الموضوع: عايز رأيكوا فى موضوع خاص جداااااااا

المشاركة الأصلية كتبت بواسطة car's sniper

بناء على الردود ، فعلا الله اعلم باللى جوا اى انسان نشوفه
وسهل جدا الحاجات دى تتعرف لو طولت فترة الخطوبة وشفت البنت وهى متعصبة مثلا او فى لحظة انعدام تركيز ..كل الحقايق بتبان فى اللحظات دى
بس المشكلة ان والدتها صاحبة والدتى من وهما صغيرين و اختها صاحبة اختى من ايام الثانوى ومش عايز اكون سبب فى اى توتر فى العلاقة مابينهم
فكان نفسى اعرف معايير الحكم على الانسان اللى قصادى من بعيد
بالنسبالى مثلا البنت اللى تكلم ولاد ..دى خلاااص ..بتتمحى من دماغى ...دا معيار عندى من غير مااعرفها او اكلمها
فكنت باتكلم فى معايير مشابهة
والبنت زى ماقلت مرتاحلها نفسيا وكله تمام بس المشكلة هى فى الجزء المخفى من شخصيتها اللى كنت عايز اعرف اوصله ازاى
انتوا شجعتونى لخطوة جديدة الله اعلم بنتايجها :) :)
ونفسى "اظفر بذات الدين " فعشان كدة عايز رأيكوا ..اروح افاتحها فى الموضوع دا واكلمها عن النقط اللى مقلقانى دى ولو حسيت انها مش راكبة معايا انسى الموضوع كله ولا ايه اللى المفروض يتعمل؟؟
اعذرونى على جهلى بالموضوع دا لان اول مرة اتحط فيه واعتبرونى زى ابنكم او زى اخوكوا الصغير وانصحونى من المنطلق دا وبجد كلامكوا بيفيدنى جدا وبيظهرلى جوانب جديدة للموضوع ماكنتش شايفها

حتة المعرفة العائلية, لو لا قدر الله ما حصلش نصيب دي خطوبة يا عم مش جواز يعني فترة تعارف
و الناس الكبيرة اكيد فاهمين دة و ان ما حصلش تفاهم عادي جدا ما تقلقش خالص,
مش هاتبقي زي اما تبقوا قرايب و ما يحصلش نصيب و الامور تمشي عادي جدا و بمرونة :-)
و اوعي يكون خوفك من توتر العلاقة يخليك تكمل و تتغاضي عن حاجات في السكة انت مش راضي عنها, اوعي.
من برا المعايير اختك المفروض هي اللي تظبطك في الحتة دي :-)
اما بقي الجوي جوي بتاعها لازم تحتك انت بيها و يا سلام بقي علي الخناقات مممممم جميلة
بتطلع كل المستخبي فعلا بس اوعي تتلككلها ما تبقاش خنيق :-) عشان ممكن ببساطة هي اللي تفكسلك !!!!!
حتة تروح تفاتحها في النقاط اللي مقلقاك, عذرا اخي, من انت؟؟!!
بالنسبة لها يعني,
عشان تدخل في تفاصيل ليها و حياتها الشخصية, مش طريقة خالص و انتوا اساسا مافيش بينكوا لسة عشم والا اي لغة حوار حتي.
رأيي
تسلط اختك الاول كدة و تهريهه اسئلة و هي تعرفلك اللي تقدر تعرفة, كرومبو بالضبط
و بعدين لو الدنيا حلوة,
في رأيي تستخير ربنا و تتقدم و قراية فتحة لذيذة و يبدأ دورك بقي في المعرفة الواضحة للشخصية و الطباع و كوووووووول حاجة بس بالطريقة لا مؤاخذة, مش نظام تحقيق و س و ج.
و دة رأيي و ربنا يكرمك ان شاء الله

المشاركة الأصلية كتبت بواسطة zangry

طب حضرتك كبير واكبر مني بخمس سنين وانا مش لاقي اللي ينصحني مكسوف احكي عشان محدش يتريق علي سني

يا عم قول مالك
انا خطبت و انا اصغر منك :-p

المشاركة الأصلية كتبت بواسطة zangry

طب حضرتك كبير واكبر مني بخمس سنين وانا مش لاقي اللي ينصحني مكسوف احكي عشان محدش يتريق علي سني

مكسوف من ايه او مكسوف من مين؟؟
هاقولك على حاجة ممكن تكون مفاجأة ليك
الشخص اللى بيكلمك دلوقتى دا انطوائى جدا لدرجة انه مابيفضفضش لحد بأى مشكلة ..فاهم قصدى ..يعنى لما اكون مخنوق وطهقان باكتم جوايا واسكت حتى لو هانفجر ولا انى اعرف حد سر من اسرارى
ومع ذلك كتبت الموضوع دا :)
قول اللى فى نفسك واسمع كل الاراء يمكن تتقال قصادك حاجة مكانتش على بالك :)

المشاركة الأصلية كتبت بواسطة Hmatchy

انا موافق الاستاذ نبيه فى كل كلامه وعجبنى اوى
انا كمان شاب 26 سنه وفعلا كلامه انه شايفه اقرب كلام للواقع اللى بنعيشو
والدليل كلنا بنشوفو فى الشارع كل يوم ولو حد من الاعضاء طلع وقلى انو نزل فى يوم ومشفش واحده محجبة او لبسها محترم بتعمل تصرف غلط يبقى هوا عايش فى عالم تانى غير اللى احنا عايشين فيه
للاسف الهدوم و اللبس مبقتش معيار للدين وده ليه اسباب كتير منها التعود ومنها الكذب
التعود بيجى لما البنت تكون من صغرها متعوده على نوع معين من اللبس وللاسف مش حاسه او مش فاهمه انو خلط والنوع ده انا شخصيا معنديش مانع ارتبط بيه
اما الكذب فا بيجى علشان البنت بتكون عاوزة تتجوز والنوع ده انا شخصيا كنت هتدبس فيه
انا كنت خاطب قبل كده كانت محجبة ومن عيلة و لبسها مش ضيق ولا وحش بالعكس محترم جدا
وكانت عايشة فتره من عمرها فى السعوديه و كل اللى نفسى فيه
بس لما قربت ودخلت البيت كواحد منهم لقيت عكس كده خااااااااااالص ومستوى الحوار اصلان بينهم فى المنزل انا عمرى ما شوفتو عندى فى البيت مع ان لو شفت عيلتى و شفت عيلتها هتقول انهم ملتزمين اكتر مننا لكن الالتزام مش بالشكل
انا ياما شفت بنات مش محجبة وفى منتهى الاحترام و الادب وبردو فى بنات محجبه فوق راسى علشان ميطلعش حد يقولى انى ضد الحجاب ونبعد عن الموضوع
بس كل اللى اقصده ان علشان تلاقى بنت متدينه وبتراعى ربنا ومحترمه وتكون عارف تربيتها وتلاقيها فعلان مش بتكلم ولاد ولا ليها فى شغل الصحوبيه والكلام ده يبقى دى كنز فى الايام اللى ما يعلم بيها الا ربنا دى يا راجل انزل اقف قصاد مدارس اعدادى بنات مش ثانوى لالالالا اعدادى وشوف البلاوى
انا معاك ان فى بنات متدينة جدا ومحترمة ولبسها معلهوش اى تعليق وكل الكلام ده بس ممكن فعلا زى ما نبيل قال تلاقى مختلفة الطباع وللاسف النوع ده من البنات مش هتعرفوا الا بعد الجواز لانها بتكون قافلة اى باب للحوار يعنى بردو انت وحظك
وكمان انت بتقول انك مقصر شوية طب ما تاخد اللى مقصرة شويه وعجباك و تكملو التقصير اللى عندكو وتشجعوا بعض وربنا يكرمكوا
طلاما مرتاح ليها يبقى صلى استخارة و اتكل على الله و اتكلم معاها وشوف دماغها
انا واقع فى نفس مشكلتك لانى شاب زيك وشايف البنات عامله ازاى وكميه النفاق اللى بتبقى من البنت و الاهل وللعلم فى شباب منافقه بردوا انت اعمل اللى عليك وشوف تصرفتها و اللى فهمتوا من كلاماك انك مطلع على تصرفتها وشايفها بتتعامل ازاى من غير ما تكون بتتجمل قدامك
يعنى على طبيعتها بدل متاخد واحده تعملك البحر طحينة وفى الاخر مش هتلوم الا نفسك

جيت عالوتر الحساااس ..حتة ان البنت المتدينة بتبقى قافلة اى باب للحوار ودا اخاف منه جدااااا لان الله اعلم بسلوكها ايه

وفعلا لانى مقصر مش عايز اعرف واحدة متدينة عنى بمراحل لانها بدل ماهتجذبنى ليها ممكن تحبطنى وتجيب نتيجة عكسية :(
ولما سألت اختى عنها قالت انها محترمة ومالهاش علاقات كتير (انطوائية) واصحابها محترمين جدا وقالت انها بنت كويسة جدااا وبنت ناس ولذيذة اووووى..دا بالظبط اللى اتقالى عنها من اختى اللى ياما اتعاملت معاها وطبعا لما سألت اختى كنت مفهمها انى بسأل عليها لواحد صاحبى ههههههه

المشاركة الأصلية كتبت بواسطة masterzmind

مع احترامى للمبدأ بتاعك انا كدة برضوه بس من الواضح تغيرت وجه نظرك فى (س) عندما علمت ان يوجد احسن واجمل وعلما انك لو مكنش اتقال هذا الاكلام امامك لما فكرت فى ان ترتبط بواحدة اجمل ولبسها كويس دى اول نقطة
في النساء ثلاث خصال من خصال اليهود . . يحلفن وهن الكاذبات، ويتظلمن وهن الظالمات ، ويتمنعن وهن الراغبات . . فاستعيذوا بالله من شرارهن، وكونوا من خيارهن على حذر

بصراحة ايوة ..من اول ماسمعت الكلام دا تفكيرى يعتبر اتشل مع انى مش بتأثر بكلام الناس اساسا لكن الكلام دا كان بيطلع منى فى يوم من الايام وكنت انا اللى باقوله لغاية ماكتشفت ان مافيش بنت perfect والشاطر هو اللى يعرف يلاقى البنت اللى فيها عيوب قليلة وبسيطة
فلما فكرت بينى وبين نفسى قلت ليه ماشفش اللى احسن من دى فى الحاجات اللى شايفها عيب فى (س)
بس زى ما hmatchy باشا قال ..البنت الاكثر تدين بتكون قافلة اى باب للحوار واللى ممكن اكتشف بعد الجواز انى مش هاعرف اتأقلم معاها نفسيا
واول مرة اسمع كلام الثلاث خصال دول بس فعلا هما كدة وعن تجربة..تجربة ماتخصنيش بس كنت اتجرجرت فيها ..والتجربة دى هى اللى خلتنى افكر 1000 مرة قبل مارتبط ببنت

المشاركة الأصلية كتبت بواسطة MNabeih

حتة المعرفة العائلية, لو لا قدر الله ما حصلش نصيب دي خطوبة يا عم مش جواز يعني فترة تعارف
و الناس الكبيرة اكيد فاهمين دة و ان ما حصلش تفاهم عادي جدا ما تقلقش خالص,
مش هاتبقي زي اما تبقوا قرايب و ما يحصلش نصيب و الامور تمشي عادي جدا و بمرونة :-)
و اوعي يكون خوفك من توتر العلاقة يخليك تكمل و تتغاضي عن حاجات في السكة انت مش راضي عنها, اوعي.
من برا المعايير اختك المفروض هي اللي تظبطك في الحتة دي :-)
اما بقي الجوي جوي بتاعها لازم تحتك انت بيها و يا سلام بقي علي الخناقات مممممم جميلة
بتطلع كل المستخبي فعلا بس اوعي تتلككلها ما تبقاش خنيق :-) عشان ممكن ببساطة هي اللي تفكسلك !!!!!
حتة تروح تفاتحها في النقاط اللي مقلقاك, عذرا اخي, من انت؟؟!!
بالنسبة لها يعني,
عشان تدخل في تفاصيل ليها و حياتها الشخصية, مش طريقة خالص و انتوا اساسا مافيش بينكوا لسة عشم والا اي لغة حوار حتي.
رأيي
تسلط اختك الاول كدة و تهريهه اسئلة و هي تعرفلك اللي تقدر تعرفة, كرومبو بالضبط
و بعدين لو الدنيا حلوة,
في رأيي تستخير ربنا و تتقدم و قراية فتحة لذيذة و يبدأ دورك بقي في المعرفة الواضحة للشخصية و الطباع و كوووووووول حاجة بس بالطريقة لا مؤاخذة, مش نظام تحقيق و س و ج.
و دة رأيي و ربنا يكرمك ان شاء الله

هههههههههههههههههههههههه انا مش بالسذاجة دى عشان اروح اقولها كدة من اول مرة ولا حتى من تالت مرة مش عاجبنى فيكى كذا وكذا ..صحيح ..من انا ؟؟ بالنسبالها؟؟ :)
فكرتنى بواحد صاحبى اتقدم لبنت وفى تانى مرة جاب سيرة اخوها وقال لها "اخوكى بايظ" :)البنت رجعت معيطة لبيتها واتخانقت مع اخوها والدنيا كلها باظت والحوار انتهى بسبب الكلمة دى وفى الاخر قصد صاحبى بكلمة بايظ انه بيشرب سجاير ههههههههههههه

قصدى ان وسط الكلام افتح الموضوع دا واتكلم كلام عام واسمع منها رأيها وبعد كدة اشخصنه شوية واسألها كان هايبقى ايه رد فعلها لو حصل كذا مثلا :)..فاهم حضرتك الاسلوب دا؟؟ من غير مااجيب سيرتها اساسا :)

النهاردة هاستلم اختى وهاعرفها كل حاجة وامرى لله ولو كلامها طلع ايجابى هاصلى صلاة استخارة وربنا يقدم اللى فيه الخير
وعايز اعرف بقى الخطوة الجاية تتعمل ازاى؟؟ يعنى ازاى تفتحوا مع بنت موضوع زى دا ؟؟
مش عايز اكتر من البدايةبالتفصيل وسيبوا الباقى عليا ههههههههه

هقولك كام حاجه خدهم من اخوك
بص على الاهل لولقيتهم ناس محترمه و متمسكين بالاصول
بص على البنت لو لقتها هاديه و بتسمع الكلام وجميله من وجهة نظرك و ارتحتلها
اتكل على الله بعد كده لولقتها مش بيتاعت حورات و مش بتكدب اعرف انك سهل تغير فيها اى حاجه مهما كانت
لومن نحيت الدين هى مهمله شويه مع نصيحك هتبتدى تهتم
لولبسها عليه ملحظات قولها واحداتنين تلاته هتعملو عن اقتناع
نصيحه منى انا لولقتها بتكدب او عنديه على طول دراعك وارمى
اهم حاجه ترتحلها و تكون مليه عينك