الموضوع: لانسر ( فوجات a4 )

السلام عليكم و رحمة الله وبركاته

ازيكم يا لانسراوية

أنا شفت الفكرة دى فى طنطا و نفذتها برضه فى طنطا

روحت محل كماليات و اكسسوارات عادى خالص

قلت له / أنا عايز فانوس الشبورة العريض بتاع لانسر

الراجل وكأنه مسمعش حاجة جديدة أو مختلفة

رد فى التو و اللحظة وقال لى موجود / وجابلى فوانيس أوكتافيا بس مش عارف a4 ولا a5

لأنى الحقيقة مليش فى الأوكتافيا

بس مطولش عليكو سألتوه أركبهم فين / دلنى على واحد سمكرى عشان يفك الاكصدام و بعد كده واحد بتاع فيبر عشان يلحم الفانوسين

هما الفانوسين كان فيهم مكان لمسامير بارزة من الفانوس من ورا

راح قطعهم بالصاروخ وساواهم ولحمهم بسلك زى بتاع سلك الشبابيك اللى بيمنع الناموس فى البيت بس تخين جدا

وثبتهم فى الفيبر من غير ما يقطع من الفيبر ذرة

لأن شكل الفنوسين فعلا و كأنهم جايين عشانها

والراجل مشكورا خد 50 بدل 70 ده غير السمكرى خد 40

مع العلم يا جماعة المصنعية فى بحرى غالية نااااااار بس ايديهم نضيفة بصراحة

ده غير جبت طقم زينون كلفنى حوالى 350

يعنى الحسبة يا جماعة الصراحة صرفت جامد ودخلت فى حوالى 700 ج

بس الصراحة بعد ما تشوف منظرهم وهما منورين مش هتندم انك صرفت ده كله عليها

ده حتى شكلها فى النهار من غير الاضاءة رهيييييييييييييب جدا

أنا آسف جدا ع الاطالة بس للى حابب يستفيد وياخد معلومة

شكرا

وانا كمان كان نفسي اعمل كده
بس الكهربائي بتاعي قالي على فكرة جديده
في حاجه اسمها عدسات وهي فوجاتن مدورة بس اكبر من الااصلي بتاعت البومه بس تركب فى نفس المكان الظاهر انها بتاعت رينو او يمكن لانوس المهم انها بـ85 جنه بس وتركب ب 10 جنيه من غير خلع اي حاجه ومن بعيد تبان انها الاصلي بتاعه العربيه بس بالليل نورها فله شمعه منورة من غير زينون وفي صاحبي ركب لها زينون بقت تحفه
ومن غير ما اعدل حاجده فى العربيه علشان محدش يقول ملعوب فيها ..

لا مفيش لعب فى العربية ولا حاجة

أصل الاكصدام ده فيبر ممكن يتعدل ممكن تشيله وتحط واحد غير ه عادى يعنى

طالما مجتش ناحية جسم العربية خلاص مفيش مشاكل

أما بالنسبة للعدسات فالفوجات الأصلية بتاعة الانسر عدسات برضه بس صغيرة

زى بتاع الرينو و اللانوس بالظبط

وقوتهم واحدة سواء عدسات لانسر أو لانوس

وعلى فكرة الرينو فانوس مش عدسات

بمناسبة موضوع العدسات ده .. انا مركب عندي زينون في الفوجات الاصليه بتاعت البومه .. نورهم كويس بس مش واو يعني ومش بيفرش كتير ولا مسافه بعيده لانه اولا صغير وتانيا لانها عدسه ... الكهربائي قالي ان الازازه بتاعت الفوج زيها زي اللانوس بتبقى فيها عدسه وعشان كده العدسات بيشتت الزينون شويه... لو من غير عدسه كانت هتبقى اقوى وخصوصا انها كمان مفيهاش عواكس
الكلام ده عمليا متهيألي مظبوط مش كده؟

لكن ما شاء الله الشغل ببتاعت الاوكتافيا عالي عالي

المشاركة الأصلية كتبت بواسطة ahmed_bq

بمناسبة موضوع العدسات ده .. انا مركب عندي زينون في الفوجات الاصليه بتاعت البومه .. نورهم كويس بس مش واو يعني ومش بيفرش كتير ولا مسافه بعيده لانه اولا صغير وتانيا لانها عدسه ... الكهربائي قالي ان الازازه بتاعت الفوج زيها زي اللانوس بتبقى فيها عدسه وعشان كده العدسات بيشتت الزينون شويه... لو من غير عدسه كانت هتبقى اقوى وخصوصا انها كمان مفيهاش عواكس
الكلام ده عمليا متهيألي مظبوط مش كده؟

لكن ما شاء الله الشغل ببتاعت الاوكتافيا عالي عالي

الله يخليك يا باشا وأتمنى أشوف كل عربية لانسر زى كده

متتصورش أنا بحب العربية دى أد ايه