والله الدركسيون اعتقد انه حركتين اتنين فقط فوق وتحت
ولو حد يعرف عنده معلومة غير كدة ياريت يفيدنا :S_thum1[1]:
انا من ساعت ماجبت العربية بحط موبيل 1 وزي الفل مافيش فيه اي مشاكل
لحد اخر تغييرة دي زي الزفت بصراحة :crashcomputer3:
من ساعت ماحطيته وفيه خشونة وصوت الماتور عالي نسبيا !
قلت من فلتر الهوا غيرته بفلتر رياضي برضوا لسه فيه خشونة في صوت الماتور !
مش عارف بقى ده من الزيت ولا من ايه بس ارجح من الزيت لاني اول ماحطيته بدات احس بالخشونة ودلوقتي عامل بالزيت حوالي 3000 كيلو وبفكر انزله عشان اتخنقت فعلا منه :breakpc1:
معلومة جديدة بصراحة :B4_388: انا ماكنتش عارف الشرط الكتير دي بتعمل ايه لكن هجرب واقولكو :S_thum1[1]:
شوف يا باشا بالنسة لفتيس الياريس الاتوماتيكاقتباس:
انا كنت عايز استفسر عن حارات الاتوماتيك ايه فايدتها و حارة 3-d نخلى عصاية الفتيس لبره والا جوة .. هل غسيل الموتور وتشحيمها عموما بياثر على حاجة فى الياريس يعنى فى حاجة اقول للراجل يخللى باله منها والا عادى وشكرا ..
فهو مكون من التالي <<< قبل ده لازم تبقى عارف ان العربية 4 نقلات فقط !
P : ده يستخدم لما تيجي تركن العربية وبيفرمل العربية وبيمنعها من الحركة وطبعا المفتاح مش هيطلع من الكونتاكت الا والعربية على الوضع P
R : ده يستخدم عشان ترجع لورا ! معروفة http://www.nilemotors.net/Nile/image...1_1%5B1%5D.gif
N : يستخدم عشان تحط العربية على المور يعني بتمور العربية " بتفصل الماتور عن العجل" بحيث لو زودت بنزين العربية ماتمشيش وفي حالة العربية وهي على المور ممكن تتزق عادي !
D: ده Drive المفروض ان طول مانت سايق يكون الفتيس على الوضع D وده بيسمحلك بالسواقة العادية مابين الغيار الاول والتاني والتالت والرابع بدون اي مشاكل
3 : ده هتلاقيه على شمال حرف D او بالاخص (D- 3) كدة المقصود انك لو وديت الفتيس للحارة الشمال هيكون على الوضع 3 ولو وديته للحارة اليمين هيكون على الوضع D مش مقصود انه ثري دي ولا حاجة http://www.nilemotors.net/Nile/image...um1%5B1%5D.gif
يعني انت لو حركت من ال N ونزلت لتحت كدة انت بقيت على ال D
لو وديته حركة شمال هتبقى على ال 3
طيب ال 3 ده بيعمل ايه ؟ ؟
ده بيخلي العربية ماتنقلش للغيار الرابع يعني يكتفي للغيار الثالث فقط
يعني العربية هتمشي معاك عادي جدا اول وتاني وتالت بس استووب مش هتدي الرابع !
ننزل بالفتيس تحت شوية من 3 الى 2
2 : ده يبقى العربية هتنقل معاك اول وتاني فقط ! مش هتدي لا التالت ولا الرابع
L : يبقى العربية هتفضل على الغيار الاول فقط !
طيب امتى نستخدم L ,2 ,3
دول تستخدمهم عموما لما تبقى محتاج عزم قوي او تسارع قوي للعربية واكنك بالظبط قلبت العربية مانويل لو هتحول الفتيس الى L يبقى لازم بعدها تنقل بايدك الى 2 ثم الى 3 ثم الى D عشان لو مانقلتش هتحرق الفتيس والعربية هتجيب وش سلندر ! !
ايووووووة حصلت مع واحد زميلي كان طالع على الصحراوي وميعرفش انه المفروض يسوق على ال D وسايب العربية على وضع 3 ! !
وفضلت العربية على الغيار التالت مانت مش سامحلها انها تروح للغيار الرابع :breakpc1:
وبعدين ! ! التالت في الياريس اخره 160 ! بعد كدة هتبدا تدخل في الريد زون والماتور يفصل ولازم ياما تخف السرعة ياما تحول الفتيس على ال D عشان تروح على الرابع !
المعلم سايب العربية ودايس ! والماتور عمال يفصل منه وهو مش واخد باله ! :breakpc1:اللمبة اللى المفروض لونها بيبقى اخضر وعليها Cool قلبت احمر ! وطلعلته لمبة الحرارة وهووب العربية جابت جوان وش سلندر ! ! :crashcomputer3:
يعني بإختصار انت كسواقة عادية خليك على ال D
حبيت تجري وتشد ممكن تسقط نقلات وتحول العربية على المانويل بس تخلي بالك من ال RPM مايدخلش منك في الاحمر عشان انت قلبت العربية مانويل ! ! فلازم تنقل بنفسك
برضوا عشان الغيارات دي بتدي عزم قوي للعربية فبينصح انها تستخدم في المطالع الجامدة :B4_388:
وفي نفس الوقت ممكن تعزز بيها ثبات العربية ! ! ازاي ؟ ؟
مثلا كنت من حوالي اسبوعين راجع من طريق الواحات وداخل على ملف على سرعة 140 ! حسيت العربية خفت مني خاصا ان كان المفروض اخد الملف في حارتي عشان فيه عربيتين على يميني وشمالي
رحت محول الفتيس ال 3 ! كدة انا سقطت تالت طبعا ماينفعش احوله الى 2 وانا ماشي على 140 ! كدة انا بحرق الماتور !
العربية كلبشت والعزم اداها ثبات وخدت الملف بدون مشاكل ! !
انت جرب بنفسك خليك مثلا ماشي في شارع على سرعة 60 على سبيل المثال وبعدين سيب رجلك من على البنزين وحرك الفتيس من ال D الى 2
دوس بعدها بنزين وسيب رجلك من على البنزين بص على ال RPM هتلاقي لسه عالي ! مانت محولها مانويل ! ! http://www.nilemotors.net/Nile/image...um1%5B1%5D.gif
دوس بعدها بنزين تاني واستمتع باقوى عزم للعربية ! ! بس ماتنساش تنقل بعدها ل 3 ثم D
ويفضل لو انت مالكش في الجري والحرق يبقى تخليك علطول على ال D ولما تحب تتجاوز عربية تقل رجلك على البنزين حبتين وده انسب حل عشان تحافظ على العمر الافتراضي بتاع الفتيس وزيت الجير بوكس :B4_388: