الموضوع: مسحات عربيتى معلقة ؟

شو ف كهربائى كويس يظبط الماكنه وحاول ماتحطش حاجه فى سدر السياره بجوار الماكنه لانها ممكن تعلق منها وتحرق الموتور وتمن الماكنه استيراد75جم

الموضوع سهل على فكرة مش صعب انا فكيت كله حته حته وفهمت هيا بتشتغل ازاى وعرفت اوصل للعيب باقل التكاليف والمساحات دلوقتى شغاله زى الفل مع انى فالاول رحت لكهربائى وخد 40 جنيه وعبال مارجعت البيت كانت باظت بس مقدرتش ارجعله تانى لانه كان بعيد عليا فى الحرفيين وعموما حاول ولو معرفتش تعالى ونعملها مع بعض مفيش مشكله

ياريت تقول فكره عمل المساحات ازا ى على شان نفهمها

المساحات بتتكون من:
1- الموتور وده متثبت ب3 مسامير من الخلف
2- الشاسيه وده متثبت بمسمارين تحت الموتور وصموله رابطه الموتور بالملف وصامولتين اللى هما مكان المساحات
اول حاجه بتفك الموتور بعد كده الشاسيه بتشوف الماتور شغال كويس لما بتوصله بالكهربا ولا لاان كان بيفوت ففيه جواة 3 مسامير بتفكهم عادى جدا وجوه هتلاقى ترس ساعات كتير بتلاقى الترس ده اتاكل من كتر الشغل بيتغير عادى بس اياك والصينى ملهوش اى لازمه تمام ومتنساش تديله حته شحم بعد ماتغيرة
تانى حاجه الشاسيه ده تفكه خالص وتغسله ببنزين او جاز وتحطله زيت فى الاماكن اللى بتتحرك فيه وتركبه
وكدة هيشتغل معاك زى الفل بس لازم تدعيلى بقه فى الاخر هههههههههه
اخوك اللى قرف من الصنايعيه فققررت اعتمد على نفسى فى بعض حاجات..........

محدش رد يعنى ولا الكل راح يجرب الموضوع بنفسه انا شويه وهلاقى الصنايعيه بتقولى وقفت حالنا ردوا يا جماعه حسسونى انى قلت حاجه

المشاركة الأصلية كتبت بواسطة besokate

محدش رد يعنى ولا الكل راح يجرب الموضوع بنفسه انا شويه وهلاقى الصنايعيه بتقولى وقفت حالنا ردوا يا جماعه حسسونى انى قلت حاجه

والله ما حد يقدر يتكلم فى حقك بكلمة فجزاك الله كل خير ألف شكر أخى ونتمنى مشاركاتك دائما معانا مش فى المساحات بس