السلام عليكم
العربيه كنت ماشي بيها زي الفل ومافيش اي حاجه خالص vectra b 2000cc جيت من مشوار من كام يوم وركنتها عادي
جيت اخرج بيها تاني يوم لقيتها مش عايزة تمشي جبت ال D والمفروض من غير حتي مادوس بنزين بتمشي
زودت بنزين وال rpm علي لقيتها نطت كدا ومشيت مرة واحده وطالعه سريع
ونفس الموضوع بردو لما بجيب ال R مش بترجع علي طول لازم ازود بنزين كتير
اتخنقت منها سيبتها مركونه وروحت النهارده اشوف فيها ايه
كشفو عليها كمبيوتر ظهر انها مسجله حساسين في الفتيس ( كولنت & اوت بوت )
لقيت تمنهم الاتنين 450 جنيه بالمصناعيه قولت أمري لله في الجو دا عايز اخلص وامشي ومش طالبه حرفيين.
جابو الحساسين وركبوهم وبردو نفس المشكله فضلو يجربو الفيش بتاعت الحساسات ومشيو ورا ضفيرة الحساسات بردو نفس الكلام
جربو كل حاجه كانت الساعه خلاص داخله في واحده بالليل في الجو التلج دا
في الاخر سيبتلهم العربيه وخدت تاكس بالعافيه وروحت البيت
.....
كدا ايه الموضوع بقي ؟ الفتيس بايظ ولا في حاجه معينه حد يقولي عليها اخليهم يبصو عليها يمكن هي السبب
انا من ساعه ما جيبت العربيه دي ماكملتش 3 شهور اهو وريتني اللي ماشوفتهوش في 3 سنين كامله اللي كنت راكب فيهم الجيب شيروكي.
مع ان العربيه كنت جايبها حالتها نضيفه مش فاتحه بؤها ولا حاجه وصرفت عليها كتيييييير اوي لحد دلوقتي وكل ما اقول خلاص كدا الاقي مشكله جديده بس مش عارف فيه ايه
انا قررت ان شاء الله لو فيها عفريت هعمله وخلاص هبيعها ..وكفايه اوي كدا عليها ولا هركب اوبل تاني
وياريت حد يقولي تمن الفتيس كام استيراد ؟؟؟؟؟؟؟
ايه كل اللي انا كاتبه دا !! معلش طولت عليكو