الموضوع كبر اوى منى وعايز رأى الخبراء

**GMC** · 07-03-2012 05:06 PM

طالما معندكش خبره ومش حتعرف تعمل حاجتك بنفسك روح لميكانيكي قبل ما حاجه تانيه تخرب؟ متستخسرش انا اعرف واحد استخسر وفي الاخر طلعت القطعه الي بتمسك البستم مسمار منها طار فضل يتاخر لغاية المتور كله ما خبط واضطر يعمل عمره كامله وكلفته 2800 جنيه تقريبا ... كان ممكن يعدل القطع بتاعت البستم ب 200 جنيه بس فا روح لميكانيكي ومتتأخرش عموما الميكانيكيه كالاتي

شامبور في الحلميه ( لازم يكون عندك خبره لو حترحله عشان ميشتغلكش)

محمد انور في الملك الصالح ( لو معندكش خبره عاديي مش حيشتغلك هو بيشتغل بضمير)

احمد فهمي ( عنده ميكانيكي كويس)

الشهاوي ( الميكانيكي اسمه هاني الي عنده كويس)

حملها على نص نقل وروح لحد فيهم وخلاص

**Amo0o0oRa** · 16-03-2012 05:26 PM

طب انا سألت زيدان قالى كده يبقى ابر عوامه او ابر عوامات حاجه زى كده ومش موجوده فى المحلات

وقالى اجيب كربيراتير استيراد

ايه رايكو فى الكلام ده؟ ممكن يكون صح ولا ايه وايه ابر العوامات دى والكربيراتير يعمل كام؟

**sno7y** · 18-03-2012 08:53 PM

مينفعش حد يقولك على المكنه فيها ايه من غير ما يشوفها
وموضوع الابر ده رخم شويه بس موضوع كربراتير استيراد ده ارخم منه فا حاول تشوف حل الاابر دى

**sherivanov** · 19-03-2012 03:55 AM

أنا فهمت من كلامك إن المكنة دايرة ( ده لمّا كانت دايرة يعني ) بس مش بتزوّد لما إنت بتزوّد .. هو ممكن يكون كابل الأكسيليريشن (الثروتل) مقطوع .. كابل بنزين .. شوفه و إتأكّد منّه

موضوع المكنة مش بتدور غير زق .. حاجة من إتنين إن شاء الله .. بوجيهات أو ريكتيفاير .. شيّك عليهم

و خلّينا متابعين معاك و إن شاء الله خير