الموضوع: عايز اعرفها اللي في قلبي بس مش عارف d:

المشاركة الأصلية كتبت بواسطة أحمد كمال

فكرتني بنفسي من 7 سنين ...... و في الاخر خدت خازوق السنين و اسطوانة انت مليون بنت تتمناك بس انت زي اخويا ههههههههههههههههههه...... و مفيش شهرين و اتجوزت واد سيس من بتوع نص كيلو جيل و 5 زراير مفتوحين و سلسلة جنزير ....... كانت ايام سودة ...... كنت تقريبا قدك دلوقتي ....... و كنت برضه متخيل ان فيه حاجة و ان فيه قبول و ان و ان و ان ...... و في الاخر طلعت اوهام .......

تقريبا ده اللى بيحصل لما شاب يبقى لسه متخرج واشتغل جديد وعنده 22 ولا 23 سنة وياسلام بقى البنات فى الشغل اشكال والوان وتعجبك واحدة وتكلمها وتسمع الجملة الشهيرة انت مليون بنت تتمناك بس انت زي اخويا يا اما تبقى معجبة بيك وتدخل فى حوارات تانية انتى واقفة مع ده ليه وبتهزرى مع ده ليه نصيحة منى ليك لو عايز تتجوز وتعف نفسك وتكون اسرة اتجوز واحدة اصغر منك على الاقل من 4 الى 5 سنين وبعدين انت لسه سنك صغير اصبر على الاقل سنتين كمان هتعرف الدنيا فيها ويكون عندك خبرة شوية فى الحياة لان الشخص فى السن ده اللى بيبقي شايفه بيبقي مقتنع ان هو ده الصح ومفيش غيره حتى لو اقرب الناس قاله ده غلط

المشاركة الأصلية كتبت بواسطة screenplays

نفس موقفي بالظبط و في الاخر اتخطبت لعيل مشحم و مزيت و شكله عجلاتي اساسا و رفضتني انا بتاع البدل الايطالي و اللغه الانجليزي نفسي افهم بس ليه ؟

انت شايف انه مشحم ومزيت وشكله عجلاتى بس فى الاول والاخر ده نصيب وكل واحد نصيبه متشاله انا اعرف واحد صاحبي خطب وتمام التمام وحصل مشاكل بين العيلتين وهو متمسك بيها بس محصلش نصيب وهو اتجوز وربنا كرمه بنصيبه وربنا رزقه بولد وبنت وهيه لسه قاعدة لغاية دلوقتى ونفس الموقف حصل معايا انا شخصيا

المشاركة الأصلية كتبت بواسطة ahmadmidop

الف شكر يارجاااااااااالة على المناقشة اللذيذة دي .... اولا امبارح حصل ظروف وماجتش الشغل ... وبصراحة كان مزاااجي عجيب الناس تقولي مااالك ااقول مافيش حاااجة ... المهم وصلت الشغل النهاردة طبعا سوقت الطناااش على الاخررررر .... وكمان انا شغلي لمدة اسبوع هيبقى شفت بليل بدل الصبح :( يعني معنتش هروح الصبح
- شنوري حبيب هارتي لا ياااعم عرفت وحبيت وكده بس ده في الكلية وكان في حوار كده بس انا ساعتها كنت طالب ومقدرتش اخد اي خطوة ولا قرار وجه ابن الحلال خطب وسافر على الكويت مش عارف حاسس ان انا منحوووس d:

حب الكلية حاجة وحب بنت فى الشغل حاجة والجواز حاجة تانية خالص ربنا يكرمك ويرزقك بالزوجة الصالحة وان كانت البنت فيه خير ليك ربنا يتمم لك الموضوع ان شاء الله وان كان فيها شر يبعده عنك

المشاركة الأصلية كتبت بواسطة screenplays

بدل ما نخش في جدل عقيم

22 سنه + زميله عمل = حاجتين

يا اما هترتبط بيها و علاقتك بيها هتبوظ عاجلا اجلا بسبب الشغل و هتخسر انت شغلك

يا اما هتصارحها و هتنفضلك و ساعتها الشغل هيبقي جحيم و هتخسر شغلك برضه

خساره الشغل العامل المشترك الاصغر فنفض لهذا الموضوع احسنلك

لان الشغل اهم منها هي شخصيا حتي لو كانت ناديا جورلين

دي الخلاصه و رأيي الشخصي و رؤيتي المتواضعه للامر من خلال خبراتي الحياتيه

فعلا انت كده جبت من الاخر وانا نصيحتى ليه ان لسه سنه صغير ومعندوش خبرة فى الحياة