الاستاذ الكبير قوى وحبيبى شخصيا / محمد عبد الجليل
حقيقى كنت اتمنى وجودك لاتشرف بك وبخدمتك بس ان شاءالله ملحوقه ويارب تشرفنا قريب علشان استمتع بخدمتك وبوجودك معانا .انت شخصيه محترمه جدا جدا واى انسان يتشرف بمعرفتك .
استاذى الفاضل / استاذ حسين
اتشرفت بمقابله حضرتك جدا جدا وكان نفسى اتكلم مع حضرتك كتير بس للاسف ماجتليش فرصه اعتذر شخصيا عن (دوار النيل) اللى هو ابن عم (دوار البحر)!!!!!!!!!! كده برضه ياباشمهندس لما حضرتك عندك غثيان مش تقول اخوك هشام يجيب لك الاقراص دا انا عندى كميات كبيره فى المكتب !!!!!!!!!!!!!! اتشرفت بحضرتك واتمنى لقاءك مره اخرى.
استاذى الفاضل/ احمد باشا
اتشرفت بمقابله حضرتك ومعرفتك واتمنى اننا نكون قدرنا نخدمكم بالمستوى الذى تستحقونه وبما يتماشى مع قيمتكم العاليه الغاليه لدينا.
الشيء الوحيد اللى ماقدرتش اسامح نفسى عليه(بعد المقابله) انى ماكنتش فى شرف وداعك وشكرك على تشريفك انت والاستاذ حسين. حقيقى حسيت ان انا اخطأت خطأ كبير انى ماوصلتكش لغايه عربيتك وشكرتك على تشريفك لنا لان هذا ماتستحق . بس عذرى انى كنت باطمئن عللا اخواتى ( مدام سما ودونزى ورنا) فى المكان التانى اللى كانوا فيه . باعتذر وبشده وارجو ان تتقبل تحياتى لك وفى انتظار تشريف حضرتك لى فى اى وقت.
مقابلة كانت جميلة فعلا و شرفني اني اكون موجودة في اول مقابلة لقسم هيونداي - مع اني كنت جاية لمدام سما بصراحة - و اللي كانت رائعة فعلا سواء بكل الاعضاء المحترمين اللي كانو موجودين او العروض و الهدايا الجميلة اللي خدناها مع انس كنت حاسة ان احنا _ العضوات الحاضرين _ فارضين نفسنا على المقابلة بس عشمي في قسم هيونداي و الاعضاء المحترمين في المنتدى كبير و اتمنى منكونش كنا تقال عليهم
بس اعذرونا عشان احنا مش بنعرف نعمل مقابلات نسائية منفصلة دا غير ان زميلتنا R A N A عضوة في قسم هيونداي اصلا
و شكر خاص لاستاذ سمير الشهاوي و كريم فوزي على تنسيق المقابلة الجميلة دي و عقبال كل المقابلات القادمة بس مش هانتقل عليكم تاني
التحية واجبة لحضرتك يا استاذ هشام على الترحيب و حسن الضيافة اللي شفناهم من حضرتك و كل طاقم العمل و حقيقي احنا اللي تشرفنا بمعرفة حضرتك
بالمناسبة العضواتان الاخريتان اسمهم الحركي في المنتدى
vet.mera
R A N A
أ/ دونزي ..
حضورك كان شرف كبير لنا و تكريم غير متوقع و حقيقي أنا باعتذر لك أنا و أخي كريم فوزي لأننا لم نعطك انتي و أختنا رنا الوقت الملائم لمقامكم الرفيع و لكني بالتمس من حضرتك و كل الاخوات اللائي كن حاضرات اللقاء العذر نظرا لأنهماكنا الشديد في الاعداد للمقابلة و الحرص علي كل تفاصيلها حتي تخرج لكم بهذا الشكل و عزائي الوحيد ان أختنا الفاضلة / سما كانت هيا مرافقتكم بنفسها طوال المقابلة
طبعا حضرتك و كل أخواتنا بالمنتدي سواء من هيونداي أو باقي الاقسام تشرفونا في أي مقابلة قادمة و بالعربي كده (أعتبروها دعوة مفتوحة لحضور كل مقابلات هيونداي)
الاخت الفاضله / دونزى
يعنى بالذمه دا كلام؟؟؟ دا انتى تشرفى فى اى مكان وفى اى وقت واى قسم واى مقابله..... مش كفايه انى انا قولت (الساده) العضوات!!!!!!!!! معلهش اخوكى اصله تعليم حكومى.... يا اختى الشرف لى ولكل عضو حضر المقابله واذا كان حضور حضرتك والاخت vet. mera كان علشان الاخت سما والاخت رنا فاحنا لازم نشكرهم انهم السبب لحضوركم وتشريفكم .
وزى ماقال الاستاذ سمير اعتبروها دعوه مفتوحه لحضور كل مقابلات الهيونداى انا كمان باقول لحضرتك اعتبريها دعوه مفتوحه منى لحضرتك تشرفينى فى اى وقت ولو فيه مقابلات هاتتعمل تانى فى الباخره انا بنفسى اللى هابعت لحضرتك الدعوه مهما كان القسم.وشاكر لحضرتك تعريفى باسماء العضوات الاخريات.
متجمعين في الخير دايما يا شباب
حاولت آجي بعد ما عرفت الميعاد من سمير بك الشهاوي بس للأسف كان عندي فرح في اليوم دة ومعرفتش ازوغ ... لكن ملحوقه ان شاء الله في عيد ميلاد المنتدى اشوفكم جميعا
سما .... برافوا عليكي انك قدرتي تيجي من اسكندرية في الجو الصعب دة
كريم منير ... انا عايز من الكوفية دي تكون عليها شعار المنتدى
شنوري .... لو كنت اعرف انك جاي كنت جيت خطفتك وسلمتك تسليم اهالي لبحه يا ندل
دى كانت عملية انتحارية والجو كان رهيب فعلا :-)
بس بمجرد وصولنا ومقابلتنا لمهندس سمير
كل البرد راح :-)
تكييف الالنترا كان عامل شغال جامد :tongue17:
المقابلة كانت ناقصاك فعلا يا خالد وحقيقى نتمنى تكون موجود فى المقابلات
وهنستناك فى عيد ميلاد المنتدى ان شاء الله
والله يا استاذ احمد احنا اللي بنتشرف بمعرفة ناس محترمين و ذوق زي حضرتك و شكرا جزيلا على الكلام الجميل اللي قلته عليا اللي هوا كتير عليا جدا و اتمنى كل مقابلات المنتدى تبقى في الخير ان شاء الله
و هاجي مقابلة نيسان بشرط ان المدام تكون موجودة ان شاء الله و برضو هاخطفها هي و استاذة سما على جنب كدا و نسيبكم على راحتكم
متقولش كدا يا استاذ سمير ولا تعتذر طبعا دا احنا اللي طبينا عليكم من غير احم ولا دستور و دي غلطتنا بس نعمل ايه بقى في استاذة سما اللي حكمت علينا عشان نشوفها لازم نيجي المقابلة
و اذا كانت كل مقابلات هيونداي هاتكون ناجحة و جميلة و منظمة زي المقابلة دي - دا غير الهدايا و الخصومات - اكيد مش هاحاول احضر بس المرة الجاية هاستأذن قبل ما اجي عشان مانلخبطلكمش الدنيا
اتشلرفت بمعرفتك و بمعرفة كريم فوزي و يارب نشوف قسم هيونداي من نجاح لنجاح على ايدكم ان شاء الله و بالتوفيق
هههههههه ولا يهمك يا استاذ هشام في بيتها و بعدين التعليم الحكومي دا اجدع ناااااااااااااس - ولا حد شايف غير كدا - و الشكر في الاول و في الاخر لحضرتك على حسن الضيافة و الاستقبال الجميل
بالنسبة للجملة اللي تحتها خط اعتقد كدا حضرتك هاتطفش كل الاقسام من انهم يعملوا المقابلات عند حضرتك ، انا بقول خليهم على راحتهم و انا هابقى اجي لوحدي :S_thum1[1]: