللي بتقولوا عليها أعلي من الأوكتافيا والباسات اللي بتقولوا عليها أعلي من السوبيرب..أقسم بالله هتلاقوا العكس :)
وأنا عندي من الدلائل اللي تثبت كلامي..حتي بعد ما سردت مواصفات أول فئة في الفانتازيا اللي بتتفوق علي الجيتا بردو تم تجاهل المشاركة وغير معترف بيها وبردة فولكس أحسن هو كده وخلاص

عامة يا صاحب الموضوع ربنا يوفقك وصلي صلاة إستخارة وتمعن في بحثك وقارن كويس بعينك بين العربيتين واركب دي واركب دي واللي نفسك تميل ليها توكل علي الله..

تقبلوا جميعا تحياتي

**inspiron** · 04-03-2012 06:58 AM

المشاركة الأصلية كتبت بواسطة Batman372

بعد التحيه و السلام صديقى inspiron ،
انت زعلت ليه كده ؟؟ خلى عند روح رياضيه :) اكيد احنا ما نقصدش نضايقك :) و من جانبى تأكد انه لا يوجد اى انحياز او تحامل و انا فقط ركزت على الجانب الفنى و العملى و التاريخ و الحقائق الثابته ...
حضرتك قلت تجربتك ( و طبعا تحترم جدا) و الاعضاء قالوا رأيهم - و بالنسبه لى شخصيا فقد امتلكت العديد من السيارات منهم ( e46/ e39 / e60 / a4 / a5 ) ، و من فوائد المنتدى تبادل الاراء و المعلومات للافاده العامه خصوصا اننا كلنا من محبى العربيات.
بكده صاحب الموضوع الاصلى عند كل المعلومات اللازمه و الاراء لاتخاز قراره الخاص.
تحياتى لكم جميعا و بالتوفيق :)

والله ياباشا مش زعل اكتر منه استغراب ،، يعني انا شخصيا امتلكت ( e39,e46,a4,fantasia,jetta,opel vectra B CDX ) واخيرا ولله الحمد mercedes w220 فانا بتكلم من واقع امتلاكي سابقا للعربيات اللي بيدور عليها الحوار ،، وسردت كتابيا مزايا الفانتازيا كلها والفيديوهات الخاصة بعوامل الامان بتاعتها والكلام كمان علي اول فئة ولم اجد سوي تجاهل المشاركة والتمسك بان الجيتا احسن وخلاص وال e90 احسن وخلاص وان كان عاجبك بقي D:
ومن الواضح في مشاركتي اني مكتبتش حاجة عن الجيتا لان ينقصها حاجات مش موجودة فيها وموجودة في الفانتازيا علي الرغم من ان الفانتازيا اللي كانت معايا كانت اول فئة اوتوماتيك والجيتا كانت تاني فئة ومع ذلك ناقصة عنها ومن الممكن سرد بعض الامثلة للحاجات الناقصة زي المرايات الضم الكهربة، التعتيم للمرايات الجانبية، المساحة الخلفية، الاستبن الكونتينيتال، نظام الصوت الهارمن كاردن ، بعض وظائف الكمبيوتر المتحكم في وظائف السيارة، البلوتوث اللي تم اضافته مؤخرا في الجيتا بعد الفانتازيا، حساس المطر .... كل الكلام ده + عوامل الامان اللي تم ذكرها وبردو تلاقي الرد بغير الاقتناع،، اذا الافضل عدم المشاركة ،، وعلي راي حضرتك صاحب الموضوع يقدر يتخذ القرار بعد هذه المناقشة وبعد استخارة ربنا ،، والله الموفق