الموضوع: اشتري مين فيهم من غير ندم

نسيان صنى 2003: عربية تقفيل يابانى, أسمع انها اعتمادية جدا, قطع غيارها أعتقد حراقة حبة, ماتورها مش بتاع جرى أوى بس لو هتجيب مانيوال يبقى مش هتضايق جامد, المبلغ المعاك يجيب حالة جيدة, و ان كنت افضل انك تدور على موديل 2005, لانه الموديل الوحيد فى الصنى ال 1600 و يابانى حتى لو هتزود بسيط اوى عن الميزانية المعاك.

matrix 2006: عربية انا بستمتع بركوبها شخصيا, واسعة, عملية, بتاعت شغل, ماتورها و عفشتها و تكييفها قوى, بس مش كل الناس بتحب شكلها, اسعار قطع الغيار معقولة, بس لو عاوزمنها حالة يبقى لازم تزود حبتين بردو.

golf 1999 و باسات 99 و زود عليهم بورا 2000: الجولف لو 1400 يفضل تبعد عنها مش هتأدى معاك بس ممكن تدور على 1600 منها و لو كده يبقى أحسنلك تبص على بورا 1600, ساعتها هتاخدعربية بشنطة و أعتبرها أشيك من الجولف و الباسات و ماتورها قايم بيها كويس, يعيبها انها ضايقة من ورا و عفشتها ناشفة شوية و كلهم بيحتاجو مواظبة فى الصيانة و قطع الغيار, بالنسبة للباست هيا أوسعهم و أجملهم عفشة (بس أغلاهم عفشة بردو) لكن ال 1600 قليلين عليها, مشكلو ال 3 عربيات دول ان كلهم قدام و هتحتاج تدور جامد عشان تلاقى حالة, يا كده يا تجيب عربية جولف وقيع ب 50 و اساسيتها سليمة و تسقط ماكينة بفتيسها بعفشتها بالضفيرة, بس طبعا لو ملكش و معندكش حد دايس فى الكلام ده يبقى فكك و حاول توقع حته بورا مانيوال.

bmw e36:صعب تلاقى حالة اوى و الاشتغالات فيها كتير, و الالمانى عامة هتلاقى عربيات انصاص كتير فى السوق خصوصا ال بى ام و بعديها الجولف و البورا, بس طبعا لو لقيت حالة يبقى ماتتسبش.

accent 2006: معرفش انتا تقصد الشكل القديم ولا النيو اكسنت, بس هعتبرها النيو, الميزة الهتاخدها ان الفلوس المعاك ممكن تجبلك موديل 2008 و حالة جيدة, بس هى أقل احدة من الفات.

من الأخر بعد مادوختك: عليك على حاجة من الثلاثة, صنى 2005 يابانى 1600 أو ماتركس أو بورا 1600 ,المهم فى الثلاثة هى الحالة الجيدة و خصوصا البورا حتى لو هتزود بسيط عن المبلغ المعاك.

بسم الله الرحمن الرحيم
الاجابه تونس -- قصدي اوبل -- :)

ماتريكس ... وراها نيسان صنى