م.عبد الجليل.ازاى حضرتك ونورتنا فى قسم هيونداى ومتنسناش بقى من مواضيعك ومساعداتك المميزة(وخصوصا فى مشاكل الريادتير :) واحتمال كبير لو فاضى اتصل بيك قريب ونعمل موضوع تغيير المياه مع بعض(كنت كلمتك عليه من زمن).
منورنا مرة تانية ومشكور
الله ينور عليكم يا رجالة عملوها الوحوش
واضح فعلا ان المقابله كانت جميله
عقبال كل مرة ان شاء الله
السلام عليكم ورحمة الله
الف الف مبارك علي اول مقابلة لقسم هيونداي
ربنا يجعلها فتحة خير عليكم ان شاء الله تعالي
وكل مقابلة اقوي من اللي قبليها
اتمني بس بعد كده توزعوا اقراص منع غثيان البحر بتاع المراكب ده هههههههههههه :)))
تقبلوا مروري
اقعدوا بالعافية :))
باشمهندس / حسين ...
شرفتنا و نورتنا انت و كل الاخوة من قسم نيسان
ياراجل .... هو ده بحر ده النيل
امال تعمل أيه بقي في المقابلة الجاية اللي ناوي اعملها لكم علي ظهر باخرة ركاب سياحية من اللي باطلع أفتش عليهم في عرض البحر الابيض وسط الامواج العاتية
ساعتها مش هاينفع علبة أقراص دوار البحر ......
سلامات عليك يا حج, ايه ده كله !! ده العربيه اتشحورت. شكلنا حسدناها في المقابله هههههههه
لو فيها مواساه ليك انا النهارده دخلت في عربيه نقل !! ... بس بالمرايه الحمدلله. الله يخرب بيت الغرز :d
ان شاء الله, بس اعملي انا بقى خصم 50% :D :D :D
بداية قوية .. بحضور نخبة كبيرة من محبين المنتدى .. ومحبين قسم هيواندى
بس محبين قسم هيوانداى لازم يزيدوا اكتر واكتر .. عشان تقدروا تحققوا اهدافكم النبيلة لقسم هيواندى
وان شاء الله من نجاح الى نجاح .. ومزيد من الاستمراية فى الجهد سواء خارج المنتدى وداخله .. اكيد قسم هيوانداى ححقق الهدف المرجوا منه .. ويصبح قاطرة المنتدى
شكر خاص لكل الحاضرين من قسم هيواندى على راسهم اخى المهندس سمير .. وكريم فوزى وكل الحاضرين من القسم
وشكر اكبر لكريم منير على حضوره ودعمه القوى لكل اقسام المنتدى
وشكر خاص لمديرة المنتدى الاستاذة سما على حضورها .. وعلى دورك القوى والواضح فى الارتقاء الدائم بمنتدى نايل .. وتحية كبيرة لزوجها الاستاذ جمال اللى كان منورنا قبل كدا فى مقابلة نيسان .. ونورنا فى مقابلة هيونداى ايضا
وشكر خاص لاخى وحبيبى الجميل شنورى .. اللى كان منورنا بحضوره المتميز .. بشخصيته الجميلة الاجتماعية الجاذبة بطيبة ونقاء قلبه وتعليقاته وقفشاته الجميلة
وشكر خاص لعضوات المنتدى واخواتنا فى الله اللى كانوا حاضرين ومنورين المقابلة .. وعلى راسهم اختنا العزيزة دونزى .. وان شاء الله تنورنا فى مقابلة فى قسم نيسان باذن الله .. لاننا بنعتز بروحها الجميلة وطيبتها
وتحياتى الاسرية لحضرتك من المدام عندى ..
وشكر خاص لضيوف المقابلة الكبار .. الكبار فى اخلاقهم والكبار فى شغلهم
الحاج احمد مشعل جينز كار .. بدعمه دايما بمفاجاءته وبحبه لمنتدى نايل موتورز وبعرضه لقسم هيوانداى وهداياه
والاستاذ سامر مدير التسويق فى فالفوين على عرضه الخاص لهيونداى ولكل الحاضرين وهداياه الجميلة
والاستاذ محمد يسرى صاحب اكبر مشروع جديد وقوى فى مصر وهو تسليح الكاوتش .. الاستاذ محمد يسرى من الناس اللى بتعز بصداقتها جدا .. واخ حقيقى .. بشكره على حضوره وعلى عرضه لكل الحاضرين
وشكر عميق من القلب لصقور نيسان اللى نورتنى ورفعت راسى وحضورا المقابلة .. مع باقى السرب مجاش وحلق .. بس اكيد حتشوفوا باقى صقور نيسان فى المقابة القادمة لقسم نيسان باذن الله
وشكر للاستاذ هشام .. على الاستضافة .. وشكر على اهتمامه بكل الحاضرين .. وبتعبه معانا .. وحقيقى شخصية فى منتهى الذوق والادب .. وان شاء الله لينا لقاءات معاه قريب
واخيرا بشكركم على الدعوة الطيبة .. وان شاء الله نردها فى المناسبات الجميلة وتشروفنا وتنورنا فى قسم نيسان فى اقرب تجمع عندنا باذن الله
وتقبلوا تحياتى
اخوكم فى الله
احمد مصطفى
منسق قسم نيسان
استاذى الفاضل / استاذ غزالى
دا شرف لى اولا وجودك معانا ثانيا شرف اكبر خدمتنا لكم .
حضرتك ماتعرفش حجم سعادتى انا شخصيا بوجودكم جميعا وكون انى مهتم بكم فدا حقكم الطبيعى وماتستحقون فعلا فالشكر لكم لاتاحه هذه الفرصه لى لاكون انا وكل زملائى العاملين معى فى خدمتكم .
الاخت الفاضله العزيزه/ استاذه رنا
لا شكر على واجب اولا انا شخصيل خسرت كتير ان حضرتك جيتى متأخره كان نفسى اخدم حضرتك اكتر من كده لكن معلهش ملحوقه. ثانيا الشرف كل الشرف لى لوجودك معانا وانا ماعملتش حاجه يادوب كنت باحتول اعمل ماتستحقونه وحقيقى اتشرفت بحضرتك ودلوقتى انا خلاص عرفت الاسم ومش هانساه . شكرا لك لاعطائى انا وزملائى شرف خدمتك.ونشوفك مره ثانيه قريب.